ಬೆಂಗಳೂರು: ನಿಮ್ಮಲ್ಲಿ ಅನೇಕರು ‘ಕೆಜಿಎಫ್’ ಸಿನಿಮಾ ನೋಡಿ ಫುಲ್ ಫಿದಾ ಆಗಿರುತ್ತೀರಿ. ಈಗ ಬೆಂಗಳೂರಿನ ಸಹಕಾರನಗರದಲ್ಲಿ ಕೆಜಿಎಫ್ನ ನರಾಚಿ ಮಾದರಿಯಲ್ಲೇ ಹೋಟೆಲ್ ಒಂದನ್ನು ನಿರ್ಮಿಸಲಾಗಿದೆ. ಇದರ ಹೆಸರು ಕೂಡ ಕೆಜಿಎಫ್ ಎಂದೇ! ಆದರೆ ಒಂದೇ ವ್ಯತ್ಯಾಸ. ಸಿನಿಮಾದ ಫುಲ್ ಪಾರ್ಮ್ ‘ಕೋಲಾರ ಗೋಲ್ಡ್ ಫೀಲ್ಡ್’ ಎಂದಾದರೆ ಹೋಟೆಲ್ನ ಕೆಜಿಏಫ್ ಫುಲ್ಫಾರ್ಮ್ ‘ಕನ್ನಡಿಗಾಸ್ ಗೋಲ್ಡನ್ ಫುಡ್’ ಎಂದು.
ಇಲ್ಲಿ ನರಾಚಿಯ ಮುಖ್ಯದ್ವಾರವನ್ನೇ ಹೋಲುವ ರೀತಿಯಲ್ಲಿ ಆರ್ಟ್ ವರ್ಕ್ ಮಾಡಲಾಗಿದೆ. ಒಳಾಂಗಣ ವಿನ್ಯಾಸವೂ ನರಾಚಿ ಮಾದರಿಯಲ್ಲೇ ಇದೆ. ಇಲ್ಲಿ ಸುಮಾರು 200 ಆಸನಗಳ ವ್ಯವಸ್ಥೆ ಇದ್ದು ಬೆಂಗಳೂರಿನ ಸಹಕಾರನಗರದಲ್ಲಿ ಈ ಹೊಟೇಲ್ ತಲೆ ಎತ್ತಿದೆ. ಈ ಹೋಟೆಲ್ ವಿನ್ಯಾಸಕ್ಕೆ ನೋಡುಗರಿಂದಲೂ ಮೆಚ್ಚುಗೆ ವ್ಯಕ್ತವಾಗಿದೆ. ಬೃಹತ್ ಗೋಡೆ, ಗೋಡೆಗೆ ಕಲ್ಲುಗಳ ರೀತಿಯ ಕೆತ್ತನೆ. ದೊಡ್ಡದಾದ ಮುಖ್ಯದ್ವಾರ, ಇವೆಲ್ಲವೂ ಥೇಟ್ ‘ಕೆಜಿಎಫ್’ನ ನರಾಚಿಯನ್ನೇ ಹೋಲುತ್ತಿದೆ. ಇಲ್ಲಿ ಅನೇಕ ಬಗೆಯ ರುಚಿ ಶುಚಿಯಾದ ತಿಂಡಿ ತಿನಸುಗಳೂ ಸಿಗಲಿವೆ.
ಸ್ಥಳ: ನಂ.15-16, 5ನೇ ಮುಖ್ಯರಸ್ತೆ, ಶಾಂತಿವನ, ಸಹಕಾರ ನಗರ, ಸ್ಟೆರ್ಲಿಂಗ್ ಹೈಟ್ಸ್ ಅಪಾರ್ಟ್ಮೆಂಟ್ ಪಕ್ಕ. ಬೆಂಗಳೂರು-92