ಬೆಂಗಳೂರು: ಹೊಸ ವರ್ಷ ಶುರುವಾಗುತ್ತಿದ್ದಂತೆಯೇ, ಈ ವರ್ಷದ ಕೆಲವು ಪ್ರಮುಖ ವಿಷಯಗಳ ಕುರಿತು ಸಮೀಕ್ಷೆಗಳು ಶುರುವಾಗಿವೆ. ಈ ಪೈಕಿ ಇಂಟರ್ನೆಟ್ ಮೂವಿ ಡೇಟಬೇಸ್ (ಐಎಂಡಿಬಿ) ಈ ವರ್ಷದ ಅತೀ ನಿರೀಕ್ಷಿತ ಚಿತ್ರಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಇದನ್ನೂ ಓದಿ: ತನ್ನನ್ನು ದ್ವೇಷಿಸುವವರಿಗೆ ರಶ್ಮಿಕಾ ಹೇಳೋದೇನು ಗೊತ್ತಾ?
ಈ ವರ್ಷ ಹಲವು ಸ್ಟಾರ್ಗಳ ಒಂದಿಷ್ಟು ನಿರೀಕ್ಷೆಯ ಚಿತ್ರಗಳು ಬಿಡುಗಡೆಯಾಗುತ್ತಿವೆ. ಸಂಕ್ರಾಂತಿಗೆ ಅಜಿತ್ ಅಭಿನಯದ ತಮಿಳು ಚಿತ್ರ ‘ತುನಿವು’, ಚಿರಂಜೀವಿ ಅಭಿನಯದ ‘ವಾಲ್ಟರ್ ವೀರಯ್ಯ’, ನಂದಮೂರಿ ಬಾಲಕೃಷ್ಣ ಅಭಿನಯದ ‘ವೀರ ಸಿಂಹ ರೆಡ್ಡಿ’, ವಿಜಯ್ ಅಭಿನಯದ ‘ವಾರಿಸು’, ಶಾರುಖ್ ಖಾನ್ ಅಭಿನಯದ ‘ಪಠಾಣ್’ ಚಿತ್ರಗಳು ಬಿಡುಗಡೆಯಾಗುತ್ತಿವೆ.
ವರ್ಷ ಮುಂದುವರೆಯುತ್ತಿದ್ದಂತೆಯೇ ‘ಆದಿಪುರುಷ್’, ‘ಸಲಾರ್’, ‘ಪುಷ್ಪ 2’, ‘ಟೈಗರ್ 3’, ‘ಇಂಡಿಯನ್ 2’, ‘ಜೈಲರ್’, ‘ಅನಿಮಲ್’ ಚಿತ್ರಗಳಿವೆ. ಈ 20 ಚಿತ್ರಗಳ ಪಟ್ಟಿಯಲ್ಲಿ, ಕನ್ನಡದ ಒಂದೇ ಒಂದು ಚಿತ್ರವಿದೆ. ಅದೇ ಉಪೇಂದ್ರ ಮತ್ತು ಸುದೀಪ್ ನಟಿಸಿರುವ ‘ಕಬ್ಜ’. ಇದಲ್ಲದೆ ಬೇರೆ ಯಾವುದೇ ಚಿತ್ರವಿಲ್ಲದಿರುವುದು ಕನ್ನಡಿಗರಲ್ಲಿ ಬೇಸರ ಮೂಡಿಸಿದೆ.
ಇದನ್ನೂ ಓದಿ: ಬ್ಯಾಂಡೇಜ್ ಹಾಕಿಕೊಂಡೇ ಚಿತ್ರೀಕರಣಕ್ಕೆ ವಾಪಸ್ಸಾದ ರೋಹಿತ್ ಶೆಟ್ಟಿ …
ಇನ್ನು, ಈ ಚಿತ್ರದಲ್ಲಿ ಶಾರುಖ್ ಖಾನ್ ಅಭಿನಯದ ‘ಪಠಾಣ್’, ‘ಜವಾನ್’ ಮತ್ತು ‘ಡಂಕಿ’ ಚಿತ್ರಗಳಿವೆ. ಪ್ರಭಾಸ್ ಅಭಿನಯದ ‘ಸಲಾರ್’ ಮತ್ತು ‘ಆದಿಪುರುಷ್’, ವಿಜಯ್ ಅಭಿನಯದ ‘ವಾರಿಸು’ ಮತ್ತು ದಳಪತಿ 67′ ಮತ್ತು ಸಲ್ಮಾನ್ ಖಾನ್ ಅಭಿನಯದ ‘ಟೈಗರ್ 3’ ಮತ್ತು ‘ಕಿಸಿ ಕ ಭಾಯ್‌ ಕಿಸಿ ಕಿ ಜಾನ್’ ಚಿತ್ರಗಳಿವೆ. ಮಿಕ್ಕಂತೆ ಅಜಯ್ ದೇವಗನ್, ಅಕ್ಷಯ್ ಕುಮಾರ್, ಅಲ್ಲು ಅರ್ಜುನ್, ರಣಬೀರ್ ಕಪೂರ್ ಮುಂತಾದವರ ಚಿತ್ರಗಳಿವೆ.
ಐಎಂಡಿಬಿಯ 2023ರ ಬಹುನಿರೀಕ್ಷಿತ ಭಾರತೀಯ ಸಿನಿಮಾಗಳ ಪಟ್ಟಿ ಹೀಗಿದೆ:
1) ಪಠಾಣ್
2) ಪುಷ್ಪ: ದಿ ರೂಲ್ – ಭಾಗ 2
3) ಜವಾನ್
4) ಆದಿಪುರುಷ್
5) ಸಲಾರ್
6) ವಾರಿಸು
7) ಕಬ್ಜಾ
8) ದಳಪತಿ 67
9) ದಿ ಆರ್ಚಿಸ್
10) ಡಂಕಿ
11) ಟೈಗರ್ 3
12) ಕಿಸಿ ಕ ಭಾಯ್‌ ಕಿಸಿ ಕಿ ಜಾನ್
13) ತುನಿವು
14) ಅನಿಮಲ್
15) ಏಜೆಂಟ್
16) ಇಂಡಿಯನ್ 2
17) ವಾಡಿವಾಸಲ್
18) ಶೆಹಜಾದ
19) ಬಡೇ ಮಿಯಾ ಛೋಟೆ ಮಿಯಾ
20) ಭೋಲಾ
‘ಜೈಲರ್’ ಚಿತ್ರದಲ್ಲಿ ಹೀಗೆ ಕಾಣ್ತಾರೆ ಮೋಹನ್ ಲಾಲ್; ಪಾತ್ರ ಮಾತ್ರ ನಿಗೂಢ …