ಬೆಂಗಳೂರು: ಟೀಮ್ ಇಂಡಿಯಾ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಇತ್ತೀಚೆಗೆ ಕೋರಿಯೋಗ್ರಾಫರ್ ಹಾಗೂ ವೈದ್ಯೆ ಧನಶ್ರೀ ವರ್ಮ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಅಚ್ಚರಿ ನೀಡಿದ್ದರು. ಚಾಹಲ್ ಕೈಹಿಡಿಯುವುದಕ್ಕೆ ಸಜ್ಜಾದ ಬಳಿಕ ಧನಶ್ರೀ ವರ್ಮ ಕೂಡ ಸಾಕಷ್ಟು ಜನಪ್ರಿಯತೆ ಸಂಪಾದಿಸಿದ್ದಾರೆ. ಯುಟ್ಯೂಬ್ನಲ್ಲಿ ವಿವಿಧ ಡ್ಯಾನ್ಸ್ ವಿಡಿಯೋಗಳನ್ನು ಅಪ್ಲೋಡ್ ಮಾಡುತ್ತ ಗಮನ ಸೆಳೆಯುತ್ತ ಬಂದಿದ್ದ ಧನಶ್ರೀ ವರ್ಮ ಅವರು ಈಗ ಪಿಪಿಇ ಕಿಟ್ ಧರಿಸಿ ಮಾಡಿರುವ ನೃತ್ಯದ ವಿಡಿಯೋ ಕೂಡ ಸಾಕಷ್ಟು ವೈರಲ್ ಆಗಿದೆ.
ಇನ್ಸ್ಟಾಗ್ರಾಂನಲ್ಲಿ ಧನಶ್ರೀ ವರ್ಮ ಪೋಸ್ಟ್ ಮಾಡಿರುವ ಹೊಸ ವಿಡಿಯೋ ಸಾಕಷ್ಟು ಗಮನ ಸೆಳೆದಿದೆ. ಪಿಪಿಇ ಕಿಟ್ ಧರಿಸಿ ಧನಶ್ರೀ ವರ್ಮ ಅವರು ‘ಕುರ್ತಾ ಪೈಜಾಮಾ’ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಜತೆಗೆ, ‘ನನ್ನ ಕುರ್ತಾ ಪೈಜಾಮಾ ನನ್ನ ಸೇಫ್ಟಿ ಕಿಟ್ ಆಗಿವೆ. ಎಲ್ಲ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಿ ಮತ್ತು ಸುರಕ್ಷಿತವಾಗಿರಿ’ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ಗೆ ಚಾಹಲ್ ಕೂಡ ಮೆಚ್ಚುಗೆಯ ಕಮೆಂಟ್ ಹಾಕಿದ್ದಾರೆ.
ಇದನ್ನೂ ಓದಿ: VIDEO | ಚಾಹಲ್ ಡ್ಯಾನ್ಸ್ಗೆ ಭಾವಿ ಪತ್ನಿ ಕೋರಿಯೋಗ್ರಾಫರ್!
ಧನಶ್ರೀ ಅವರು ಈ ವಿಡಿಯೋವನ್ನು ವಿಮಾನ ನಿಲ್ದಾಣದಲ್ಲಿ ಚಿತ್ರೀಕರಿಸಿದ್ದಾರೆ ಎನ್ನಲಾಗುತ್ತಿದೆ. ಚಾಹಲ್ ಅವರೇ ಈ ವಿಡಿಯೋವನ್ನು ಶೂಟ್ ಮಾಡಿದ್ದಾರಾ ಎಂದೂ ಅಭಿಮಾನಿಗಳು ಪ್ರಶ್ನಿಸಿದ್ದಾರೆ. ಚಾಹಲ್ ಮುಂಬರುವ ಐಪಿಎಲ್ನಲ್ಲಿ ಆರ್ಸಿಬಿ ತಂಡದ ಪರ ಕಣಕ್ಕಿಳಿಯಲಿದ್ದಾರೆ. ಅವರು ಈಗಾಗಲೆ ಬೆಂಗಳೂರಿಗೆ ಆಗಮಿಸಿ ಕ್ವಾರಂಟೈನ್ಗೂ ಒಳಪಟ್ಟಿದ್ದಾರೆ ಎನ್ನಲಾಗುತ್ತಿದೆ. ಧನಶ್ರೀ ಅವರು ಡ್ಯಾನ್ಸ್ನ ಪೂರ್ಣ ವಿಡಿಯೋವನ್ನು ಯುಟ್ಯೂಬ್ನಲ್ಲಿ ತಮ್ಮ 1.5 ದಶಲಕ್ಷ ಹಿಂಬಾಲಕರಿಗೆ ಹಂಚಿದ್ದಾರೆ.
https://www.instagram.com/p/CDvhXZulUV5/?utm_source=ig_web_copy_link