ವಡೋದರಾ: ಲಾಕ್ಡೌನ್ ಹಿನ್ನೆಲೆಯಲ್ಲಿ ಶಾಲೆಗಳೆಲ್ಲವೂ ಮುಚ್ಚಿದ್ದರಿಂದಾಗಿ ಅನೇಕ ವಿದ್ಯಾರ್ಥಿಗಳು ಬಾಲ ಕಾರ್ಮಿಕರಾಗಿರುವುದನ್ನು ನೋಡಿದ್ದೇವೆ. ಆದರೆ ಇಲ್ಲಿಬ್ಬರು ವಿದ್ಯಾರ್ಥಿಗಳು ಶಾಲೆಯಲ್ಲಿ ಭೇಟಿ ಮಾಡಲಾಗುತ್ತಿಲ್ಲ ಎನ್ನುವ ಕಾರಣಕ್ಕೆ ಮನೆ ಬಿಟ್ಟು ಓಡಿಹೋಗಿ ದಂಪತಿಗಳಂತೆ ಬದುಕಿರುವ ಘಟನೆ ನಡೆದಿದೆ.
ಇದನ್ನೂ ಓದಿ: ಬಸ್ಸು ಲೇಟಾಗಿದ್ದರಿಂದ ಶಾಲೆಗೆ ತಡವಾಗುತ್ತಿದೆ ಎಂದು ದೂರಿತ್ತ ವಿದ್ಯಾರ್ಥಿ; ಆಮೇಲೆ ಆಗಿದ್ದಕ್ಕೆ ಪ್ರಶಂಸೆಯ ಸುರಿಮಳೆ
ಗುಜರಾತ್ನ ಛಾನಿಯಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ಅವರಿಬ್ಬರು ಒಂದೇ ಶಾಲೆಯಲ್ಲಿ ಓದುತ್ತಿದ್ದ ವಿದ್ಯಾರ್ಥಿಗಳು. ಈಗ 9ನೇ ತರಗತಿಯಲ್ಲಿದ್ದಾರೆ. ಲಾಕ್ಡೌನ್ ಕಾರಣ ಶಾಲೆ ಮುಚ್ಚಿದ್ದರಿಂದ ಕಳೆದ ಸುಮಾರಷ್ಟು ತಿಂಗಳುಗಳಿಂದ ಭೇಟಿ ಮಾಡಲು ಆಗಿರಲಿಲ್ಲವಂತೆ. ಅದೇ ನೋವಿನಲ್ಲಿದ್ದ ಅವರಿಬ್ಬರು ಡಿಸೆಂಬರ್ 29ರಂದು ಮನೆಯಿಂದ ಓಡಿ ಹೋಗಿದ್ದಾರೆ. ಬಾಲಕನ ಮನೆಯಲ್ಲಿ ದೇವಸ್ಥಾನವೊಂದಿದ್ದು, ಆ ದೇವಸ್ಥಾನದ ಕಾಣಿಕೆ ಡಬ್ಬದಲ್ಲಿದ್ದ 25 ಸಾವಿರ ರೂಪಾಯಿಯನ್ನೂ ತೆಗೆದುಕೊಂಡು ಹೋಗಿದ್ದಾನೆ. ಹುಡುಗಿ ತನ್ನ ಮನೆಯಲ್ಲಿದ್ದ 5 ಸಾವಿರ ರೂಪಾಯಿಯನ್ನು ತೆಗೆದುಕೊಂಡು ಮನೆ ಬಿಟ್ಟು ಹೊರಟಿದ್ದಾಳೆ.
ಮನೆಯಿಂದ ಹೊರಟವರೆ ರನೋಲಿ ರೈಲ್ವೆ ನಿಲ್ದಾಣಕ್ಕೆ ಹೋಗಿದ್ದಾಳೆ. ಅಲ್ಲಿಂದ ಸಯಾಜಿಗುಂಜ್ಗೆ ಹೋಗಿದ್ದರು. ಸಯಾಜಿಗುಂಜ್ಗೆ ಈ ಮೊದಲೇ ಹಲವು ಬಾರಿ ಹೋಗಿದ್ದರಿಂದಾಗಿ ಬಾಲಕನಿಗೆ ನಗರದ ಬಗ್ಗೆ ಮಾಹಿತಿ ಇತ್ತು. ಅಲ್ಲೇ ಒಂದು ರೂಂ ಬಾಡಿಗೆ ಪಡೆದು ಜೀವನ ಆರಂಭಿಸಿದ್ದಾರೆ. ತಿಂಗಳಿಗೆ 500 ರೂಪಾಯಿ ಬಾಡಿಗೆ ಕಟ್ಟುವುದಾಗಿ ತಿಳಿಸಿದ್ದಾರೆ. ನಗರದಲ್ಲೇ ಒಂದು ಗಾರ್ಮೆಂಟ್ಸ್ನಲ್ಲಿ ಬಾಲಕ ಕೆಲಸಕ್ಕೂ ಸೇರಿದ್ದಾನೆ. ಪ್ರತಿದಿನಕ್ಕೆ 366 ರೂಪಾಯಿಯಂತೆ ಕೆಲಸ ಆರಂಭಿಸಿದ್ದಾನೆ. ಇಬ್ಬರು ದಂಪತಿಗಳಂತೆ ಜೀವನ ನಡೆಸಿದ್ದಾರೆ.
ಇದನ್ನೂ ಓದಿ: ಕೆಲಸದಾಳಿನ ಜತೆ ಸೇರಿ ಪತಿಯನ್ನೇ ಕೊಲೆಗೈದ ಪತ್ನಿ! ಕಸದ ರಾಶಿಯಲ್ಲೇ ಶವವನ್ನು ಹೂತಿಟ್ಟ ಜೋಡಿ
ಈ ಮಧ್ಯೆ ಮಕ್ಕಳು ಕಾಣದಿದ್ದರಿಂದ ಗಾಬರಿಗೊಂಡ ಎರಡೂ ವಿದ್ಯಾರ್ಥಿಗಳ ಕುಟುಂಬದವರು ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಮಕ್ಕಳಿಗಾಗಿ ಕುಡುಕಾಟ ಆರಂಭಿಸಲಾಗಿದೆ. ಸಯಾಜಿಗುಂಜ್ನಲ್ಲಿದ್ದ ಬಾಲಕ ಸ್ನೇಹಿತನೊಬ್ಬನನ್ನು ಭೇಟಿ ಮಾಡಿ ವಿಚಾರ ತಿಳಿಸಿದ್ದು, ಆತನಿಂದಲೇ ಪೊಲೀಸರಿಗೆ ಬಾಲಕನ ಮಾಹಿತಿ ಸಿಕ್ಕಿದೆ. ಇದೀಗ ಇಬ್ಬರನ್ನು ಛಾನಿಗೆ ಕರೆತಂದು ಅವರವರ ಮನೆಗೆ ಕಳುಹಿಸಿಕೊಡಲಾಗಿದೆ. (ಏಜೆನ್ಸೀಸ್)
ಎಂಗೇಜ್ಮೆಂಟ್ ಆದ್ಮೇಲೆ ಸೆಕ್ಸ್ ಮಾಡಿ ನೀ ಬೇಡ ಎಂದ; ಪೊಲೀಸರ ಮೊರೆ ಹೋದ ಯುವತಿ
ಮಧ್ಯರಾತ್ರಿಯಲ್ಲಿ ನೀರು ಕುಡಿಯಲೆದ್ದಿದ್ದ ಅಮ್ಮನಿಗಾಯ್ತು ದಿಗಿಲು; ರಾತ್ರಿ ಮಲಗಿದ್ದ ಮಗ-ಸೊಸೆ ಅಲ್ಲಿರಲಿಲ್ಲ..!