ಚೆನ್ನೈ: ನಿನ್ನೆ (ಮೇ.01) ಇಲ್ಲಿನ ಎಂ.ಎ. ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಪಂಜಾಬ್ ಕಿಂಗ್ಸ್ ನಡುವಿನ ಪಂದ್ಯದಲ್ಲಿ ಪಂಜಾಬ್ ಏಳು ವಿಕೆಟ್ ಅಂತರದಿಂದ ಸಿಎಸ್ಕೆ ವಿರುದ್ಧ ಭರ್ಜರಿ ಜಯ ಸಾಧಿಸಿತು. ಚೆನ್ನೈ ಪಡೆ ನೀಡಿದ 163 ರನ್ ಗುರಿಯನ್ನು ಚೇಸಿಂಗ್ ಮಾಡಿದ ಕಿಂಗ್ಸ್ ಪರ ಜಾನಿ ಬೇರ್ಸ್ಟೊ 46 (30) ಮತ್ತು ರೈಲಿ ರುಸ್ಸೋ 23 ಎಸೆತಗಳಲ್ಲಿ 43 ರನ್ ಸಿಡಿಸುವ ಮೂಲಕ ತಂಡದ ಗೆಲುವಿಗೆ ಪ್ರಮುಖ ಕಾರಣರಾದರು.
ಇದನ್ನೂ ಓದಿ: ಮದುವೆಗೂ ಮುನ್ನ ಆರು ಮಂದಿ ಜೊತೆಗೆ ಸುತ್ತಾಡಿದ್ರು ಕೊಹ್ಲಿ ಪತ್ನಿ ಅನುಷ್ಕಾ!
ಮೊದಲ ಇನ್ನಿಂಗ್ಸ್ನಲ್ಲಿ ಸಿಎಸ್ಕೆ ಬ್ಯಾಟ್ಸ್ಮನ್ಗಳನ್ನು ಹೆಚ್ಚು ರನ್ ಕಲೆಹಾಕದಂತೆ ತಡೆದ ರಾಹುಲ್ ಚಾಹರ್ ಮತ್ತು ಹರ್ಪ್ರಿತ್ ಬ್ರಾರ್ ತಲಾ ಎರಡು ವಿಕೆಟ್ಗಳನ್ನು ಕಬಳಿಸುವ ಮೂಲಕ ತಂಡಕ್ಕೆ ಆಸರೆಯಾದರು. ಪಂಜಾಬ್ ಬೌಲರ್ಗಳ ಆರ್ಭಟದ ಮಧ್ಯೆಯೂ 62 ರನ್ ಸಿಡಿಸಿದ ಸಿಎಸ್ಕೆ ಕ್ಯಾಪ್ಟನ್ ರುತುರಾಜ್ ಗಾಯಕ್ವಾಡ್, ಕ್ರಿಕೆಟ್ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರರಾದರು.
ಇನ್ನು ಈ ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್ ಮಾಡಲು ಮುಂದಾದ ಸಮೀರ್ ರಿಜ್ವೀ, ಕಗಿಸೋ ರಬಾಡ ಬೌಲಿಂಗ್ನಲ್ಲಿ ಕ್ಯಾಚ್ ಔಟ್ ಆಗಿ, ಪೆವಿಲಿಯನ್ ಹಾದಿ ಹಿಡಿದರು. ಆದರೆ, ಸಿಕ್ಸ್ ಹೊಡೆಯಲು ಹೋದ ರಿಜ್ವೀ ಅವರ ಕ್ಯಾಚ್ ಅನ್ನು ಬೌಂಡರಿ ಲೈನ್ನಲ್ಲಿದ್ದ ಹರ್ಷಲ್ ಪಟೇಲ್ ಸ್ಟೈಲಿಶ್ ಆಗಿ ಹಿಡಿದರು. ಬಾಲ್ ಕ್ಯಾಚ್ ಹಿಡಿದ ಪಟೇಲ್ ಕೆಲವು ಸೆಕೆಂಡ್ಗಳು ತಮ್ಮ ಸಂತಸವನ್ನು ನೆಲದ ಮೇಲೆ ಹೇಗಿದ್ದರೋ, ಹಾಗೆಯೇ ಉಳಿಯುವ ಮೂಲಕ ಸಂಭ್ರಮ ವ್ಯಕ್ತಪಡಿಸಿದರು.
ಇದನ್ನೂ ಓದಿ: ಪೌರ ಕಾರ್ಮಿಕರ ಸೇವೆ ಅತ್ಯಮೂಲ್ಯ: ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕಿ ತುಷಾರಮಣಿ ಶ್ಲಾಘನೆ
ಹರ್ಷಲ್ ಪಟೇಲ್ ಕ್ಯಾಚ್ ಹಿಡಿದ ಸ್ಟೈಲ್ ನೋಡಿದ ಕ್ರಿಕೆಟ್ ಅಭಿಮಾನಿಗಳು, ಇದು ಯಜುವೇಂದ್ರ ಚಹಲ್ ಅವರ ಅನುಕರಣೆ ಇದ್ದಂತಿದೆ ಅಲ್ವಾ? ಎಂದು ಚಹಲ್ರನ್ನು ಸೋಷಿಯಲ್ ಮೀಡಿಯಾದಲ್ಲಿ ಟ್ಯಾಗ್ ಮಾಡಿ ಪ್ರಶ್ನಿಸಿದ್ದಾರೆ. ಇದನ್ನು ನೋಡಿದ ಯಜುವೇಂದ್ರ ಚಹಲ್ ಹೌದಲ್ವಾ? ಎಂದು ಒಂದು ನಿಮಿಷ ಅಚ್ಚರಿಗೆ ಒಳಗಾಗಿದ್ದಾರೆ. ಕೂಡಲೇ ಎಕ್ಸ್ನಲ್ಲಿ (ಈ ಹಿಂದಿನ ಟ್ವಿಟರ್) ಟ್ವೀಟ್ ಮಾಡಿದ ಅವರು, ಹರ್ಷಲ್ ಪಟೇಲ್ ಕಾಪಿರೈಟ್ಸ್ ನಿಯಮವನ್ನು ಉಲಂಘಿಸಿದ್ದಾರೆ ಎಂದು ಎಕ್ಸ್ ಮಾಲೀಕ ಎಲೋನ್ ಮಸ್ಕ್ನ ಟ್ಯಾಗ್ ಮಾಡಿ, ತಿಳಿಸಿದ್ದಾರೆ.
ಚಹಲ್ರ ಈ ಟ್ವೀಟ್ ಸಿಕ್ಕಾಪಟ್ಟೆ ಹಾಸ್ಯಸ್ಪದವಾಗಿದ್ದು, ಹಲವರು ಈ ತಮಾಷೆ ಎಂದಿನಂತೆ ಮುಂದುವರೆಯಲಿದೆ ಎಂದು ವ್ಯಾಪಕವಾಗಿ ಅಭಿಪ್ರಾಯಿಸಿದ್ದಾರೆ. ಸದ್ಯ ಈ ಟ್ವೀಟ್ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ,(ಏಜೆನ್ಸೀಸ್).
ಡರೈಲ್ ಮಿಚೆಲ್ಗೆ ಕ್ರೀಸ್ ಕೊಡಲಿಲ್ಲ ಅನ್ನೋದಕ್ಕೆ ಕಾರಣವಿದೆ! ಧೋನಿ ಮಾಡಿದ್ದರಲ್ಲಿ ಯಾವುದೇ ತಪ್ಪಿಲ್ಲ
ಟೀಂ ಇಂಡಿಯಾದಲ್ಲಿ ಧೋನಿ ಸ್ಥಾನವನ್ನು ಈತ ತುಂಬಲಿದ್ದಾನೆ: ಯುವ ಸ್ಟಾರ್ ಆಟಗಾರನ ಮೇಲೆ ಸಿದ್ದು ಭರವಸೆ