ಮುಂಬೈ: ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಪ್ರಕರಣದಲ್ಲಿ ಮತ್ತೊಂದು ಮಹತ್ವದ ಬೆಳವಣಿಗೆಯಾಗಿದ್ದು, ಸುಶಾಂತ್, ಪ್ರೇಯಸಿ ರಿಯಾ ಚಕ್ರವರ್ತಿ ಮಾದಕ ದ್ರವ್ಯಗಳನ್ನು ಬಳಸುತ್ತಿದ್ದರು ಎಂಬ ಸುಳಿವೊಂದು ಆಕೆಯ ವಾಟ್ಸ್ಆ್ಯಪ್ ಸಂಭಾಷಣೆಯಲ್ಲಿ ಬಹಿರಂಗವಾಗಿದೆ.
ನಟಿಯೇ ಮಾಡಿದ್ದಾಳೆ ಎನ್ನಲಾದ ಸರಣಿ ವಾಟ್ಸ್ಆ್ಯಪ್ ಸಂದೇಶಗಳು ಟೈಮ್ಸ್ ನೌ ಮಾಧ್ಯಮಕ್ಕೆ ಲಭ್ಯವಾಗಿದ್ದು, ರಿಯಾ ಮೊಬೈಲ್ನಿಂದ ಕಳುಹಿಸಿರುವ ವಾಟ್ಸ್ಆ್ಯಪ್ ಸಂದೇಶಗಳಲ್ಲಿ ವಿರಳವಾಗಿ ಉಪಯೋಗಿಸುವ ಎಂಡಿಎಂಎ ಮತ್ತು ಗಾಂಜಾ ಮುಂತಾದ ಡ್ರಗ್ಸ್ ಬಳಸುತ್ತಿದ್ದರು ಎಂಬ ಸುಳಿವು ದೊರೆತಿದೆ.
ಇದನ್ನೂ ಓದಿ: ಪಾತ್ರಕ್ಕಾಗಿ ಪಲ್ಲಂಗ: ಅನುಷ್ಕಾ ಶೆಟ್ಟಿ ಪಾರಾಗಿದ್ಹೇಗೆ? ಕಾಲಿವುಡ್ ಬಗ್ಗೆ ಕನ್ನಡತಿ ಹೇಳಿದ್ದೇನು?
ಸಂಭಾಷಣೆಯೊಂದರಲ್ಲಿ ರಿಯಾ ಡ್ರಗ್ಸ್ ಮಾರಾಟಗಾರ ಆರೋಪಿ ಗೌರವ್ ಆರ್ಯ ಬಗ್ಗೆ ಮಾತನಾಡಿದ್ದಾರೆ. ಒಂದು ವೇಳೆ ನಾವು ಕಠಿಣ ಡ್ರಗ್ಸ್ ಬಗ್ಗೆ ಮಾತನಾಡಿದರೆ, ನಾನು ಅದನ್ನು ಹೆಚ್ಚಿಗೆ ಮಾಡುವಂತಿಲ್ಲ. ಒಮ್ಮೆ ಎಂಡಿಎಂಎ ಪ್ರಯತ್ನಿಸಿ ನೋಡಿ ಬಳಿಕ ನಿಮಲ್ಲಿ ಎಂಡಿ ಇದೆಯೇ? ಎಂದು ಅದೇ ಕೇಳಿಸುತ್ತದೆ ಎಂದಿದ್ದಾರೆ.
ಮಿರಾಂಡಾ ಸುಶಿ ಎಂದು ಸೇವ್ ಆಗಿರುವ ನಂಬರ್ ಜತೆಗಿನ ಮತ್ತೊಂದು ಸಂಭಾಷಣೆಯಲ್ಲಿ “ಹಾಯ್ ರಿಯಾ ಪದಾರ್ಥವೂ ಬಹುತೇಕ ಮುಗಿದು ಹೋಗಿದೆ” ಎಂದು ಡ್ರಗ್ಸ್ ಕುರಿತು ರಿಯಾಗೆ ಮಿರಾಂಡ ಹೇಳಿದ್ದಾರೆ. ಮುಂದುವರಿದು ರಿಯಾ ಜತೆ ಚಾಟ್ ಮಾಡಿರುವ ಮಿರಾಂಡ ಪದಾರ್ಥ (ಡ್ರಗ್ಸ್)ವನ್ನು ಶೋವಿಕ್ (ರಿಯಾ ಸಹೋದರ) ಫ್ರೆಂಡ್ ಬಳಿ ಪಡೆದುಕೊಳ್ಳೋಣವಾ? ಆದರೆ, ಅವರು ಕೇವಲ ಹ್ಯಾಶ್ ಮತ್ತು ಮೊಗ್ಗನ್ನು ಮಾತ್ರ ಹೊಂದಿದ್ದಾರೆ ಎಂದಿದ್ದಾರೆ.
ರಿಯಾ ಹೆಚ್ಚಾಗಿ ತನ್ನ ಫ್ರೆಂಡ್ ಜಯಾ ಸಾಹಾ ಬಳಿ ಸಂಭಾಚಣೆ ನಡೆಸಿದ್ದಾರೆ. 2019ರ ನವೆಂಬರ್ 25 ರಂದು ರಿಯಾಗೆ ಜಯಾ ಚಾಟ್ ಮಾಡಿದ್ದು, ಟೀ ಅಥವಾ ನೀರಿನಲ್ಲಿ ನಾಲ್ಕು ಹನಿ ಹಾಕಿ ಅದನ್ನು ಅವನಿಗೆ ಸೇವಿಸಲು ಕೊಡು. ಬಳಿಕ 30 ರಿಂದ 40 ನಿಮಿಷ ಸಮಯ ಕೊಡು ಕಿಕ್ ಏರುತ್ತೆ ಎಂದಿದ್ದಾಳೆ. ಇದಕ್ಕೆ ಪ್ರತಿಯಾಗಿ ಚಾಟ್ ಮಾಡಿರುವ ರಿಯಾ, ಜಯಾಗೆ ಧನ್ಯವಾದಗಳನ್ನು ತಿಳಿಸಿದ್ದಾರೆ. ಬಳಿಕ ಜಯಾ ತೊಂದರೆ ಏನಿಲ್ಲ ಇದು ನಿನಗೆ ಸಹಾಯವಾಗುತ್ತದೆ ಎಂಬ ಭರವಸೆ ಇದೆ ಎಂದಿದ್ದಾರೆ.
ಇದನ್ನೂ ಓದಿ: ಕಂಡೋರ ಹೆಂಡತಿಯನ್ನು ಕರೆದೊಯ್ದ ಪೊಲೀಸಪ್ಪ: ಪತ್ನಿಗಾಗಿ ಸಂತ್ರಸ್ತ ಪತಿಯ ಅಳಲು!
ಇನ್ಸ್ಟಾಗ್ರಾಂ ಪೊಸ್ಟ್ ಒಂದರಲ್ಲಿ ತಾನು ಸುಶಾಂತ್ ಸಿಂಗ್ ರಜಪೂತ್ ಗರ್ಲ್ಫ್ರೆಂಡ್ ಎಂದು ರಿಯಾ ತನ್ನಷ್ಟಕ್ಕೆ ತಾನು ಘೋಷಿಸಿಕೊಂಡಿದ್ದಳು. 2019ರ ನವೆಂಬರ್ನಿಂದ ಆಕೆ ಸುಶಾಂತ್ ಜತೆಯಲ್ಲೇ ಬಾಂದ್ರಾ ನಿವಾಸದಲ್ಲಿ ವಾಸಿಸುತ್ತಿದ್ದಳು ಎನ್ನಲಾಗಿದೆ.
ಇದೀಗ ಸುಶಾಂತ್ ಪ್ರಕರಣದಲ್ಲಿ ಡ್ರಗ್ಸ್ ಪಿತೂರಿ ಶಂಕೆ ಹಿನ್ನೆಲೆಯಲ್ಲಿ ಪ್ರಕರಣವನ್ನು ನಾರ್ಕೋಟಿಕ್ಸ್ ಕಂಟ್ರೋಲ್ ಬ್ಯೂರೋ (ಎನ್ಸಿಬಿ) ತನಿಖೆ ನಡೆಸುವ ಸಾಧ್ಯತೆಯೂ ಇದೆ. (ಏಜೆನ್ಸೀಸ್)
ಸುಶಾಂತ್ ಪ್ರಕರಣವನ್ನು ಸಿಬಿಐ ಕೈಗೆತ್ತಿಕೊಂಡ ಬೆನ್ನಲ್ಲೇ ದಿಶಾ ಕುರಿತ ಸ್ಫೋಟಕ ಮಾಹಿತಿ ಬಹಿರಂಗ!