ತಮಿಳುನಾಡು: ಎಪ್ಪತ್ತು ವರ್ಷದ ಈ ಅಜ್ಜಿಗೆ ಇಂದಿನ ಮಕರ ಸಂಕ್ರಮಣವನ್ನು ಸ್ಮರಣೀಯವಾಗಿಸಿದ್ದಾರೆ ಈ ಅವಳಿ ಮಕ್ಕಳು. ವಿಧವೆಯಾಗಿರುವ ಈ ವೃದ್ಧೆಗೆ ಬುದ್ಧಿಮಾಂದ್ಯ ಮಗಳಿದ್ದು, ಹಬ್ಬ ಮಾಡುವುದೇ ಕಷ್ಟ ಎಂಬಂತಿತ್ತು. ಅಂಥ ಸಂದರ್ಭದಲ್ಲಿ ಸರ್ಕಾರ ಘೋಷಿಸಿರುವ ಪೊಂಗಲ್ ಪ್ಯಾಕೇಜ್ ನೆರವಾಗಿ ಬಂದಿತ್ತು. ಆದರೆ ಅದನ್ನು ತರಲು ಹೋಗಿದ್ದ ಈ ವೃದ್ಧೆ ರಸ್ತೆಯಲ್ಲೇ ಕುಸಿದು ಬಿದ್ದಿದ್ದಳು.
ತಮಿಳುನಾಡಿನಲ್ಲಿ ಬಡವರಿಗೆ ಪೊಂಗಲ್ ಉಡುಗೊರೆಯಾಗಿ 2,500 ನಗದು , ಕಬ್ಬು, ಬಟ್ಟೆಗಳನ್ನು ಸರ್ಕಾರ ನೀಡುತ್ತಿದೆ. ಆದರೆ ಅದನ್ನು ಪಡೆಯಲು ಎಂದು ನಡೆದೇ ಹೊರಟಿದ್ದ ಸುಬ್ಬುಲಕ್ಷ್ಮೀ ಎಂಬ ವೃದ್ಧೆ ರಸ್ತೆ ಮಧ್ಯದಲ್ಲೇ ಅಸ್ವಸ್ಥಗೊಂಡಿದ್ದಳು. ಆಗ ಅಲ್ಲೇ ಹತ್ತಿರದಲ್ಲಿದ್ದ ವಿ. ವನಿತಾ ಎಂಬವರ ಮನೆ ಬಳಿಗೆ ತೆರಳಿ ಆಶ್ರಯ ಪಡೆದಿದ್ದರು.
ಹಬ್ಬಕ್ಕಾಗಿ ಪೊಂಗಲ್ ಉಡುಗೊರೆ ಪಡೆಯಲು ಹಾಗೂ ಅದರ ಅಗತ್ಯವನ್ನು ತಿಳಿಸಿದಾಗ, ವನಿತಾಗೆ ಸುಬ್ಬುಲಕ್ಷ್ಮೀ ಬಗ್ಗೆ ಕನಿಕರ ಮೂಡಿದೆ. ನಾನು ಮನೆಯಿಂದ ಅರ್ಧದಾರಿ ಕ್ರಮಿಸಲಿಕ್ಕೇ ಸುಮಾರು ಎರಡು ಗಂಟೆ ಬೇಕಾಯಿತು ಎಂದು ಹೇಳಿದರು. ಆಗ ತಮ್ಮ 9 ವರ್ಷದ ಅವಳಿ ಮಕ್ಕಳಾದ ವಿ.ನಿತಿನ್ ಹಾಗೂ ವಿ.ನಿತಿಶ್ ಅವರನ್ನು ಕಳುಹಿಸಿ ಪೊಂಗಲ್ ಪ್ಯಾಕೇಜ್ ಪೊಟ್ಟಣ ತರಿಸಿಕೊಟ್ಟಿದ್ದಾರೆ. ಬಳಿಕ ಈ ಮಕ್ಕಳು ವೃದ್ಧೆಯನ್ನು ಗಾಡಿಯಲ್ಲಿ ಕೂರಿಸಿಕೊಂಡು ಮನೆಗೂ ಬಿಟ್ಟು ಬಂದಿದ್ದಾರೆ. ಈ ಕುರಿತು ಸ್ಥಳೀಯರು ಮಕ್ಕಳ ಬಗ್ಗೆ ಭಾರಿ ಮೆಚ್ಚುವೆ ವ್ಯಕ್ತಪಡಿಸಿದ್ದಾರೆ.
ಮದುವೆಯಾದ ತಿಂಗಳಲ್ಲೇ ರೈಲಿನಿಂದ ಪತ್ನಿಯ ನೂಕಿ ಕೊಲೆ- ಮುಂಬೈನಲ್ಲಿ ಅಮಾನುಷ ಘಟನೆ
ಮಗ ಸತ್ತ ವರ್ಷದ ನಂತರ ಸಿಕ್ತು ಡೆತ್ನೋಟ್! ಅದರಲ್ಲಿತ್ತು ಪತ್ನಿಯ ಕಾಮಪುರಾಣ