ಬರ್ಮರ್: ಅವಳಿ-ಜವಳಿ ಮಕ್ಕಳೆಂದರೆ ಒಟ್ಟೊಟ್ಟಿಗೆ ಜನನ, ರೂಪದಲ್ಲಿ ಹೋಲಿಕೆ ಸಹಜ. ಆದರೆ ಇಲ್ಲೊಂದು ಕಡೆ ಅವಳಿ-ಜವಳಿ ಮಕ್ಕಳ ಸಾವೂ ಒಟ್ಟೊಟ್ಟಿಗೆ ಸಂಭವಿಸಿದ್ದಷ್ಟೇ ಅಲ್ಲ, ಇಬ್ಬರ ಸಾವಲ್ಲಿ ಹೋಲಿಕೆಯೂ ಕಂಡುಬಂದಿದೆ. ಅದರಲ್ಲೂ ವಿಚಿತ್ರ ಎಂದರೆ ಸಾಮ್ಯತೆ ಇರುವ ಈ ಎರಡೂ ಸಾವು 900 ಕಿ.ಮೀ. ದೂರದಲ್ಲಿ ಸಂಭವಿಸಿದೆ.
ರಾಜಸ್ಥಾನದಲ್ಲಿ ಇಂಥದ್ದೊಂದು ವಿಚಿತ್ರ ಸಂಭವಿಸಿದೆ. 26 ವರ್ಷದ ಅವಳಿ-ಜವಳಿ ಸಹೋದರರು 900 ಕಿ.ಮೀ. ದೂರದಲ್ಲಿದ್ದರೂ ಒಂದೇ ದಿನ, ಕೆಲವೇ ಗಂಟೆಗಳ ಅಂತರದಲ್ಲಿ ಸಾವಿಗೀಡಾಗಿದ್ದಾರೆ. ಒಬ್ಬರು ಸೂರತ್ನಲ್ಲಿ, ಇನ್ನೊಬ್ಬರು ಬರ್ಮರ್ನಲ್ಲಿ ಸಾವಿಗೀಡಾಗಿದ್ದಾರೆ. ಇಬ್ಬರ ಸಾವಿನಲ್ಲಿನ ಸಾಮ್ಯತೆಗೆ ಕುಟುಂಬಸ್ಥರೂ ಅಚ್ಚರಿಗೀಡಾಗಿದ್ದಾರೆ.
ಒಬ್ಬ ಸಹೋದರ ಮನೆಯ ಟೆರೇಸ್ನಿಂದ ‘ಜಾರಿ ಬಿದ್ದು’ ಮೃತಪಟ್ಟರೆ, ಇನ್ನೊಬ್ಬ ನೀರಿನ ತೊಟ್ಟಿಯೊಳಕ್ಕೆ ‘ಜಾರಿ ಬಿದ್ದು’ ಮೃತಪಟ್ಟಿದ್ದಾನೆ. ಹೀಗೆ ಸಾವಿಗೀಡಾದ ಅವಳಿ ಸಹೋದರರ ಹೆಸರು ಸೋಹನ್ ಸಿಂಗ್ ಮತ್ತು ಸುಮೇರ್ ಸಿಂಗ್. ಬಳಿಕ ಇಬ್ಬರನ್ನೂ ಅವರ ತವರು ಗ್ರಾಮವಾದ ಸಾರ್ನೊ ಕ ತಾಲಾದಲ್ಲಿ ಒಟ್ಟಿಗೇ ಅಂತ್ಯಸಂಸ್ಕಾರ ನಡೆಸಲಾಗಿದೆ. ಸುಮೇರ್ ಗುಜರಾತ್ನ ಟೆಕ್ಸ್ಟೈಲ್ ಸಿಟಿಯಲ್ಲಿ ಉದ್ಯೋಗದಲ್ಲಿದ್ದರೆ, ಸೋಹನ್ ಜೈಪುರದಲ್ಲಿ ಗ್ರೇಡ್ 2 ಶಿಕ್ಷಕರ ನೇಮಕಾತಿ ಪರೀಕ್ಷೆಗೆ ತೆರಳಿದ್ದ.
ಕಿರಿಯವ ಸುಮೇರ್ ಬುಧವಾರ ರಾತ್ರಿ ಫೋನ್ನಲ್ಲಿ ಮಾತನಾಡುತ್ತಿರುವಾಗಲೇ ಜಾರಿ ಬಿದ್ದಿದ್ದರೆ, ಹಿರಿಯವ ಸೋಹನ್ ಗುರುವಾರ ಬೆಳಗಿನ ಜಾವ ನೀರಿನ ತೊಟ್ಟಿಗೆ ಬಿದ್ದು ಸಾವಿಗೀಡಾಗಿದ್ದ. ಮನೆಯಿಂದ ನೂರು ಅಡಿ ದೂರದಲ್ಲಿನ ಟ್ಯಾಂಕ್ನಿಂದ ನೀರು ತರಲು ಹೋಗಿದ್ದಾಗ ಈ ದುರಂತ ಸಂಭವಿಸಿದೆ.
ಬಟ್ಟೆ ಧರಿಸದೆ ಮಲಗುವುದರಿಂದ ಏನು ಪ್ರಯೋಜನ?; ಇಲ್ಲಿದೆ ಅಧ್ಯಯನದ ಅಂಶಗಳು..
ಈ ವಿಷಯದಲ್ಲಂತೂ ಡಾ.ಬ್ರೋ ‘ಸೂಪರ್ ಸ್ಟಾರ್’; ‘ಎಷ್ಟು ಸಾವಿರ ಕೊಟ್ರೂ ಅದನ್ನು ಮಾತ್ರ ಮಾಡಲ್ಲ’ ಅಂತಾರೆ