ನವದೆಹಲಿ: ಭಾರತದ ಇನ್ನೆರಡು ಸಮುದ್ರ ತೀರಗಳಿಗೆ ಪ್ರತಿಷ್ಠಿತ ಅಂತರರಾಷ್ಟ್ರೀಯ ‘ಬ್ಲೂ ಫ್ಲ್ಯಾಗ್’ ಸರ್ಟಿಫಿಕೇಶನ್ ಲಭಿಸಿದೆ ಎಂದು ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವ ಭೂಪೇಂದರ್ ಯಾದವ್ ಹೇಳಿದ್ದಾರೆ. ಸಮುದ್ರ ತೀರಗಳ ಉತ್ತಮ ನಿರ್ವಹಣೆ, ಆರೋಗ್ಯಕರ ವಾತಾವರಣ ಮತ್ತು ಸಮೃದ್ಧ ಜೀವಸಂಪತ್ತಿನ ಆಧಾರದ ಮೇಲೆ ಡೆನ್ಮಾರ್ಕಿನ ಫೌಂಡೇಶನ್ ಫಾರ್ ಎನ್ವಿರಾನ್ಮೆಂಟ್ ಎಜುಕೇಷನ್(ಎಫ್ಇಇ) ನೀಡುವ ಮಾನ್ಯತೆ ಇದಾಗಿದೆ.
ತಮಿಳುನಾಡಿನ ಕೋವಲಮ್ ಬೀಚ್ ಮತ್ತು ಪುದುಚೆರಿಯ ಈಡೆನ್ ಬೀಚ್ಗಳಿಗೆ ಇದೀಗ ಎಫ್ಇಇಯ ಬ್ಲೂ ಫ್ಲ್ಯಾಗ್ ಸರ್ಟಿಫಿಕೇಶನ್ ಸಿಕ್ಕಿದೆ. 2020ರಲ್ಲಿ ಈ ಮಾನ್ಯತೆ ಗಳಿಸಿದ ಇತರ 8 ಬೀಚ್ಗಳೂ ಸೇರಿದಂತೆ ಭಾರತದ 10 ಸಮುದ್ರ ತೀರಗಳು ಈ ಅಂತರರಾಷ್ಟ್ರೀಯ ಸಮ್ಮಾನ ಪಡೆದುಕೊಂಡಿವೆ. ಇದು ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದಲ್ಲಿ ಸ್ವಚ್ಛ ಮತ್ತು ಹಸಿರು ಭಾರತದ ಕಡೆಗಿನ ನಮ್ಮ ಪ್ರಯಾಣದಲ್ಲಿ ಮತ್ತೊಂದು ಮೈಲಿಗಲ್ಲಾಗಿದೆ ಎಂದು ಸಚಿವ ಯಾದವ್ ಟ್ವೀಟ್ ಮಾಡಿದ್ದಾರೆ.
Happy to announce India now has 10 International Blue Flag beaches with the addition of Kovalam & Eden beaches this year and recertification for 8 beaches which got the tag in 2020. Another milestone in our journey towards a clean and green India led by PM Shri @NarendraModi Ji. pic.twitter.com/UzocIJhyzD
— Bhupender Yadav (@byadavbjp) September 21, 2021
ಈ ಪ್ರತಿಷ್ಠಿತ ಎಕೋ-ಲೇಬಲ್ ಪಡೆದಿರುವ ಭಾರತದ ಇತರ ಸಮುದ್ರ ತೀರಗಳೆಂದರೆ – ಶಿವರಾಜಪುರ-ಗುಜರಾತ್, ಘೋಘ್ಲಾ-ಡೈಯು, ಕಾಸರಕೋಡ್ ಮತ್ತು ಪಡುಬಿದ್ರಿ-ಕರ್ನಾಟಕ, ಕಪ್ಪದ್-ಕೇರಳ, ಋಷಿಕೊಂಡ- ಆಂಧ್ರ ಪ್ರದೇಶ, ಗೋಲ್ಡನ್ ಬೀಚ್-ಒಡಿಶಾ ಮತ್ತು ರಾಧಾನಗರ-ಅಂಡಮಾನ್ ಮತ್ತು ನಿಕೋಬಾರ್. ಇವುಗಳಿಗೆ ಕಳೆದ ವರ್ಷ ಬ್ಲೂ ಫ್ಲ್ಯಾಗ್ ನೀಡಲಾಗಿದ್ದು, ಇದೀಗ ಆ ಪ್ರಮಾಣಪತ್ರಗಳನ್ನೂ ನವೀಕರಿಸಲಾಗಿದೆ ಎಂದು ಪ್ರೆಸ್ ಇನ್ಫರ್ಮೇಷನ್ ಬ್ಯೂರೋ ತಿಳಿಸಿದೆ. (ಏಜೆನ್ಸೀಸ್)
ತಡರಾತ್ರಿ ಮನೆಗೆ ಹಿಂತಿರುಗುತ್ತಿದ್ದ ಯುವತಿಯನ್ನು ರೇಪ್ ಮಾಡಿದ ಕ್ಯಾಬ್ ಡ್ರೈವರ್; ಮದ್ಯಪಾನವೇ ಮುಳುವಾಯ್ತಾ?
‘ಗಂಡಸಿನಂಥ ದೇಹದವಳು ತಾಪ್ಸೀನೇ’ ಎಂದ ಟ್ವೀಟ್ಗೆ ನಟಿ ನೀಡಿದ ಉತ್ತರ ನೋಡಿ!
ಗೃಹ ಸಚಿವ ಆರಗ ಜ್ಞಾನೇಂದ್ರಗೆ ಕ್ಲಾಸ್ ತೊಗೊಂಡ ಸಿದ್ದು; ಸುಧಾಕರ್ ಮೇಲೂ ಗರಂ!