ಬೆಂಗಳೂರು: ಕ್ರಿಕೆಟ್ ಲೋಕದಲ್ಲೇ ಐತಿಹಾಸಿಕ ಸಾಧನೆ ಮಾಡಿದವರ ಪೈಕಿ ಟೀಂ ಇಂಡಿಯಾದ ‘ರನ್ ಮಷಿನ್’ ವಿರಾಟ್ ಕೊಹ್ಲಿ ಪ್ರಮುಖರು. ಇಂದು ಭಾರತೀಯ ಕ್ರಿಕೆಟ್ ತಂಡ ಕಂಡ ಶ್ರೇಷ್ಠ ಬ್ಯಾಟರ್ ವಿರಾಟ್, ಕ್ರಿಕೆಟ್ ಇತಿಹಾಸದಲ್ಲಿ ದಾಖಲೆಗಳ ಮೇಲೆ ದಾಖಲೆಗಳನ್ನು ಬರೆದು, ಈ ಹಿಂದೆ ನಿರ್ಮಿಸಲಾಗಿದ್ದ ದಿಗ್ಗಜರ ರೆಕಾರ್ಡ್ಗಳನ್ನು ಸರಿಗಟ್ಟಿ, ಮುನ್ನುಗ್ಗುತ್ತಿದ್ದಾರೆ. ಈ ಸಾಧನೆ ಇತರೆ ದೇಶದ ಕ್ರಿಕೆಟಿಗರ ಹುಬ್ಬೇರುವಂತೆ ಮಾಡಿದೆ. ಬಹುಶಃ ಇದೇ ಕಾರಣಕ್ಕೆ ಅಭಿಮಾನಿಗಳು ವಿರಾಟ್ರನ್ನು ‘ಕಿಂಗ್ ಕೊಹ್ಲಿ’ ಎಂದು ಕರೆಯುತ್ತಾರೆ.
ಇದನ್ನೂ ಓದಿ: ಬಾಂಗ್ಲಾ ವಿರುದ್ಧ ಅಂತಿಮ ಟಿ20 ಪಂದ್ಯದಲ್ಲೂ ಜಯ: ಹರ್ಮಾನ್‌ಪ್ರೀತ್ ಕೌರ್ ಪಡೆ ಸರಣಿ ಕ್ವೀನ್‌ಸ್ವೀಪ್
ವಿರಾಟ್ ಅದ್ಭುತ ಬ್ಯಾಟ್ಸ್ಮನ್ ಎನ್ನುವುದಕ್ಕೆ ಪ್ರಸ್ತುತ ನಡೆಯುತ್ತಿರುವ ಐಪಿಎಲ್ನ 17ನೇ ಆವೃತ್ತಿ ಕೂಡ ಸಾಕ್ಷಿ. ಈ ಲೀಗ್ನಲ್ಲಿ ಕೊಹ್ಲಿ ಅತ್ಯಧಿಕ ರನ್ಗಳನ್ನು ಕಲೆಹಾಕುವ ಮೂಲಕ ಟಾಪ್ ರನ್ ಸ್ಕೋರರ್ಸ್ ಪಟ್ಟಿಯಲ್ಲಿ ಮೊದಲಿಗರಾಗಿ ಮಿಂಚುತ್ತಿದ್ದಾರೆ. ನಿನ್ನೆ (ಮೇ.09) ನಡೆದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಕೂಡ ಅಬ್ಬರದ ಬ್ಯಾಟಿಂಗ್ ಮಾಡಿ 96 ರನ್ ಸಿಡಿಸಿದ ರನ್ ಮಷಿನ್, ಶತಕದಿಂದ ವಂಚಿತರಾದರು. ಟಿ20, ಏಕದಿನ ಅಥವಾ ಟೆಸ್ಟ್ ಯಾವುದೇ ಫಾರ್ಮೆಟ್ ಆಗಿರಲಿ, ತಮ್ಮ ಬ್ಯಾಟಿಂಗ್ ವೈಖರಿ ಪ್ರದರ್ಶಿಸುವಲ್ಲಿ ಮಾತ್ರ ವಿರಾಟ್ ಎಂದಿಗೂ ವಿಫಲರಾಗಿಲ್ಲ. ಇದು ಕೂಡ ಅವರ ದಾಖಲೆಯ ಒಂದು ಸೀಕ್ರೆಟ್.
ಅನೇಕ ಸ್ಪೋಟಕ ಬ್ಯಾಟ್ಸ್ಮನ್ಗಳ ಪೈಕಿ ವಿರಾಟ್ ಏಕೆ ವಿಶೇಷ ಹಾಗೂ ವಿಭಿನ್ನ ಎನ್ನುವುದಕ್ಕೆ ಅವರ ಬ್ಯಾಟಿಂಗ್ ವೈಖರಿಯೇ ಸಾಕ್ಷಿ. ಇಲ್ಲಿಯವರೆಗೂ ಕೊಹ್ಲಿ ಆಡಿರುವ ಶೈಲಿಯನ್ನು ಗಮನಿಸಿದರೆ, ಅವರು ಇತರೆ ಬ್ಯಾಟರ್ಗಳಂತೆ ಹೆಚ್ಚು ಸಿಕ್ಸ್ ಅಥವಾ ಶಕ್ತಿಮೀರಿ ಬಾರಿಸುವುದಿಲ್ಲ. ಕ್ರಿಕೆಟ್ ಲೋಕದಲ್ಲಿ ನೋಡಲು ಬೇಕಾದ ಟೆಕ್ನಿಕಲ್ ಮತ್ತು ಕ್ರಿಕೆಟಿಂಗ್ ಶಾರ್ಟ್ಸ್ಗಳನ್ನೇ ವಿರಾಟ್ ಅತೀ ಹೆಚ್ಚಾಗಿ ಹಾಗೂ ಅತ್ಯಂತ ಸರಳವಾಗಿ ಆಡ್ತಾರೆ. ಇದು ಗಮನಾರ್ಹ ಸಂಗತಿ.
ಇದನ್ನೂ ಓದಿ: ನಾವು ಪದೇ ಪದೇ ತಪ್ಪುಗಳನ್ನು ಮಾಡುತ್ತಿದ್ದೇವೆ; ಗೆಲುವಿನ ಬಳಿಕ ನಾಯಕ ಫಾಫ್ ಡು ಪ್ಲೆಸಿಸ್ ಹೀಗಂದಿದ್ಯಾಕೆ
ಅತ್ಯಾಕರ್ಷಕವಾಗಿ ಮೈದಾನದಲ್ಲಿ ಕ್ರಿಕೆಟ್ ಸ್ಕಿಲ್ಸ್ಗಳನ್ನು ಪ್ರದರ್ಶಿಸುವ ವಿರಾಟ್, ಎದುರಾಳಿಗಳ ಬೆವರಿಳಿಸುವಲ್ಲಿ ಮೊದಲಿಗರು. ಯಾವ ತಂಡದ ಎದುರೇ ಇರಲಿ, ಯಾವ ಫಾರ್ಮೆಟ್ ಇರಲಿ, ರನ್ಗಳ ಸುರಿಮಳೆ ಹರಿಸುವಲ್ಲಿ ಕೊಹ್ಲಿ ಹೆಚ್ಚು ವಿಫಲರಾಗಿಲ್ಲ. ಆ ಪಂದ್ಯಗಳಲ್ಲಿ ಒಂದು ಅರ್ಧ ಶತಕ ಗಳಿಸಿರುತ್ತಾರೆ ಅಥವಾ ಶತಕ ವಂಚಿತರಾಗಿರುತ್ತಾರೆ. ಬಹುಶಃ ಇದೇ ಕಾರಣಕ್ಕೆ ಕ್ರಿಕೆಟ್ ಅಭಿಮಾನಿಗಳು ಅವರನ್ನು ರನ್ ಮಷಿನ್ ಎಂದು ಕರೆದು, ತಮ್ಮ ಪ್ರೀತಿ, ಅಭಿಮಾನವನ್ನು ಮೆರೆಯುತ್ತಾರೆ.
ಕ್ರಿಕೆಟ್ ಇತಿಹಾಸದಲ್ಲಿ ಅತೀ ಹೆಚ್ಚು ರನ್ ಸಿಡಿಸುವ ಮೂಲಕ ಹಿಂದಿನ ದಾಖಲೆಗಳನ್ನು ಹಿಂದಿಕ್ಕಿ, ತನ್ನದೇ ಹೊಸ ರೆಕಾರ್ಡ್ಗಳನ್ನು ಸೆಟ್ ಮಾಡುತ್ತಿರುವ ಕೊಹ್ಲಿ ಆಟಕ್ಕೆ ಫಿಧಾ ಆಗಿರುವ ಫ್ಯಾನ್ಸ್, ವಿರಾಟ್ರನ್ನು ಕಿಂಗ್ ಕೊಹ್ಲಿ ಎಂದು ಹೆಮ್ಮೆಯಿಂದ ಮೆರೆಸುತ್ತಿದ್ದಾರೆ. ವಿರಾಟ್ ದಾಖಲೆಗಳು ಮುಂದಿನ ಪೀಳಿಗೆಗೆ ಸ್ಪೂರ್ತಿದಾಯಕವಾಗಿದೆ. ಇನ್ನು ಇತ್ತೀಚೆಗಷ್ಟೆ ತಮ್ಮ ಗೆಳೆಯನ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಟೀಂ ಇಂಡಿಯಾದ ಮಾಜಿ ಆಲ್‌ರೌಂಡರ್ ಯುವರಾಜ್ ಸಿಂಗ್, “ವಿರಾಟ್ ಈ ಜನರೇಷನ್ನ ಅತ್ಯುತ್ತಮ ಬ್ಯಾಟ್ಸ್ಮನ್ ಹಾಗೂ ವಿಶ್ವಕಪ್ ಪದಕ ಗೆಲ್ಲಲು ಎಲ್ಲರಿಗಿಂತ ಹೆಚ್ಚು ಅರ್ಹ” ಎಂದು ಶ್ಲಾಘಿಸಿದ್ದಾರೆ.
ಧೋನಿ ಸಹ ಪಾಠ ಕಲಿಸಲು ಸಾಧ್ಯವಿಲ್ಲ… ಶಾಕಿಂಗ್ ಹೇಳಿಕೆ ನೀಡಿದ ಹಾರ್ದಿಕ್ ಪಾಂಡ್ಯ!
ನಿಮಗೆ ಏನೂ ಗೊತ್ತಿಲ್ಲ… RCB ಪ್ಲೇಆಫ್ ಕನಸು ಇನ್ನೂ ಜೀವಂತ: ವಿಲ್ ಜ್ಯಾಕ್ಸ್ ಬಿಚ್ಚಿಟ್ರು ಶಾಕಿಂಗ್ ಸಂಗತಿ