ಕರೊನಾ ಸೋಂಕಿನ ಎರಡನೇ ಅಲೆಯ ಅತಿವೃಷ್ಟಿ ಅನೇಕ ಅವಾಂತರಗಳನ್ನು ಉಂಟುಮಾಡುತ್ತಿದೆ. ಲಸಿಕೆ ಚಿಕಿತ್ಸಾಕ್ರಮ, ವೈದ್ಯಕೀಯ ಸೌಲಭ್ಯ ಇದ್ದರೂ ಅಪಾರ ಸಾವುನೋವು ತಂದಿದೆ. ಈಗಲಾದರೂ ಸರ್ಕಾರ ಎಚ್ಚೆತ್ತುಕೊಳ್ಳಬೇಕಾಗಿದೆ. ಕೋವಿಡ್ನಿಂದ ಮೃತ ಹೊಂದಿದವರ ಶವಸಂಸ್ಕಾರ ಮಾಡಲು ದಿನಪೂರ್ತಿ ಸಾಲುಗಟ್ಟಿ ನಿಲ್ಲಬೇಕಾಗಿದೆ. ಬೆಂಗಳೂರಿನ ಕೆಲವು ಭಾಗಗಳಲ್ಲಿ ಚಿತಾಗಾರಕ್ಕೆ ಕೊಂಡೊಯ್ಯಲು ಸಾಲುಸಾಲು ಆಂಬುಲೆನ್ಸ್ ನಿಂತಿವೆ. ಮೃತದೇಹವನ್ನು ಸೂಕ್ತರೀತಿಯಲ್ಲಿ ಶವಸಂಸ್ಕಾರ ಮಾಡಲು ಶವಾಗಾರಗಳನ್ನು ಮತ್ತು ನಿರ್ಜನ ಪ್ರದೇಶದಲ್ಲಿ ರುದ್ರಭೂಮಿಯನ್ನು ನೀಡಬೇಕು. ಈ ಮೂಲಕ ಸೂಕ್ತ ರೀತಿಯಲ್ಲಿ ಅಂತ್ಯಸಂಸ್ಕಾರ ನೇರವೇರಿಸಲು ಸರ್ಕಾರ ಅವಕಾಶ ಮಾಡಿಕೊಡಬೇಕು.
| ವಿದ್ಯಾಶ್ರೀ ಬಿ ಬಳ್ಳಾರಿ