ಬೆಂಗಳೂರು: ವಾಟ್ಸ್ಆ್ಯಪ್ ಮೂಲಕ ಆರ್ಥಿಕ ವಂಚನೆ ಎಸಗುತ್ತಿರುವ ಪ್ರಕರಣಗಳು ಅಧಿಕವಾಗುತ್ತಿದ್ದು, ಇತ್ತೀಚೆಗೆ ಅಂತಾರಾಷ್ಟ್ರೀಯ ಕರೆಗಳನ್ನು ಮಾಡುವ ಮುಖೇನವೂ ಮೋಸ ಮಾಡಲಾಗುತ್ತಿದೆ. ಅಲ್ಲದೆ ವಾಟ್ಸ್ಆ್ಯಪ್ಗೆ ಅಂತಾರಾಷ್ಟ್ರೀಯ ಕರೆಗಳು ಬರುತ್ತಿರುವ ಮಾತುಗಳು ಹೆಚ್ಚಾಗಿ ಕೇಳಿಬರುತ್ತಿದ್ದು, ಮುನ್ನೆಚ್ಚರಿಕೆ ಕ್ರಮವಾಗಿ ಈ ಕೆಳಗಿನ ಅಂಶಗಳನ್ನು ಪಾಲಿಸುವುದು ಒಳಿತು.
- ಮೊದಲನೆಯದಾಗಿ ಅಪರಿಚಿತ ನಂಬರ್ಗಳಿಂದ ಬರುವ ಅಂತಾರಾಷ್ಟ್ರೀಯ ಕರೆಗಳನ್ನು ಸ್ವೀಕರಿಸಲೇಬೇಡಿ. ಅಂಥ ಕರೆಗಳನ್ನು ಸ್ವೀಕರಿಸುವುದೇ ಅಪಾಯಕ್ಕೆ ಬಾಗಿಲು ತೆರೆದಂತೆ. ಹೀಗಾಗಿ ಅಂಥ ಕರೆಗಳನ್ನು ಬಂದಾಗ ನಿರ್ಲಕ್ಷಿಸಿ.
- ಅಂತಾರಾಷ್ಟ್ರೀಯ ಕರೆಗಳು ಪದೇಪದೆ ಬರಲಾರಂಭಿಸಿದರೆ ಅಂಥ ನಂಬರ್ಗಳನ್ನು ಬ್ಲಾಕ್ ಮಾಡಿ.
ಇದನ್ನೂ ಓದಿ: ಮತ ಚಲಾಯಿಸಿದ ಬೆನ್ನಿಗೇ ‘ಕರೆಂಟ್ ಶಾಕ್’: ಏ. 1ರಿಂದಲೇ ಜಾರಿಗೆ ಬರುವಂತೆ ವಿದ್ಯುತ್ ದರ ಏರಿಕೆ!
- ನಿಮಗೆ ಬಂಪರ್ ಬಹುಮಾನ ಬಂದಿದೆ, ನೀವು ಲಕ್ಕಿ ಡ್ರಾನಲ್ಲಿ ಗೆದ್ದಿದ್ದೀರಿ, ನಗದು ಪಡೆಯಲು ಅಥವಾ ಬಹುಮಾನಕ್ಕಾಗಿ ಈ ಲಿಂಕ್ ಕ್ಲಿಕ್ ಮಾಡಿ ಎಂದೆಲ್ಲ ಬರುವ ಮೆಸೇಜ್ಗಳಿಗೆ ಪ್ರತಿಕ್ರಿಯಿಸಬೇಡಿ. ಅಪ್ಪಿತಪ್ಪಿಯೂ ಅಂಥ ಲಿಂಕ್ಗಳನ್ನು ಕ್ಲಿಕ್ ಮಾಡಬೇಡಿ.
- ಸ್ಪ್ಯಾಮ್, ಫ್ರಾಡ್ ಅಥವಾ ವಂಚನೆಯ ಜಾಲದ ನಂಬರ್ ಎಂದು ನಿಮಗೆ ಅನಿಸಿದಲ್ಲಿ ಹಾಗೂ ಅಂತಾರಾಷ್ಟ್ರೀಯ ಇಲ್ಲವೇ ಆರ್ಥಿಕ ಆಮಿಷದ ಕರೆಗಳು ಪದೇಪದೆ ಬರುತ್ತಿದ್ದರೆ ಅಂಥ ನಂಬರ್ಗಳನ್ನು ರಿಪೋರ್ಟ್ ಮಾಡಿ.
- ಎಲ್ಲಕ್ಕಿಂತ ಮುಖ್ಯವಾಗಿ ನೀವು ವಾಟ್ಸ್ಆ್ಯಪ್ನಲ್ಲಿ ಟು-ಫ್ಯಾಕ್ಟರ್ ವೆರಿಫಿಕೇಷನ್ ಆ್ಯಕ್ಟಿವೇಟ್ ಮಾಡಿಕೊಂಡಿರಿ. ಇದು ನಿಮ್ಮ ವಾಟ್ಸ್ಆ್ಯಪ್ ಖಾತೆಗೆ ಸುಲಭದ ಪ್ರವೇಶವನ್ನು ತಡೆದು, ಹೆಚ್ಚಿನ ಸುರಕ್ಷತೆ ನೀಡುತ್ತದೆ.
ಇನ್ನು ಕಾರ್ಪೋರೇಟ್ ಕಚೇರಿಗಳಲ್ಲೂ ಬಾರ್!; ಅಬಕಾರಿ ನೀತಿಯಲ್ಲೇ ಅವಕಾಶ: ಎಲ್ಲಿ, ಷರತ್ತುಗಳೇನು?
ಹನ್ನೊಂದರ ಈ ಹುಡುಗಿ ಐನ್ಸ್ಟೀನ್-ಸ್ಟೀಫನ್ ಹಾಕಿಂಗ್ಗಿಂತಲೂ ಬುದ್ಧಿವಂತೆ!