ನವದೆಹಲಿ: ಜಾಹೀರಾತಗಳನ್ನು ಬ್ಲಾಕ್ ಮಾಡುವಂತಹ ಥರ್ಡ್ ಪಾರ್ಟಿ ಮೊಬೈಲ್ ಆ್ಯಪ್ಗಳ ವಿರುದ್ಧ ಕಾನೂನು ಕ್ರಮ ಜರುಗಿಸುವುದಾಗಿ ಯೂಟ್ಯೂಬ್ ಕಂಪನಿ ತಿಳಿಸಿದೆ. ಈ ಆ್ಯಪ್ಗಳು ಜಾಹೀರಾತುಗಳಿಲ್ಲದೆ ಯೂಟ್ಯೂಬ್ ವಿಡಿಯೋ ವೀಕ್ಷಿಸಲು ಬಳಕೆದಾರರಿಗೆ ಅನುಮತಿಸುತ್ತದೆ. ಆದರೆ, ಕಂಟೆಂಟ್ ಕ್ರಿಯೆಟ್ ಮಾಡುವವರಿಗೆ ತಮ್ಮ ಕೆಲಸಕ್ಕೆ ತಕ್ಕ ಫಲ ಸಿಗಲಿ ಎಂಬುದು ಯೂಟ್ಯೂಬ್ ಬಯಕೆಯಾಗಿದೆ.
ವಿಡಿಯೋವನ್ನು ವೀಕ್ಷಿಸುತ್ತಿರುವಾಗ ಜಾಹೀರಾತನ್ನು ನಿರ್ಬಂಧಿಸುವ ಥರ್ಡ್ ಪಾರ್ಟಿ ಆ್ಯಪ್ ಅನ್ನು ನೀವು ಬಳಸುತ್ತಿದ್ದರೆ, ಆರಂಭದಲ್ಲಿ ಬಫರಿಂಗ್ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ಇದಾದ ಸ್ವಲ್ಪ ಸಮಯದ ಬಳಿಕ ನೀವು ಆ ಆ್ಯಪ್ನಲ್ಲಿ ವಿಡಿಯೋವನ್ನು ಪ್ಲೇ ಮಾಡಲಾಗುವುದಿಲ್ಲ ಎಂಬ ಪಾಪ್ ಅಪ್ ಸಂದೇಶವನ್ನು ನೋಡುತ್ತೀರಿ ಎಂದು ಯೂಟ್ಯೂಬ್ ಕಂಪನಿ ಹೇಳಿದೆ.
ಏಕೆಂದರೆ, ಕಂಟೆಂಟ್ ಕ್ರಿಯೆಟರ್ಸ್ಗೆ ಅವರ ಶ್ರಮಕ್ಕೆ ಫಲ ನೀಡುವುದನ್ನು ಈ ಆ್ಯಪ್ಗಳು ತಡೆಯುತ್ತವೆ. ಆದರೆ, ಯೂಟ್ಯೂಬ್ ಕ್ರಿಯೆಟರ್ಗಳನ್ನು ಬೆಂಬಲಿಸುತ್ತದೆ. ಪ್ರಪಂಚದಾದ್ಯಂತ ಶತಕೋಟಿ ಜನರು ಸ್ಟ್ರೀಮಿಂಗ್ ಸೇವೆಯನ್ನು ಬಳಸಲು ಅವಕಾಶ ಮಾಡಿಕೊಡುತ್ತವೆ. ಕೆಲವು ಜನರು ಸಂಪೂರ್ಣವಾಗಿ ಜಾಹೀರಾತು-ಮುಕ್ತ ಅನುಭವವನ್ನು ಬಯಸುತ್ತಾರೆ ಎಂಬುದನ್ನು ನಾವು ಅರ್ಥಮಾಡಿಕೊಂಡಿದ್ದೇವೆ. ಅದಕ್ಕಾಗಿಯೇ ನಾವು ಯೂಟ್ಯೂಬ್ ಪ್ರೀಮಿಯಂ ಸಹ ನೀಡುತ್ತೇವೆ ಎಂದು ಯೂಟ್ಯೂಬ್ ಬ್ಲಾಗ್ ಪೋಸ್ಟ್ನಲ್ಲಿ ಹೇಳಿದೆ.
ಹೆಚ್ಚಿನ ಜನರು ಜಾಹೀರಾತು ಬ್ಲಾಕರ್ ಆ್ಯಪ್ಗಳನ್ನು ಬಳಸುತ್ತಾರೆ. ಏಕೆಂದರೆ ಯೂಟ್ಯೂಬ್ನಲ್ಲಿನ ಜಾಹೀರಾತುಗಳು ಕಿರಿಕಿರಿ ಉಂಟುಮಾಡುತ್ತವೆ ಮತ್ತು ಸಾಕಷ್ಟು ಸಮಯವನ್ನು ವ್ಯರ್ಥ ಮಾಡುತ್ತವೆ ಎಂಬುದು ಕೆಲವರ ಅಭಿಪ್ರಾಯ. ಆದಾಗ್ಯೂ, ಜಾಹೀರಾತುಗಳ ಕಿರಿಕಿರಿಯನ್ನು ತಪ್ಪಿಸಲು ಯೂಟ್ಯೂಬ್ ಪ್ರೀಮಿಯಂ ಸೇವೆ ನೀಡುತ್ತಿದೆ. ಆದರೆ, ಈ ಸೇವೆ ಪಡೆಯಲು ಹಣ ಪಾವತಿಸಬೇಕಾಗಿದೆ. ಹೀಗಾಗಿ ತಮ್ಮ ಆದಾಯದ ಮೇಲೆ ಪರಿಣಾಮ ಬೀರಬಾರದು ಅಂತಾ ಜಾಹೀರಾತು ನಿರ್ಬಂಧಿಸುವ ಅಪ್ಲಿಕೇಶನ್ಗಳ ವಿರುದ್ಧ ಯೂಟ್ಯೂಬ್ ಕ್ರಮ ತೆಗೆದುಕೊಳ್ಳುತ್ತಿದೆ. ನಿರ್ಬಂಧಿಸುವ ಮೂಲಕ ಪ್ರೀಮಿಯಂ ಚಂದಾದಾರಿಕೆಯನ್ನು ಮಾರಾಟ ಮಾಡುವ ಮೂಲಕ ಹಣವನ್ನು ಗಳಿಸಲು ಯೂಟ್ಯೂಬ್ ಬಯಸುತ್ತದೆ. (ಏಜೆನ್ಸೀಸ್)
ಎರಡನೇ ಮದ್ವೆ ಆಗಬಾರದಿತ್ತು! ಪಶ್ಚಾತಾಪದ ಮಾತುಗಳನ್ನಾಡಿ ಕಣ್ಣೀರಿಟ್ಟಿದ್ದರು ದ್ವಾರಕೀಶ್
ನನ್ನ ಮುಂದಿನ ಟಾರ್ಗೆಟ್… ಎದುರಾಳಿ ತಂಡಗಳಿಗೆ ಖಡಕ್ ಎಚ್ಚರಿಕೆ ನೀಡಿದ ಟ್ರಾವಿಸ್ ಹೆಡ್!