ಮುಂಬೈ: ಕಣ್ಸನ್ನೆ ಮೂಲಕವೇ ರಾತ್ರೋರಾತ್ರಿ ರಾಷ್ಟ್ರ ವ್ಯಾಪಿ ಸೆನ್ಸೆಷನ್ ಸೃಷ್ಟಿಸಿದ್ದ ಮಲಯಾಳಿ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್, ಈಗಲೂ ಹಲವು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಕೇವಲ ಮಲಯಾಳಂ ಅಷ್ಟೇ ಅಲ್ಲದೆ, ಕನ್ನಡದಲ್ಲಿಯೂ ಎರಡು ಸಿನಿಮಾ ಮಾಡುತ್ತಿದ್ದಾರೆ. ತೆಲುಗು, ತಮಿಳು, ಹಿಂದಿ ಪ್ರಾಜೆಕ್ಟ್ಗಳಲ್ಲಿಯೂ ಬಿಜಿಯಾಗಿದ್ದಾರೆ. ಇದೀಗ ಇದೇ ನಟಿ ಸದ್ದಿಲ್ಲದೆ ಇನ್ನೊಂದು ಕೆಲಸವನ್ನು ಆರಂಭಿಸಿದ್ದಾರೆ.
ಇದನ್ನೂ ಓದಿ: ರಾಗಿಣಿ, ರಾಹುಲ್‌ಗೆ ಜೈಲಿನಲ್ಲೀಗ ಸಹಕೈದಿಗಳದ್ದೇ ಭಯ!
ತೆರೆಮೇಲೆ ನಟನೆ ಮೂಲಕ ಕಾಣಿಸಿಕೊಳ್ಳುವ ಪ್ರಿಯಾ, ಇದೀಗ ಧ್ವನಿ ಮೂಲಕ ಇಂಪ್ರೆಸ್ ಮಾಡಲು ಸಜ್ಜಾಗಿದ್ದಾರೆ. ಅಂದರೆ, ಹಿಂದಿಯ ಆಲ್ಬಂ ಗೀತೆಯೊಂದಕ್ಕೆ ಪ್ರಿಯಾ ಧ್ವನಿ ನೀಡಿದ್ದು, ಶೀಘ್ರದಲ್ಲಿ ಆ ಹಾಡು ಬಿಡುಗಡೆ ಆಗಲಿದೆ. ಲಾಕ್ಡೌನ್ ಸಂದರ್ಭದಲ್ಲಿ ಈ ಹಾಡಿಗೆ ಬೇಕಾದ ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು.
ಇದನ್ನೂ ಓದಿ: ಸುಶಾಂತ್ ಫಾರ್ಮ್ಹೌಸ್ನಲ್ಲಿ ಏನೆಲ್ಲಾ ಸಿಗ್ತು? ಇಲ್ಲಿದೆ ಡೀಟೇಲ್ಸ್ …
ಕ್ರಿಸ್ಟಸ್ ಸ್ಟೆಫಿನ್ ಹಾಡಿಗೆ ಸಂಗೀತ ಸಂಯೋಜಿಸಿದ್ದು, ಐಫೋನ್ ಮತ್ತು ಡಿಎಸ್ಎಲ್ಆರ್ ಕ್ಯಾಮರಾ ಮೂಲಕ ಹಾಡಿನ ಚಿತ್ರೀಕರಣ ಮಾಡಲಾಗಿದೆ. ಸದ್ಯ ಟಾಲಿವುಡ್ನಲ್ಲಿ ನಿತಿನ್ ಜತೆ ಸಿನಿಮಾವೊಂದಕ್ಕೆ ಪ್ರಿಯಾ ಸಹಿ ಹಾಕಿದ್ದು, ಮಲಯಾಳಂನ ಒಂದೆರಡು ಚಿತ್ರಗಳೂ ಅವರ ಬತ್ತಳಿಕೆಯಲ್ಲಿವೆ. (ಏಜೆನ್ಸೀಸ್)