ಬೆಂಗಳೂರು: ಪ್ರೀತಿ ಕುರುಡು ಎಂತಹವರನ್ನು ಸಹ ಮರಳು ಮಾಡುತ್ತದೆ. ಇತ್ತೀಚಿನ ದಿನಗಳಲ್ಲಿ ಪ್ರೀತಿ ತೋರ್ಪಡಿಕೆಯಾಗಿದೆ. ಇದಕ್ಕೆ ಪೂರಕ ಎಂಬಂತೆ ಪ್ರೇಮಿಗಳು ವಿಭಿನ್ನವಾಗಿ ನಿವೇದನೆ ಮಾಡಿಕೊಳ್ಳುವುದನ್ನು ನಾವು ನೋಡಿರುತ್ತೇವೆ, ಕೇಳಿರುತ್ತೇವೆ.
ಇದೀಗ ಮಹಿಳೆಯೊಬ್ಬರು ತನ್ನ ಸಂಗಾತಿಗಾಗಿ ವಿಶಿಷ್ಟವಾಗಿ ಪ್ರೀತಿಯನ್ನು ತೋರ್ಪಡಿಸುವ ಮೂಲಕ ಸುದ್ದಿಯಲ್ಲಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಹಣೆಯ ಮೇಲೆ ಟ್ಯಾಟೂ
ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಮಹಿಳೆ ಒಬ್ಬರು ತಮ್ಮ ಪತಿ ಹೆಸರನ್ನು ಹಣೆಯ ಮೇಲೆ ಟ್ಯಾಟೂ ಹಾಕಿಸುತ್ತಿರುವುದು ಕಂಡು ಬರುತ್ತದೆ.
ಮಹಿಳೆ ಒಬ್ಬರು ತಮ್ಮ ಹಣೆಯ ಮೇಲೆ ಸತೀಶ್ ಎಂದು ಬರೆಸಿಕೊಳ್ಳುತ್ತಿರುವುದು ಕಂಡು ಬರುತ್ತದೆ. ಈ ವಿಡಿಯೋವನ್ನು ನೋಡಿದ ಮೇಲೆ ನೆಟ್ಟಿಗರು ಭಿನ್ನ-ವಿಭಿನ್ನವಾಗಿ ಪ್ರತಿಕ್ರಿಯಿಸುತ್ತಿದ್ದು ಯುವತಿಯ ನಡೆಗೆ ಕಿಡಿಕಾರಿದ್ದಾರೆ.
ಕಿಡಿಕಾರಿದ ನೆಟ್ಟಿಗರು
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಬೆನ್ನಲ್ಲೇ ನೆಟ್ಟಿಗರು ಮಹಿಳೆಯ ಕಾರ್ಯಕ್ಕೆ ಕಿಡಿಕಾರಿದ್ದು ಇದು ಹುಚ್ಚುತನದ ಪರಮಾವಧಿ ಎಂದು ಕಿಡಿಕಾರಿದ್ದಾರೆ.
ಇದು ಮೂರ್ಖತನ ಅಲ್ಲದೆ ಬೇರೇನು ಅಲ್ಲ ನಿಮ್ಮ ಪ್ರೀತಿಯನ್ನು ಸಾಬೀತುಪಡಿಸಲು ತಳುವಳಿಕೆ ಇರಬೇಕು ಈ ರೀತಿ ಹುಚ್ಚುತನ ಅಲ್ಲ ಎಂದು ಪ್ರತಿಕ್ರಿಯಿಸಿದ್ದಾರೆ.