ಸ್ಟಾಕ್ಹೋಮ್: ಭೌತಶಾಸ್ತ್ರ ಕ್ಷೇತ್ರಕ್ಕೆ ಸಂಬಂಧಿಸಿದ ಪ್ರಸಕ್ತ ವರ್ಷದ ಪ್ರತಿಷ್ಠಿತ ನೊಬೆಲ್ ಪುರಸ್ಕಾರ, ಕಪ್ಪುಕುಳಿಗಳ ಕುರಿತ ಸಂಶೋಧನೆಗಾಗಿ ಮೂವರು ಸೈಂಟಿಸ್ಟ್ಗಳ ಪಾಲಾಗಿದೆ ಎಂದು ದ ರಾಯಲ್ ಸ್ವೀಡಿಷ್ ಅಕಾಡೆಮಿ ಮಂಗಳವಾರ ತಿಳಿಸಿದೆ.
ಬ್ರಿಟನ್ನ ರೋಜರ್ ಪನ್ರೋಸ್ ಅವರ “ಕಪ್ಪುಕುಳಿ ರಚನೆಯ ಅನ್ವೇಷಣೆಯು ಸಾಮಾನ್ಯ ಸಾಪೇಕ್ಷ ಸಿದ್ಧಾಂತದ ದೃಢ ಊಹೆಯ ಫಲ” ಎಂಬ ಕುರಿತ ಪ್ರತಿಪಾದನೆಗೆ ನೊಬೆಲ್ ಒಲಿದಿದೆ. ಇದೇ ರೀತಿ, ಜರ್ಮನ್ ರೆನ್ಹಾರ್ಡ್ ಜೆನ್ಝೆಲ್ ಮತ್ತು ಅಮೆರಿಕನ್ ಆಂಡ್ರಿಯಾ ಘೆಝ್ ಇಬ್ಬರು ಸೇರಿ ನಮ್ಮ ನಕ್ಷತ್ರಪುಂಜಗಳ ಮಧ್ಯೆ ಒಂದು ಬೃಹತ್ ಕಾಂಪಾಕ್ಟ್ ವಸ್ತು ಇದೆ ಎಂಬುದನ್ನು ಶೋಧಿಸಿದಕ್ಕಾಗಿ ಪುರಸ್ಕಾರ ಒಲಿದಿದೆ.
ಇದನ್ನೂ ಓದಿ: ಕ್ವಾರಂಟೈನಿಗಳ ನಿತ್ಯ ನರಳಾಟ: ಕೋವಿಡ್-19 ಕೇಂದ್ರಗಳ ಅವ್ಯವಸ್ಥೆ ದರ್ಶನ
ಪ್ರತಿಷ್ಠಿತ ಪ್ರಶಸ್ತಿಯಲ್ಲಿ ಒಂದು ಚಿನ್ನದ ಪದಕ, ಬಹುಮಾನದ ನಗದು 10 ದಶಲಕ್ಷ ಸ್ವೀಡಿಶ್ ಕ್ರೊನೋರ್ (8.08 ಕೋಟಿ ರೂಪಾಯಿ) ಒಳಗೊಂಡಿದೆ. ಆಲ್ಫ್ರೆಡ್ ನೊಬೆಲ್ ಸ್ಥಾಪಿಸಿದ ಪ್ರಶಸ್ತಿ ಇದು. ಹಣದುಬ್ಬರಕ್ಕೆ ಸಮನಾಗಿ ಬಹುಮಾನ ಮೊತ್ತವನ್ನು ಇತ್ತೀಚೆಗೆ ಏರಿಸಲಾಗಿದೆ. (ಏಜೆನ್ಸೀಸ್)