ಗೌಹಾಟಿ: ಪ್ರವಾಹಕ್ಕೆ ಒಳಗಾಗಿರುವ ಅಸ್ಸಾಂನ ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ಪ್ರದೇಶದಿಂದ ಜನಿಸಿ ಹತ್ತೇ ದಿನಗಳಾಗಿರುವ ಪುಟ್ಟ ಘೇಂಡಾಮೃಗವೊಂದನ್ನು ರಕ್ಷಿಸಲಾಗಿದೆ. ಮಿಹಿಮುಖ್ ಪ್ರದೇಶದ ಬಳಿಯಲ್ಲಿ ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದ ಈ ಘೇಂಡಾಮೃಗದ ಮರಿಯನ್ನು ಪಾರ್ಕ್ ಸಿಬ್ಬಂದಿ ಮಂಗಳವಾರ ರಕ್ಷಿಸಿದ್ದಾರೆ.
“ಈ ಘೇಂಡಾಮೃಗದ ತಾಯಿಯನ್ನು ಪತ್ತೆ ಹಚ್ಚಲು ಸಾಧ್ಯವಾಗಲಿಲ್ಲ. ಮರಿಯು ಬಲಹೀನವಾಗಿದ್ದುದರಿಂದ ಅದನ್ನು ಶುಶ್ರೂಷೆ ಮತ್ತು ಆರೈಕೆಗಾಗಿ ವೈಲ್ಡ್ಲೈಫ್ ರಿಹ್ಯಾಬಿಲಿಟೇಷನ್ ಅಂಡ್ ಕನ್ಸರ್ವೇಷನ್ ಸೆಂಟರ್ಗೆ ಕಳುಹಿಸಲಾಗಿದೆ” ಎಂದು ಪಾರ್ಕ್ ಅಧಿಕಾರಿ ಹೇಳಿದ್ದಾರೆ.
ಇದನ್ನೂ ಓದಿ: ಗ್ರಾಹಕರಿಗೆ ಅಡುಗೆ ಸಿಲಿಂಡರ್‌ ಬರೆ: ಪುನಃ ಗಗನಕ್ಕೇರಿದ ಬೆಲೆ- ಎಲ್ಲೆಲ್ಲಿ ಎಷ್ಟೆಷ್ಟು?
ಕಾಜಿರಂಗ ಪಾರ್ಕ್ನಲ್ಲಿ ಪ್ರವಾಹ ಪರಿಸ್ಥಿತಿ ವಿಷಮವಾಗಿದ್ದು, ಶೇ. 70 ರಷ್ಟು ಪ್ರದೇಶಗಳು ಜಲಾವೃತವಾಗಿವೆ. ಪಾರ್ಕ್ನಲ್ಲಿರುವ 223 ಆ್ಯಂಟಿ-ಪೋಚಿಂಗ್ ತಾಣಗಳಲ್ಲಿ 153 ಪ್ರದೇಶಗಳು ಬಾಧಿತವಾಗಿವೆ. ಪ್ರವಾಹದಿಂದಾಗಿ ಈವರೆಗೆ 7 ಹಾಗ್ ಡೀರ್ಗಳು ಸೇರಿದಂತೆ 9 ವನ್ಯಪ್ರಾಣಿಗಳು ಮೃತಪಟ್ಟಿವೆ. ಇನ್ನೂ 5 ಹಾಗ್ ಡೀರ್ಗಳು ಪಾರ್ಕ್ಅನ್ನು ಹಾದುಹೋಗುವ ರಾಷ್ಟ್ರೀಯ ಹೆದ್ದಾರಿ 37 ರಲ್ಲಿ ವಾಹನವೊಂದು ಡಿಕ್ಕಿ ಹೊಡೆದ ಪರಿಣಾಮವಾಗಿ ಮೃತಪಟ್ಟಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್)