ವೆಲ್ಲೂರು: ಮಹಿಳೆಯೊಬ್ಬರಿಗೆ ಒತ್ತಾಯಪೂರ್ವಕವಾಗಿ ಹಿಜಾಬ್ ತೆಗೆಯುವಂತೆ ಹೇಳಿದ ಅಪ್ರಾಪ್ತ ವಯಸ್ಸಿನ ಹುಡುಗ ಸೇರಿದಂತೆ ಏಳು ಮಂದಿಯನ್ನು ತಮಿಳುನಾಡು ಪೊಲೀಸರು ಬಂಧಿಸಿದ್ದಾರೆ.
ಮಾರ್ಚ್ 27ರಂದು ತಮಿಳುನಾಡಿನ ಐತಿಹಾಸಿಕ ವೆಲ್ಲೂರು ಕೋಟೆಗೆ ಮಹಿಳೆ ಭೇಟಿ ನೀಡಿದ್ದ ಸಮಯದಲ್ಲಿ ನಡೆದಿದ್ದ ಘಟನೆಯ ವಿಡಿಯೋವನ್ನ ಆರೋಪಿಗಳು ತಮ್ಮ ಮೊಬೈಲ್ನಲ್ಲಿ ಚಿತ್ರೀಕರಿಸಿದ್ದರು ಎಂದು ತಿಳಿದು ಬಂದಿದೆ.
ಸದ್ಯ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಬಂಧಿತ ಆರೋಪಿಗಳನ್ನು ಇಬ್ರಾಹಿಂ ಭಾಷಾ(24), ಮೊಹಮ್ಮದ್ ಫೈಜಲ್(23), ಸಂತೋಷ್(23), ಇಮ್ರಾನ್ ಭಾಷಾ(22), ಅಶ್ರಫ್ ಭಾಷಾ(20), ಪ್ರಶಾಂತ್(20) ಮತ್ತು ಅಪ್ರಾಪ್ತ ವಯಸ್ಸಿನ ಹುಡುಗನನ್ನು ಸರ್ಕಾರಿ ಬಾಲಮಂದಿರಕ್ಕೆ ಕಳುಹಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇದನ್ನೂ ಓದಿ: ಸರಳ ಪೊಲೀಸ್ ಧ್ವಜ ದಿನಾಚರಣೆ; ಪ್ರಶಸ್ತಿ ಪುರಸ್ಕೃತರಿಗಿಲ್ಲ ಸನ್ಮಾನ
ಘಟನೆ ಕುರಿತು ಪ್ರತಿಕ್ರಿಯಿಸಿರುವ ವೆಲ್ಲೂರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ರಾಜೇಶ್ ಖನ್ನಾ ಬಂಧಿತ ಆರೋಪಿಗಳನ್ನು ಆಟೋ ರಿಕ್ಷಾ ಚಾಲಕರು ಎಂದು ಊಹಿಸಲಾಗಿದೆ. ವೆಲ್ಲೂರು ಕೋಟೆಗೆ ಭೇಟಿ ನೀಡಿದ್ದ ಇನ್ನು ಮೂವರು ಮಹಿಳೆಯರಿಗೆ ಆರೋಪಿಗಳು ಹಿಜಾಬ್ ತೆಗೆಯುವಂತೆ ಒತ್ತಾಯಿಸಿದ್ದಾರೆ ಎಂದು ತಿಳಿದು ಬಂದಿದೆ. ತಿನಖೆ ಬಳಿಕ ಕಾರಣ ತಿಳಿಯಲಿದೆ ಅಲ್ಲಿಯವರೆಗೂ ಸಾರ್ವಕಜನಿಕರು ಘಟನೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾನದಲ್ಲಿ ಹಂಚಿಕೊಳ್ಳಬಾರದು ಎಂದು ವಿನಂತಿಸಿಕೊಂಡಿದ್ದಾರೆ.
ಹಿಜಾಬ್ ಘಟನೆಯ ನಂತರ ವೆಲ್ಲೂರು ಕೋಟೆಯ ಹೆಚ್ಚಿನ ಸಿಬ್ಬಂದಿಯನ್ನು ನಿಯೋಜಿಸಲಾಗಿದ್ದು ಶಾಶ್ವತವಾಗಿ ಪೊಲೀಸ್ ಬೂತ್ ಒಂದನ್ನು ತೆರೆಯುತ್ತೇವೆ. ಸಾರ್ವಜನಿಕರ ಉಪಯೋಗಕ್ಕೆ ಪೊಲೀಸ್ ಅಧಿಕಾರಿಗಳ ನಂಬರ್ಗಳನ್ನು ಇಲ್ಲಿ ಹಾಕಲಾಗುವುದು ಎಂದು ವೆಲ್ಲೂರು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ರಾಜೇಶ್ ಖನ್ನಾ ತಿಳಿಸಿದ್ದಾರೆ.