ನಮ್ಮ ಅಜ್ಜಿಯಂದಿರು ಈಗಿನವರ ಹಾಗೆ ಯಾವುದೇ ಸ್ಕಿನ್ ಪ್ರಾಡಕ್ಟ್ಗಳು, ಫ್ಯಾಷನ್ ಪ್ರಾಡಕ್ಟ್ಗಳನ್ನು ಬಳಸುತ್ತಿರಲಿಲ್ಲ. ಆದರೂ ಅವರು ಅಪ್ರತಿಮ ಸೌಂದರ್ಯವತಿಯರಾಗಿದ್ದರು. ಕಾರಣವೇನು ಗೊತ್ತಾ...? ಅವರು ಬಳಸುತ್ತಿದ್ದದ್ದು ದುಬಾರಿಯಲ್ಲದ, ಹೆಲ್ತಿ ಕಾಸ್ಮೆಟಿಕ್ಸ್. ಅದೇನೆಂದು ನೋಡೋಣ ಬನ್ನಿ...
ಅರಿಶಿನ: ನಂಜುನಿರೊಧಕ ಗುಣಗಳನ್ನು ಹೊಂದಿರುವ ಅರಿಶಿನವನ್ನು ಮುಖಕ್ಕೆ ಹಚ್ಚುವುದರಿಂದ ಕಲೆಗಳು, ಮೊಡವೆಗಳು ಸುಲಭವಾಗಿ ಹೋಗುತ್ತವೆ. ಇದನ್ನು ಫೇಸ್ ಮಾಸ್ಕ್ ಆಗಿಯೂ ಬಳಸುವುದರಿಂದ ತ್ವಚೆ ಆರೋಗ್ಯಕರವಾಗಿ ಇರುವುದಲ್ಲದೆ, ಮುಖದ ಕಾಂತಿ ಹೆಚ್ಚುತ್ತದೆ.
ಆಲುಗಡ್ಡೆ: ಕಣ್ಣಿನ ಕೆಳಗೆ ಬರುವ ಡಾರ್ಕ್ ಸರ್ಕಲ್ ನಂತಹ ಸಮಸ್ಯೆಗಳಿಗೆ ಅವರು ಬಳಸುತ್ತಿದ್ದದ್ದು ಆಲುಗಡ್ಡೆ. ಹೌದು, ಕತ್ತರಿಸಿಕೊಂಡ ಹಸಿ ಆಲುಗಡ್ಡೆಯ ತೆಳುವಾದ ಬಿಲ್ಲೆಯನ್ನು ಕಣ್ಣಿನ ಕೆಳಗಡೆ ಇಟ್ಟು 5-10 ನಿಮಿಷ ಬಿಟ್ಟು ಮುಖ ತೊಳೆಯುವುದರಿಂದ ಬಹಳ ಬೇಗ ಫಲಿತಾಂಶ ಕಂಡುಕೊಳ್ಳಬಹುದು.
ಮೆಂತ್ಯೆಕಾಳು: ರಾತ್ರಿ ನೆನೆಸಿಟ್ಟ ಮೆಂತ್ಯೆಕಾಳನ್ನು ಮರುದಿನ ಬೆಳಗ್ಗೆ ರುಬ್ಬಿ ತಲೆ ಕೂದಲಿಗೆ ಹಚ್ಚುವುದರಿಂದ ಕೂದಲು ಶಕ್ತಿಯುತವಾಗಿ ದಟ್ಟವಾಗಿ ಬೆಳೆಯುತ್ತವೆ.
ಕಡಲೆಹಿಟ್ಟು: ಇನ್ನು ಕಡಲೆಹಿಟ್ಟಿನಿಂದ ಆಗುವ ಲಾಭ ಒಂದೇ, ಎರಡೇ ನೂರಾರುಮುಖ್ಯವಾಗಿ ಸ್ಕಿನ್ ಟ್ಯಾನ್ ಆಗದಂತೆ ತಡೆಯಲು, ಸ್ಕಿನ್ ಲೈಟನಿಂಗ್ಗೆ, ಎಣ್ಣೆ ತ್ವಚೆ ಆರೈಕೆ ಮಾಡಲು, ಮೊಡವೆ ಬರದಂತೆ ತಡೆಯಲು, ಅನಗತ್ಯ ಕೂದಲು ತೆಗೆಯಲು, ಉದ್ದ ಕೂದಲಿಗಾಗಿ, ಸುಂದರವಾದ ಕಲೆ ಮುಕ್ತ ತ್ವಚೆ ಹೊಂದಲು ಕಡಲೆಹಿಟ್ಟಿನ ಫೇಸ್ ಫ್ಯಾಕ್, ಹೇರ್ ಪ್ಯಾಕ್ ಹಾಕಬೇಕು.
ನಿಂಬೆಹಣ್ಣಿನ ಸಿಪ್ಪೆ: ಮೊಣಕಾಲು, ಮೊಣಕೈ ಕಪ್ಪಗೆ ಒರಟಾಗಿದ್ದರೆ ನಿಂಬೆಹಣ್ಣಿನ ಸಿಪ್ಪೆಯಿಂದ ಚೆನ್ನಾಗಿ ಉಜ್ಜಿಕೊಳ್ಳಬೇಕು. ಇದರಿಂದ ಆ ಭಾಗಗಳ ಚರ್ಮಕ್ಕೆ ಹೊಸಕಾಂತಿ ಮೂಡುವುದು, ಮೃದುವಾಗುವುದು.
ನಿಂಬೆಹಣ್ಣು ಹಾಗೂ ಸೌತೆಕಾಯಿ: ಕೆಮಿಕಲ್ ಬ್ಲೀಚಿಂಗ್ ಹಾಗೂ ಟ್ಯಾನ್ ರಿಮೂವಲ್ ಚಿಕಿತ್ಸೆ ಇರದಿದ್ದರೂ ಅಜ್ಜಿಯಂದಿರು ಇದರ ಉಪಯೋಗ ಪಡೆದುಕೊಳ್ಳುತ್ತಿದ್ದರು. ಹೇಗೆಂದರೆ ಮುಖಕ್ಕೆ ಸೌತೆಕಾಯಿ ಹಾಗೂ ನಿಂಬೆಹಣ್ಣಿನ ರಸದ ಮಿಶ್ರಣವನ್ನು ಹಚ್ಚುತ್ತಿದ್ದರು. ಇದರಿಂದ ಚರ್ಮದ ಟ್ಯಾನಿಂಗ್ ದೂರವಾಗುತ್ತಿತ್ತು ಅಲ್ಲದೆ, ತ್ವಚೆಯ ಆಳದಲ್ಲಿ ಅಡಗಿರುವ ಕೊಳೆಯು ನಾಶವಾಗುತ್ತಿತ್ತು.