ನವದೆಹಲಿ: ಡಬ್ಲ್ಯುಡಬ್ಲ್ಯುಇ ಮನರಂಜಾ ಕ್ರೀಡೆಯ ಕುಸ್ತಿಪಟು ಭಾರತದ ದಿ ಗ್ರೇಟ್ ಖಲಿ ಅಲಿಯಾಸ್ ದಲಿಪ್ ಸಿಂಗ್ ರಾಣಾ ಅವರ ತಾಯಿ ತಾಂದಿ ದೇವಿ (75) ಭಾನುವಾರ ರಾತ್ರಿ ಇಹಲೋಕ ತ್ಯಜಿಸಿದ್ದಾರೆ.
ಬಹು ಅಂಗಾಂಗ ವೈಫಲ್ಯದಿಂದ ಬಳಲುತ್ತಿದ್ದ ತಾಂದಿ ದೇವಿ ಅವರು ಪಂಜಾಬ್ನ ಲೂಧಿಯಾನ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಕಳೆದ ವಾರವಷ್ಟೇ ಖಲಿ ಅವರ ತಾಯಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆ ಫಲಿಸದೇ ಭಾನುವಾರ ರಾತ್ರಿ ಮೃತಪಟ್ಟಿರುವುದಾಗಿ ಆಸ್ಪತ್ರೆಯ ವೈದ್ಯರು ದೃಢಪಡಿಸಿದ್ದಾರೆ.
ರಾಣಾ ಅಲಿಯಾಸ್ ಖಲಿ 2000ರಲ್ಲಿ ಡಬ್ಲ್ಯುಡಬ್ಲ್ಯುಇ ಅಖಾಡಕ್ಕೆ ಇಳಿದರು. ಡಬ್ಲ್ಯುಡಬ್ಲ್ಯುಇ ವೃತ್ತಿಜೀವನವನ್ನು ಆರಂಭಿಸುವ ಮೊದಲು ಖಲಿ, ಪಂಜಾಬ್ ಪೊಲೀಸ್ ಅಧಿಕಾರಿಯಾಗಿದ್ದರು. ಅವರ ಡಬ್ಲ್ಯುಡಬ್ಲ್ಯುಇ ವೃತ್ತಿಜೀವನದ ಅವಧಿಯಲ್ಲಿ ಖಲಿ ಡಬ್ಲ್ಯುಡಬ್ಲ್ಯುಇ ಚಾಂಪಿಯನ್ ಸಹ ಆಗಿದ್ದಾರೆ.
ಖಲಿ ಅವರು ನಾಲ್ಕು ಹಾಲಿವುಡ್ ಚಲನಚಿತ್ರಗಳು ಮತ್ತು ಎರಡು ಬಾಲಿವುಡ್ ಚಿತ್ರಗಳಲ್ಲಿಯೂ ಕಾಣಿಸಿಕೊಂಡಿದ್ದಾರೆ. (ಏಜೆನ್ಸೀಸ್)
ಆರೋಗ್ಯಕ್ಕಾಗಿ ಯೋಗ ಮೂಲಮಂತ್ರ ಆಗಬೇಕು: ಅಂತಾರಾಷ್ಟ್ರೀಯ ಯೋಗ ದಿನದಂದು ನಮೋ ಸಂದೇಶ
ಗ್ರಾಮೀಣ ಕರ್ನಾಟಕದಲ್ಲಿ ಮೂಡದ ಬೆಳಕು: 24*7 ವಿದ್ಯುತ್ ನೀಡುವ ಭರವಸೆ ಹುಸಿ..