ಚೆನ್ನೈ: ತಮಿಳು ಚಿತ್ರರಂಗದಲ್ಲಿ 1980-90ರ ದಶಕದಲ್ಲಿ ಬಹು ಬೇಡಿಕೆಯ ನಟನಾಗಿ ಮಿಂಚಿದ ನಟ ಪ್ರಭು ಅವರು ಇತ್ತೀಚಗಷ್ಟೇ ತಮ್ಮ ಮಗಳು ಐಶ್ವರ್ಯಾಗೆ ಬಹಳ ಸರಳವಾಗಿ ಎರಡನೇ ಮದುವೆ ಮಾಡಿಕೊಟ್ಟರು. ಯುವ ನಿರ್ದೇಶಕ ಅಧಿಕ್ ರವಿಚಂದ್ರನ್ ಜತೆ ಐಶ್ವರ್ಯಾ ಸಪ್ತಪದಿ ತುಳಿದಿದ್ದು, ಇಬ್ಬರ ಮದುವೆ ವಿಚಾರ ಇದೀಗ ಸಖತ್ ಸುದ್ದಿ ಮಾಡುತ್ತಿದೆ.
ಈ ಅಧಿಕ್ ರವಿಚಂದ್ರನ್ ಯಾರು ಎಂಬುದನ್ನು ಮೊದಲ ತಿಳಿಸಿಬಿಡುತ್ತೇನೆ. ಇತ್ತೀಚೆಗಷ್ಟೇ ಸ್ಟಾರ್ ನಟ ವಿಶಾಲ್ ಮತ್ತು ಎಸ್ಜೆ ಸೂರ್ಯ ನಟನೆಯ ಮಾರ್ಕ್ ಆ್ಯಂಟೋನಿ ಸಿನಿಮಾ ಕಾಲಿವುಡ್ನಲ್ಲಿ ಬಿಡುಗಡೆಯಾಯಿತು. ಟೈಮ್ ಟ್ರಾವೆಲ್ ಕುರಿತ ಈ ಸಿನಿಮಾ ಸಖತ್ ಹಿಟ್ ಆಯಿತು. ತಮಿಳು ಬಾಕ್ಸ್ ಆಫೀಸ್ನಲ್ಲಿ 100 ಕೋಟಿ ರೂ.ಗೂ ಅಧಿಕ ಗಳಿಕೆ ಮಾಡಿತು. ಈ ಸಿನಿಮಾದ ನಿರ್ದೇಶಕರೇ ಈ ಅಧಿಕ್ ರವಿಚಂದ್ರನ್. ಅಂದಹಾಗೆ ಅಧಿಕ್ ಮತ್ತು ಐಶ್ವರ್ಯಾ ನಡುವೆ ಭಾರಿ ವಯಸ್ಸಿನ ಅಂತರವಿದೆ. ಅಧಿಕ್ ವಯಸ್ಸು 32 ಮತ್ತು ಐಶ್ವರ್ಯಾ ವಯಸ್ಸು 42 ವರ್ಷ ಎಂದು ಮೂಲಗಳು ತಿಳಿಸಿವೆ.
ಇದೀಗ ತಮಿಳುನಾಡಿನ ಹಿರಿಯ ಪತ್ರಕರ್ತ ಹಾಗೂ ಸಿನಿಮಾ ವಿಮರ್ಶಕ ಚೆಯ್ಯರು ಬಾಲು ಅವರು ಸ್ಫೋಟಕ ಸಂಗತಿಯನ್ನು ಹೊರಗೆಡವಿದ್ದಾರೆ. ಇತ್ತೀಚೆಗೆ ಮಾಧ್ಯಮ ಸಂದರ್ಶನದಲ್ಲಿ ಮಾತನಾಡಿದ ಬಾಲು ಅವರು ಐಶ್ವರ್ಯಾರನ್ನು ಮದುವೆಯಾಗಲು ಅಧಿಕ್ ಅವರು ಒಂದೇ ಒಂದು ಷರತ್ತು ಹಾಕಿದ್ದರು ಎಂದು ಹೇಳಿದ್ದಾರೆ. ಆ ಷರತ್ತು ಏನೆಂದರೆ, ಮದುವೆ ಬಹಳ ಸರಳವಾಗಿ ನಡೆಯಬೇಕು ಎಂಬುದು. ಆದರೆ, ಪ್ರಭು ಅವರಿಗೆ ಬಹಳ ಅದ್ಧೂರಿಯಾಗಿ ಮದುವೆ ಮಾಡಿಕೊಡುವ ಆಸೆ ಇತ್ತೆಂದು ತಿಳಿದುಬಂದಿದೆ.
ಮದುವೆ ವಿಚಾರ ಒಂದೆಡೆಯಾದರೆ, ಇದೀಗ ವರದಕ್ಷಿಣೆ ವಿಚಾರ ಕಾಲಿವುಡ್ನಲ್ಲಿ ಹಾಟ್ ಟಾಪಿಕ್ ಆಗಿದೆ. ಪ್ರಭು ಅವರ ಕುಟುಂಬ ಅಧಿಕ್ಗೆ ಬರೋಬ್ಬರಿ 500 ಕೋಟಿ ರೂ. ವರದಕ್ಷಿಣೆ ನೀಡಿದೆ ಎಂಬ ಸುದ್ದಿ ತಮಿಳು ಚಿತ್ರರಂಗದಲ್ಲಿ ಕಾಡ್ಗಿಚ್ಚಿನಂತೆ ಹರಡಿದೆ. ಅಸಲಿಗೆ ಈ ವಿಚಾರವನ್ನು ಪ್ರಸ್ತಾಪ ಮಾಡಿದ್ದೇ ಚೆಯ್ಯರು ಬಾಲು. ಇದು ಎಷ್ಟು ಸತ್ಯ? ಮತ್ತು ಸುಳ್ಳು? ಎಂಬುದನ್ನು ಸ್ವತಃ ಪ್ರಭು ಅಥವಾ ಅಧಿಕ್ ಬಹಿರಂಗಪಡಿಸಬೇಕಿದೆ. ಸದ್ಯ 500 ಕೋಟಿ ರೂ. ವರದಕ್ಷಿಣೆ ಸಂಗತಿ ಮಾತ್ರ ಭಾರಿ ಚರ್ಚೆಯಾಗುತ್ತಿದೆ.
ಅಂದಹಾಗೆ ಅಧಿಕ್ ಮತ್ತು ಐಶ್ವರ್ಯಾ ಮದುವೆ ಡಿ. 15ರಂದು ಸರಳವಾಗಿ ನಡೆಯಿತು. ಈ ಮದುವೆಗೆ ಸೂಪರ್ಸ್ಟಾರ್ ರಜಿನಿಕಾಂತ್, ಸೂರ್ಯ ಹಾಗೂ ವಿಶಾಲ್ ಸೇರಿದಂತೆ ತಮಿಳು ಚಿತ್ರರಂಗದ ಗಣ್ಯರು ಭಾಗವಹಿಸಿ ನವಜೋಡಿಗೆ ಶುಭ ಹಾರೈಸಿದರು. ಐಶ್ವರ್ಯಾಗೆ 2008ರಲ್ಲೇ ಸಾಫ್ಟ್ವೇರ್ ಇಂಜಿನಿಯರ್ ಜತೆ ಮದುವೆಯಾಗಿತ್ತು. ಆದರೆ, ಮನಸ್ತಾಪಗಳ ಕಾರಣದಿಂದ ಇಬ್ಬರು ಡಿವೋರ್ಸ್ ಪಡೆದರು. ಅಮೆರಿಕದಲ್ಲಿ ಅಧಿಕ್ ಅವರನ್ನು ಭೇಟಿಯಾದ ಬಳಿಕ ಇಬ್ಬರ ನಡುವೆ ಪ್ರೇಮ ಚಿಗುರಿತು ಎನ್ನಲಾಗಿದೆ.
ಇನ್ನು ಅಧಿಕ್ ವಿಚಾರಕ್ಕೆ ಬಂದರೆ, ಕಾಲಿವುಡ್ನಲ್ಲಿ ಭರವಸೆಯ ನಿರ್ದೇಶಕ ಎನಿಸಿಕೊಂಡಿದ್ದಾರೆ. ಅಜಿತ್ ಅವರ 63ನೇ ಚಿತ್ರಕ್ಕೆ ಅಧಿಕ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. (ಏಜೆನ್ಸೀಸ್)
ಚಳಿಗಾಲದಲ್ಲಿ ಪ್ರತಿದಿನ ರಾತ್ರಿ ಮುಖಕ್ಕೆ ತೆಂಗಿನ ಎಣ್ಣೆ ಹಚ್ಚಿ ಮಲಗ್ತೀರಾ? ಇಲ್ಲಿದೆ ಉಪಯುಕ್ತ ಮಾಹಿತಿ…