ಬೆಂಗಳೂರು: ಕರೊನಾ ಸೋಂಕು ಹರಡುವ ಭಯದಿಂದ ಕಳೆದ ವರ್ಷ ಹಲವು ಸ್ಟಾರ್ ನಟರು ತಮ್ಮ ಹುಟ್ಟುಹಬ್ಬವನ್ನು ಕ್ಯಾನ್ಸಲ್ ಮಾಡಿದ್ದರು. ಬರೀ ಕನ್ನಡದ ನಟರಷ್ಟೇ ಅಲ್ಲ, ಪರಭಾಷೆಯ ಎಲ್ಲಾ ಸ್ಟಾರ್ ನಟರು ಸಹ ಕಳೆದ ವರ್ಷದ ತಮ್ಮ ಹುಟ್ಟುಹಬ್ಬವನ್ನು ಕರೊನಾ ಹರಡುವ ಭಯದಿಂದ ಕ್ಯಾನ್ಸಲ್ ಮಾಡಿ, ಅಭಿಮಾನಿಗಳಿಗೆ ತಾವು ಇದ್ದಲ್ಲಿಂದಲೇ ಹರಸಿ-ಹಾರೈಸುವುದಕ್ಕೆ ಮನವಿ ಮಾಡಿದ್ದರು.
ಇದನ್ನೂ ಓದಿ: ‘ಕೆಜಿಎಫ್ ಚಾಪ್ಟರ್ 2’ ಮಲಯಾಳಂ ಅವತರಣಿಕೆಯ ಬಿಡುಗಡೆ ಜವಾಬ್ದಾರಿ ಹೊತ್ತ ಸ್ಟಾರ್ ನಟ
ಈ ಸಾಲಿಗೆ ಯಶ್ ಸಹ ಸೇರಿದ್ದಾರೆ. ಕಳೆದ ವರ್ಷ ತಮ್ಮ ಹುಟ್ಟುಹಬ್ಬವನ್ನು ಬಹಳ ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದ ಅವರು, ಈ ಬಾರಿ ಕರೊನಾ ಕಾರಣದಿಂದ ತಮ್ಮ ಹುಟ್ಟುಹಬ್ಬಕ್ಕೆ ಬ್ರೇಕ್ ಹಾಕಿದ್ದಾರೆ. ಅಭಿಮಾನಿಗಳ ಸುರಕ್ಷತೆಯ ದೃಷ್ಟಿಯಿಂದ ಹುಟ್ಟುಹಬ್ಬವನ್ನು ಕ್ಯಾನ್ಸಲ್ ಮಾಡಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ.
ಈ ವಿಷಯವಾಗಿ ಅವರೊಂದು ವೀಡಿಯೋ ಮಾಡಿದ್ದು, ಆ ವೀಡಿಯೋದಲ್ಲಿ ಅವರು ಅಭಿಮಾನಿಗಳಿಗೆ ಮನವಿ ಸಲ್ಲಿಸಿದ್ದಾರೆ. ‘ತುಂಬಾ ಜನ ಸೇರುವುದರಿಂದ ಸುರಕ್ಷಿತವಾಗಿರುವುದಿಲ್ಲ. ಅದರಿಂದ ನಿಮಗೇನಾದರೂ ಸಮಸ್ಯೆ ಆದರೆ, ನಿಮ್ಮ ಮನೆಯವರಿಗೆ ಸಮಸ್ಯೆಯಾದರೆ ನಾನು ಸಂತೋಷವಾಗಿರುವುದಿಲ್ಲ, ಹಾಗಾಗಿ ನೀವು ಎಲ್ಲಿರುತ್ತೀರೋ, ಇದ್ದಲ್ಲೇ ಹಾರೈಸಿ. ಸೋಷಿಯಲ್ ಮೀಡಿಯಾ ಮೂಲಕ ಆಶೀರ್ವದಿಸಿ’ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಅಮಿತಾಭ್ ಮನೆ ಹತ್ತಿರ ಮನೆ ಖರೀದಿಸಿದ ಜಾಹ್ನವಿ … ಬೆಲೆ ಎಷ್ಟು ಗೊತ್ತಾ?
ಇನ್ನು, ಜನವರಿ 08ಕ್ಕೆ ‘ಕೆಜಿಎಫ್ 2’ ಚಿತ್ರದ ಟೀಸರ್ ಬಿಡುಗಡೆಯಾಗುತ್ತಿರುವ ಬಗ್ಗೆ ಮಾತನಾಡಿರುವ ಅವರು, ಅದನ್ನು ನೋಡಿ ಹಾರೈಸಿ ಎಂದು ಮನವಿ ಸಲ್ಲಿಸಿದ್ದಾರೆ.
A birthday request with the special announcement.
♥️ or RT this to get a personal reminder for the teaser premiere.#KGFChapter2TeaserOnJan8 at 10:18am on @hombalefilms YT: https://t.co/ySf0l66zTS@VKiragandur @prashanth_neel @duttsanjay @TandonRaveena @SrinidhiShetty7 pic.twitter.com/p1yGIXSrPy— Yash (@TheNameIsYash) January 5, 2021