ಮುಂಬೈ: ಸುಮಾರು ಏಳು ತಿಂಗಳುಗಳ ನಂತರ ಚಿತ್ರಮಂದಿರಗಳು ಚಿತ್ರಪ್ರದರ್ಶನವನ್ನು ಪ್ರಾರಂಭಿಸಿವೆ. ಆದರೆ, ಈಗಲೂ ಜನ ಕರೊನಾಗೆ ಹೆದರಿ ಚಿತ್ರಮಂದಿಗಳತ್ತ ಧೈರ್ಯದಿಂದ ಹೆಜ್ಜಾ ಹಾಕುತ್ತಿಲ್ಲ. ಜನ ಬಾರದೆ ಚಿತ್ರಮಂದಿರದವರು ಸಹ ಕಂಗಾಲಾಗಿ, ಈ ಸಮಸ್ಯೆ ಯಾವಾಗ ಸರಿಹೋಗುತ್ತದೆ ಎಂದು ತಲೆ ಮೇಲೆ ಕೈಹೊತ್ತು ಕುಳಿತಿದ್ದಾರೆ.
ಇದನ್ನೂ ಓದಿ: ಬಹುನಿರೀಕ್ಷಿತ ‘ಲಕ್ಷ್ಮೀ’ ನೋಡಿದ ಜನ ಏನಂತಾರ ಗೊತ್ತಾ?
ಹೀಗಿರುವಾಗಲೇ, ಬಾಲಿವುಡ್ನ ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆಯಾದ ಯಶ್ರಾಜ್ ಫಿಲಂಸ್ ಒಂದು ಮಹತ್ವದ ತೀರ್ಮಾನವನ್ನು ತೆಗೆದುಕೊಂಡಿದೆ. ದೀಪಾವಳಿ ಹಬ್ಬದ ಅಂಗವಾಗಿ ಒಂದು ವಾರ ತನ್ನ ಸಂಸ್ಥೆಯಿಂದ ಬಿಡುಗಡೆಯಾದ ಕೆಲವು ಹಿಟ್ ಚಿತ್ರಗಳನ್ನು ಮಲ್ಟಿಪ್ಲೆಕ್ಸ್ಗಳಲ್ಲಿ ಪುಕ್ಕಟ್ಟೆಯಾಗಿ ತೋರಿಸುವುದಕ್ಕೆ ಮುಂದಾಗಿದೆ.
ಹಬ್ಬ ಎನ್ನುವುದು ಒಂದು ಕಾರಣವಾದರೆ, ಜನರನ್ನು ಚಿತ್ರಮಂದಿರಗಳತ್ತ ಮತ್ತೆ ಸೆಳೆಯುವುದು ಇನ್ನೊಂದು ಕಾರಣ, ಈ ನಿಟ್ಟಿನಲ್ಲಿ ಯಶ್ರಾಜ್ ಫಿಲಂಸ್ನಿಂದ ನಿರ್ಮಾಣವಾದ ‘ರಬ್ ನೇ ಬನಾದಿ ಜೋಡಿ’, ‘ಸುಲ್ತಾನ್’, ‘ವೀರ್ ಜಾರಾ’, ‘ಜಬ್ ತಕ್ ಹೇ ಜಾನ್’, ‘ಏಕ್ ಥಾ ಟೈಗರ್’ ಸೇರಿದಂತೆ ಹಲವು ಹಿಟ್ ಚಿತ್ರಗಳನ್ನು ಜನರಿಗೆ ಪುಕ್ಕಟ್ಟೆಯಾಗಿ ತೋರಿಸುವುದಕ್ಕೆ ಸಜ್ಜಾಗಿದೆ.
ಇದು ಎಲ್ಲಾ ಚಿತ್ರಮಂದಿರಗಳಲ್ಲೂ ಅಲ್ಲ, ಪಿವಿಆರ್, ಐನಾಕ್ಸ್, ಸಿನಿಪೊಲೀಸ್ ಮುಂತಾದ ಮಲ್ಟಿಪ್ಲೆಕ್ಸ್ಗಳಲ್ಲಿ ಈ ಚಿತ್ರಗಳ ಉಚಿತ ಪ್ರದರ್ಶನವಿದ್ದು, ಯಾರು ಬೇಕಾದರೂ ಹೋಗಿ ಈ ಚಿತ್ರಗಳನ್ನು ನೋಡಬಹುದು ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಆರ್ಆರ್’ ಚಿತ್ರಕ್ಕಾಗಿ ಬೃಹತ್ ಫೈಟ್ ಚಿತ್ರೀಕರಣ
ಯಶ್ರಾಜ್ ಫಿಲಂಸ್ ಸಂಸ್ಥೆಗೆ ಕಳೆದ ತಿಂಗಳಷ್ಟೇ 50 ವರ್ಷ ತುಂಬಿದ್ದು, ಈ ಸಂಭ್ರಮವನ್ನು ದೊಡ್ಡ ಮಟ್ಟದಲ್ಲಿ ಆಚರಿಸುವುದಕ್ಕೆ ಆದಿತ್ಯ ಚೋಪ್ರಾ ನಿರ್ಧರಿಸಿದ್ದಾರೆ. ಇದರ ಅಂಗವಾಗಿ ಮುಂದಿನ ಒಂದು ವರ್ಷ, ಹಲವು ದೊಡ್ಡ ಸ್ಟಾರ್ಗಳ ಮತ್ತು ದೊಡ್ಡ ಬಜೆಟ್ ಚಿತ್ರಗಳನ್ನು ಅವರು ಘೋಷಿಸಿದ್ದು, ಒಂದರಹಿಂದೊಂದು ಚಿತ್ರಗಳು ಶುರುವಾಗಲಿದ್ದು, ಅವೆಲ್ಲಾ ಮುಂದಿನ ಒಂದು ವರ್ಷದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.