ಇರಾನ್: ಇರಾನ್ನ ಈಶಾನ್ಯ ಭಾಗದಲ್ಲಿರುವ ಮಶಾದ್ ನಗರದ ಬಳಿ ಇರುವ ಪಟ್ಟಣದ ಅಂಗಡಿಯೊಂದರಲ್ಲಿ ವ್ಯಕ್ತಿಯೊಬ್ಬರು ಹಿಜಾಬ್ ಧರಿಸದ ಇಬ್ಬರು ಮಹಿಳೆಯರಿಗೆ ಮೊಸರು ಎರಚಿರುವ ವಿಡಿಯೋ ವೈರಲ್ ಆಗಿದೆ. ಇದಾದ ಮೇಲೆ ಹಿಜಾಬ್ ಕಾನೂನಿನ ಪರವಾಗಿ ಇರಾನ್ ಅಧ್ಯಕ್ಷ ಇಬ್ರಾಹಿಂ ರೈಸಿ ಹೇಳಿಕೆ ನೀಡಿದ್ದಾರೆ .
ರಾಜ್ಯ ಟೆಲಿವಿಷನ್ನಲ್ಲಿ ಲೈವ್ನಲ್ಲಿ ರೈಸಿ “ಕೆಲವರು ಹಿಜಾಬ್ನಲ್ಲಿ ನಂಬುವುದಿಲ್ಲ ಎಂದು ಹೇಳಿದರೆ ಅವರ ಮನವೊಲಿಸುವುದು ಒಳ್ಳೆಯದು… ಆದರೆ ಪ್ರಮುಖ ಅಂಶವೆಂದರೆ ಕಾನೂನಿನ ಅವಶ್ಯಕತೆಯಿದೆ… ಮತ್ತು ಹಿಜಾಬ್ ಇಂದು ಒಂದು ಕಾನೂನು ವಿಷಯ” ಎಂದು ಹೇಳಿದ್ದಾರೆ.
ಇರಾನ್ನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾದ ವಿಡಿಯೋ ತುಣುಕಿನಲ್ಲಿ ಅಂಗಡಿಯಲ್ಲಿ ಹಿಜಾಬ್ ಧರಿಸದ ಇಬ್ಬರು ಮಹಿಳಾ ಗ್ರಾಹಕರ ಮೇಲೆ ವ್ಯಕ್ತಿಯೊಬ್ಬ ಹಲ್ಲೆ ಮಾಡಿರುವುದನ್ನು ಕಾಣಬಹುದು. ಮಹಿಳೆಯರ ಮೇಲೆ ದಾಳಿ ಮಾಡಿದ ಪುರುಷನು ಆ ಮಹಿಳೆಯರ ಮೇಲೆ ಮೊಸರನ್ನು ಮಹಿಳೆಯರ ತಲೆಯ ಮೇಲೆ ಸುರಿಯುವುದನ್ನು ದೃಶ್ಯಾವಳಿ ತೋರಿಸುತ್ತದೆ.
Remarkable video: An Islamist morality police in Mashhad, Iran pours yogurt over the heads of two women for not wearing hejab.
— Karim Sadjadpour (@ksadjadpour) March 31, 2023
In a previous era the shopkeeper may have been afraid to intervene against government thugs, but times have changed in Iran. pic.twitter.com/4PWu4btPhl
ಇಬ್ಬರು ಮಹಿಳೆಯರ ತಲೆಯ ಮೇಲೆ ಮೊಸರು ಸುರಿದ ವ್ಯಕ್ತಿಗೆ ಇರಾನ್ ಅಧಿಕಾರಿಗಳು ಬಂಧನ ವಾರಂಟ್ ಹೊರಡಿಸಿದ್ದು ಆ ಮಹಿಳೆಯರ ವಿರುದ್ಧವೂ ಕಟ್ಟುನಿಟ್ಟಾದ ಸ್ತ್ರೀ ಉಡುಗೆ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ವಾರಂಟ್ಗಳ ಹೊರಟಿದೆ ಎಂದು ರಾಜ್ಯ ಮಾಧ್ಯಮ ವರದಿ ಮಾಡಿದೆ.
ಇದನ್ನೂ ಓದಿ: ಟ್ರಂಪ್ ಕಥೆ ಮುಗಿಸಲು ಕಾಯುತ್ತಿದ್ದೇವೆ ಎಂದ ಇರಾನ್!
ದಾಳಿಕೋರನನ್ನು ಎದುರಿಸಿದ ಡೈರಿ ಅಂಗಡಿಯ ಮಾಲೀಕರಿಗೆ ಎಚ್ಚರಿಕೆ ನೀಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿನ ಅವರ ಅಂಗಡಿ ಮುಚ್ಚಲಾಗಿದೆ ಎಂದು ತೋರಿಸಿದರೆ, ಸ್ಥಳೀಯ ಸುದ್ದಿ ಸಂಸ್ಥೆಯ ಪ್ರಕಾರ ಅಂಗಡಿಯನ್ನು ಮತ್ತೆ ತೆರೆಯಲು ಅನುಮತಿಸಲಾಗಿದೆ. (ಏಜೆನ್ಸೀಸ್)