ಹೈದರಾಬಾದ್: ನಾವು ಮಾತನಾಡುವ ಪ್ರತಿಯೊಂದು ಮಾತು ಕೂಡ ಬಹಳ ಎಚ್ಚರಿಕೆಯಿಂದ ಇರಬೇಕು. ಹಾಗೇ ಇನ್ನೊಬ್ಬರ ಮಾತನ್ನು ಕೇಳಿಸಿಕೊಳ್ಳುವಾಗಲೂ ತುಂಬಾ ಗಮನವಿಟ್ಟು ಕೇಳಿಸಿಕೊಳ್ಳಬೇಕು. ಅಪ್ಪಿತಪ್ಪಿ ಯಾವುದೇ ಪದ ನಮ್ಮ ಕಿವಿಗೆ ಅನುಚಿತವಾಗಿ ಕೇಳಿಸಿದರೆ ಅದು ಅಪಾರ್ಥಕ್ಕೆ ಗುರಿಯಾಗಿಬಿಡುತ್ತದೆ. ಇದಕ್ಕೆ ತಾಜಾ ನಿದರ್ಶನ ಈ ವಿಡಿಯೋ. ಇತ್ತೀಚೆಗಷ್ಟೇ ಟಿಲ್ಲು ಸ್ಕ್ವೇರ್ ತೆಲುಗು ಚಿತ್ರದ ಪ್ರಚಾರದ ವೇಳೆ ಇಂತಹ ವಿಚಿತ್ರ ಘಟನೆ ನಡೆದಿದೆ. ಸಂದರ್ಶನದಲ್ಲಿ ಹೀರೋ ಸಿದ್ದು ಜೊನ್ನಲಗಡ್ಡಗೆ ಆ್ಯಂಕರ್ ಹೇಳಿದ ಪದವೊಂದು ತಪ್ಪಾಗಿ ಕೇಳಿಸಿದ್ದು, ಒಂದು ಕ್ಷಣ ಸಿಧು ಶಾಕ್ ಆದ ಪ್ರಸಂಗ ಜರುಗಿದೆ.
ಟಾಲಿವುಡ್ ಯುವ ನಟ ಸಿದ್ದು ಜೊನ್ನಲಗಡ್ಡ ಬಗ್ಗೆ ತೆಲುಗು ಮಂದಿಗೆ ತುಂಬಾ ಪರಿಚಯವಿದೆ. ಅವರ ಡಿಜೆ ಟಿಲ್ಲು ಸಿನಿಮಾ ಸೂಪರ್ ಡೂಪರ್ ಹಿಟ್ ಎಂಬುದನ್ನು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಈ ಚಿತ್ರದಲ್ಲಿ ಕನ್ನಡತಿ ನೇಹಾ ಶೆಟ್ಟಿ ನಟಿಸಿದ್ದಾರೆ. ಈ ಚಿತ್ರದ ಮುಂದುವರಿದ ಭಾಗ “ಟಿಲ್ಲು ಸ್ಕ್ವೇರ್” ಬಿಡುಗಡೆಗೆ ಸಜ್ಜಾಗಿದೆ. ಇದರಲ್ಲಿ ನೇಹಾ ಶೆಟ್ಟಿ ಮಾಡಿದ ಬೋಲ್ಡ್ ಪಾತ್ರವನ್ನು ಕೇರಳದ ಕುಟ್ಟಿ ಅನುಪಮಾ ಪರಮೇಶ್ವರನ್ ಮಾಡಿದ್ದಾರೆ.
ಮಾರ್ಚ್ 29ರಂದು ಅಂದರೆ ನಾಳೆ ಟಿಲ್ಲು ಸ್ಕ್ವೇರ್ ಸಿನಿಮಾ ದೇಶಾದ್ಯಂತ ಥಿಯೇಟರ್‌ಗೆ ಲಗ್ಗೆ ಇಡಲಿದೆ. ಈಗಾಗಲೇ ಟಿಲ್ಲು ಸ್ಕ್ವೇರ್ ಸಿನಿಮಾ ತನ್ನ ಫಸ್ಟ್ ಲುಕ್ ಪೋಸ್ಟರ್‌, ಟೀಸರ್, ಟ್ರೇಲರ್ ಹಾಗೂ ಹಾಡುಗಳಿಂದಲೇ ಫೇಮಸ್ ಆಗಿದೆ. ಅದರಲ್ಲೂ ಚಿತ್ರದಲ್ಲಿ ವಯಸ್ಕರ ಕಂಟೆಂಟ್ ಹೆಚ್ಚು ಕಂಡು ಬಂದಿರುವುದರಿಂದ ಪಡ್ಡೆ ಹುಡುಗರ ಕಣ್ಣು ಈ ಸಿನಿಮಾ ಮೇಲೆ ಬಿದ್ದಿದೆ. ಈ ಸಿನಿಮಾ ಡಿಜೆ ಟಿಲ್ಲು ಸಿನಿಮಾವನ್ನೂ ಹಿಂದಿಕ್ಕಲಿದೆ ಎಂಬುದು ಸಿನಿಪ್ರಿಯರ ಅಭಿಪ್ರಾಯ. ಅನುಪಮಾ ಅವರ ಲಿಪ್ಲಾಕ್, ಸೆಕ್ಸ್ ಡೈಲಾಗ್ ಹಾಗೂ ರೊಮ್ಯಾನ್ಸ್ ದೃಶ್ಯಗಳು ಈ ಚಿತ್ರದಲ್ಲಿವೆ. ಇದೇ ಮೊದಲ ಬಾರಿಗೆ ಅನುಪಮಾ ತುಂಬಾ ಬೋಲ್ಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ನಾಳೆ ಬಿಡುಗಡೆಯಾಗುತ್ತಿದ್ದು ಈ ಹಿನ್ನೆಲೆಯಲ್ಲಿ ಟಿಲ್ಲು ಸ್ಕ್ವೇರ್ ಚಿತ್ರತಂಡ ಪ್ರಚಾರದಲ್ಲಿ ಬಿಜಿಯಾಗಿದೆ.
ಪ್ರಚಾರದ ಭಾಗವಾಗಿ ಇತ್ತೀಚೆಗೆ ಮಾಧ್ಯಮ ಸಂದರ್ಶನ ಸಹ ನಡೆಯಿತು. ಈ ವೇಳೆ ಟಿವಿ ಆ್ಯಂಕರ್ ಒಬ್ಬರು ಸಿದ್ದು ಜೊನ್ನಲಗಡ್ಡ ಮತ್ತು ಅನುಪಮಾರನ್ನು ಸಂದರ್ಶಿಸಿದರು. ಟಿಲ್ಲು ಸ್ಕ್ವೇರ್ ಚಿತ್ರಕ್ಕೆ ಸಂಬಂಧಿಸಿದ ಹಲವು ಪ್ರಶ್ನೆಗಳನ್ನು ಆ್ಯಂಕರ್ ಕೇಳಿದರು. ಈ ಸಂದರ್ಭದಲ್ಲಿ ನೀವು ಸೆಟ್‌ನಲ್ಲೂ ಇದೇ ರೀತಿ ಎಂಜಾಯ್ ಮಾಡಿದ್ದೀರಾ ಎಂದು ಆ್ಯಂಕರ್ ಪ್ರಶ್ನಿಸಿದರು. ಆದರೆ, ಆ ಮಾತು ಸಿದ್ದುಗೆ ತಲುಪಿದ್ದು ಬೇರೆ ರೀತಿ. ಸಿದ್ದು ಆಶ್ಚರ್ಯದಿಂದ ಆ್ಯಂಕರ್ ಕಡೆ ನೋಡಿದರು. ಏನು ಕೇಳುತ್ತಿದ್ದೀರಾ ಎಂದು ಆ್ಯಂಕರ್ಗೆ ಮರು ಪ್ರಶ್ನೆ ಮಾಡಿದರು. ಈ ವೇಳೆ ಪಕ್ಕದಲ್ಲಿದ್ದ ಅನುಪಮಾ ಕೂಡ ಇಲ್ಲ… ಇಲ್ಲ.. ನೀವು ಅಂದುಕೊಂಡಂತೆ ಅಲ್ಲ, ಅದು ಸೆಟ್ಸ್ ಎಂದು ಹೇಳಿ ಜೋರಾಗಿ ನಕ್ಕರು. ಅಂದಹಾಗೆ ಆ್ಯಂಕರ್ ಮಾತು ಸಿದ್ದುಗೆ ಸೆಕ್ಸ್ ಎಂದು ಕೇಳಿಸಿದೆ. ಬಳಿಕ ಸಿದ್ದು ಕ್ಷಮೆ ಸಹ ಕೋರಿದರು.
Nijam cheppandi😂#AnupamaParameswaran #SiddhuJonnalagadda #DJTillu pic.twitter.com/ACww9TlOzq
— Haaph Boil (@haaphboil) March 27, 2024
ವಿಷಯವನ್ನು ಇಷ್ಟಕ್ಕೆ ನಿಲ್ಲಿಸಿದ್ದರೆ ಸಾಕಿತ್ತು. ಆದರೆ, ಆ್ಯಂಕರ್ ಮುಖ ಕೆಂಪಾಗಿ ಮತ್ತೆ ಅದನ್ನೇ ಕೇಳಿದಳು. ಸೆಟ್ಸ್ನಲ್ಲಿ ಎಂದು ಒತ್ತಿ ಹೇಳಿದರು. ಈ ವೇಳೆಯೂ ಆ್ಯಂಕರ್ ಹೇಳಿದ ಮಾತು ಕೇಳುಗರಿಗೆ ಸೆಕ್ಸ್ ಎಂದೇ ಕೇಳಿಸುತ್ತದೆ. ಮತ್ತೆ ಮತ್ತೆ ಅದೇ ಮಾತು ಕೇಳಿ ಅನುಪಮಾ ಗಹಗಹಿಸಿ ನಕ್ಕರು. ಇದೀಗ ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದ್ದು, ವಿಡಿಯೋ ನೋಡಿದವರೆಲ್ಲ ನಮಗೂ ಸೆಕ್ಸ್ ಎಂದೇ ಕೇಳಿಸಿತು ಎನ್ನುತ್ತಿದ್ದಾರೆ. ಈ ವಿಡಿಯೋ ಟ್ರೋಲ್ ಸಹ ಆಗುತ್ತಿದೆ.
ಅಂದಹಾಗೆ ಟಿಲ್ಲು ಸ್ಕ್ವೇರ್ ಸಿನಿಮಾ ಮಾರ್ಚ್ 29ರಂದು ಬಿಡುಗಡೆಯಾಗಲಿದೆ. ಈ ಸಿನಿಮಾವನ್ನು ಮಲಿಕ್ ರಾಮ್ ನಿರ್ದೇಶನ ಮಾಡಿದ್ದಾರೆ. ಅನುಪಮಾ ಅವರು ಜಯಂ ರವಿ ನಟನೆಯ ಸೈರೆನ್ ಸಿನಿಮಾದಲ್ಲಿಯೂ ನಟಿಸಿದ್ದು, ಈ ಚಿತ್ರವು ಸಹ ಬಿಡುಗಡೆಗೆ ಸಜ್ಜಾಗಿದೆ. (ಏಜೆನ್ಸೀಸ್)
ಐಪಿಎಲ್ ಹರಾಜು ವೇಳೆ ಪ್ರೀತಿ ಝಿಂಟಾ ಮಾಡಿದ ಈ ಒಂದು ಮಿಸ್ಟೇಕ್ ಪಂಜಾಬ್ ತಂಡಕ್ಕೆ ವರವಾಯ್ತು!
ರೋಹಿತ್ಗೆ ವರವಾಯ್ತು ಮುಂಬೈ ಇಂಡಿಯನ್ಸ್ ನಾಯಕತ್ವ ಬದಲಾವಣೆ! ಇದಕ್ಕಿಂತ ಸಾಕ್ಷಿ ಬೇಕಾ?