ನವದೆಹಲಿ: ಮನುಷ್ಯನ ಮೂಲಭೂತ ಅಗತ್ಯಗಳಲ್ಲಿ ಅತಿಮುಖ್ಯವಾದವುಗಳಲ್ಲಿ ನಿದ್ರೆಯೂ ಒಂದು. ಮನುಷ್ಯ ಹೇಗೆ ಸುದೀರ್ಘ ಅವಧಿಗೆ ಊಟ-ತಿಂಡಿ ಬಿಟ್ಟಿರುವುದು ಸಾಧ್ಯವಿಲ್ಲವೋ, ಹಾಗೆ ನಿದ್ರೆಯನ್ನು ಕೂಡ ಬಿಟ್ಟಿರಲು ಅಸಾಧ್ಯ. ಮಲಗಿದ ತಕ್ಷಣ ನಿದ್ರೆ ಆವರಿಸಿಬಿಡುವಂಥವರು ಇದ್ದಂತೆ, ಹೇಗೆ ಮಲಗಿದರೂ ನಿದ್ರೆ ಬರದೆ ಕನವರಿಸುವಂಥವರೂ ಇದ್ದಾರೆ.
ಜಗತ್ತಿನಲ್ಲಿ ನಿದ್ರಾಹೀನತೆ ಕೂಡ ಹೆಚ್ಚಾಗಿ ಕಾಡುವಂಥ ಸಂಗತಿಯೇ. ಮಲಗುವ ವಿಧಾನ-ವಾತಾವರಣ, ನಿದ್ರಿಸುವ ಮುನ್ನ ಇರುವ ಮನೋಸ್ಥಿತಿ ಎಲ್ಲವೂ ನಿದ್ರೆಯ ಮೇಲೆ ಪರಿಣಾಮ ಬೀರುತ್ತವೆ. ಹೀಗಿರುವಾಗ ಏನೂ ಧರಿಸದೆ ಮಲಗುವುದರಿಂದ ಏನೆಲ್ಲ ಪ್ರಯೋಜನಗಳು ಇವೆ ಎಂಬುದನ್ನು ಅಧ್ಯಯನವೊಂದು ಬಹಿರಂಗಪಡಿಸಿದೆ.
ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ನಡೆಸಿರುವ ಅಧ್ಯಯನದಲ್ಲಿ ನಿದ್ರೆಯ ಕುರಿತು ಸ್ವಾರಸ್ಯಕರ ಸಂಗತಿಯೊಂದು ಬಹಿರಂಗವಾಗಿದೆ. ಏನನ್ನೂ ಧರಿಸದೆ ಅರ್ಥಾತ್ ಬೆತ್ತಲಾಗಿ ಮಲಗುವುದರಿಂದ ಸಾಕಷ್ಟು ಪ್ರಯೋಜನಗಳು ಇವೆ ಎಂಬುದು ಈ ಅಧ್ಯಯನದಲ್ಲಿ ಕಂಡುಬಂದಿದೆ. ನಿದ್ರೆಯ ಗುಣಮಟ್ಟ ಉಷ್ಣಾಂಶದ ಮೇಲೂ ಅವಲಂಬಿಸಿರುವುದರಿಂದ ಈ ಸಂದರ್ಭದಲ್ಲಿ ಮಲಗುವ ಕೋಣೆಯಲ್ಲಿನ ತಾಪಮಾನ 15ರಿಂದ 19 ಡಿ.ಸೆ. ಇರಬೇಕು ಎಂದೂ ಈ ಅಧ್ಯಯನದಲ್ಲಿ ಹೇಳಲಾಗಿದೆ. ಈ ತಾಪಮಾನದಲ್ಲಿರುವ ಮಲಗುವ ಕೋಣೆಯಲ್ಲಿ ಪೈಜಾಮಾ ಇಲ್ಲದೆ ಅಥವಾ ಯಾವುದೇ ಬಟ್ಟೆ ಧರಿಸದೆ ಮಲಗುವುದು ಅತ್ಯುತ್ತಮ ಎಂಬುದು ಅಧ್ಯಯನದಲ್ಲಿ ಕಂಡುಬಂದಿದೆ.
ಬಟ್ಟೆ ಧರಿಸದೆ ಮಲಗುವುದು ನಿದ್ರೆಯ ಗುಣಮಟ್ಟ ವೃದ್ಧಿಸುವುದಷ್ಟೇ ಅಲ್ಲದೆ, ತ್ವಚೆಯ ಆರೋಗ್ಯವನ್ನೂ ಹೆಚ್ಚಿಸುತ್ತದೆ. ಮಾತ್ರವಲ್ಲ, ಈ ರೀತಿಯ ಮಲಗುವಿಕೆಯಿಂದ ತ್ವಚೆಯಲ್ಲಿನ ಸಣ್ಣಪುಟ್ಟ ಗಾಯಗಳೂ ಬೇಗ ಗುಣವಾಗುತ್ತದೆ. ಬೆತ್ತಲಾಗಿ ಮಲಗುವುದರಿಂದ ಆತಂಕ ಹಾಗೂ ಒತ್ತಡದ ಮನಸ್ಥಿತಿ ದೂರವಾಗುತ್ತದೆ. ಪರಿಣಾಮವಾಗಿ ಉತ್ತಮ ನಿದ್ರೆ ಬರುತ್ತದೆ ಎಂದು ಈ ಅಧ್ಯಯನ ತಿಳಿಸಿದೆ.
ಬಟ್ಟೆ ಧರಿಸದೆ ಮಲಗುವುದು ದಾಂಪತ್ಯ ಜೀವನವನ್ನೂ ಉತ್ತಮಗೊಳಿಸುತ್ತದೆ. ಪತಿ-ಪತ್ನಿಯ ನಡುವೆ ತ್ವಚೆ ನೇರ ಸಂಪರ್ಕಕ್ಕೆ ಬರುವುರದರಿಂದ ದಂಪತಿಯ ಮಧ್ಯೆ ಪರಿಣಾಮ ಬೀರುವಂಥ ಆಕ್ಸಿಟೋಸಿನ್ ಸ್ರವಿಕೆ ಕೂಡ ಉದ್ದೀಪನಗೊಳ್ಳುತ್ತದೆ ಎಂದು ಈ ಅಧ್ಯಯನ ತಿಳಿಸಿದೆ. ಅಂದಹಾಗೆ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಈ ಅಧ್ಯಯನವನ್ನು 2012ರಲ್ಲೇ ನಡೆಸಿತ್ತು.
ಮದುವೆ ಆಗಿಲ್ಲ ಅಂದ್ರೆ ಮನೆ ಖಾಲಿ ಮಾಡಿ: ಬಾಡಿಗೆದಾರರಿಗೆ ವಿಚಿತ್ರ ಎಚ್ಚರಿಕೆ
6 ತಿಂಗಳ ಕಾಲ ಒಂದೊಂದಾಗಿ ಕಾಣೆಯಾಗಿದ್ದವು ಮನೆಯೊಳಗಿದ್ದ ಆಭರಣಗಳು!; ಕೊನೆಗೂ ಬಯಲಾಯ್ತು ಅಸಲಿಯತ್ತು
6 ತಿಂಗಳ ಕಾಲ ಒಂದೊಂದಾಗಿ ಕಾಣೆಯಾಗಿದ್ದವು ಮನೆಯೊಳಗಿದ್ದ ಆಭರಣಗಳು!; ಕೊನೆಗೂ ಬಯಲಾಯ್ತು ಅಸಲಿಯತ್ತು
‘ನಾನು ಯೂಟ್ಯೂಬರ್ ಆಗಿದ್ದು ಯಾಕೆ?’ ಅಂತ ಖುದ್ದು ಡಾ.ಬ್ರೋ ಅವರೇ ಹಂಚಿಕೊಂಡಿದ್ದಾರೆ ಇಲ್ಲಿ..