ಮುಂಬೈ: ದಕ್ಷಿಣ ಭಾರತ ಚಿತ್ರಗಳಲ್ಲಿ ಯಶಸ್ವಿ ಪಡೆದ ಬಳಿಕ ಬಾಲಿವುಡ್ನತ್ತ ಮುಖ ಮಾಡಿರುವ ನಟಿ ತಾಪ್ಸಿ ಪನ್ನುಗೆ ಹೀಗೊಂದು ಕೊರಗು ಕಾಡುತ್ತಿದೆ. ಈ ಬಗ್ಗೆ ಸ್ವತಃ ನಟಿ ತಾಪ್ಸಿಪನ್ನು ಅವರೇ ಹೇಳಿಕೊಂಡಿದ್ದಾರೆ.ಮಹಿಳಾ ಕ್ರಿಕೆಟ್ ತಂಡದಲ್ಲಿ ಸಾಕಷ್ಟು ಸಾಧನೆ ಮಾಡಿರುವ ಮಿಥಾಲಿ ರಾಜ್ ಕುರಿತ ಜೀವನಾಧಾರಿತ ಚಿತ್ರದಲ್ಲಿ ನಟಿಸಿರುವ ತಾಪ್ಸಿ, ಚಿತ್ರದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ವೇಳೆ ಈ ರೀತಿ ಹೇಳಿದ್ದಾರೆ.
ಯಾರೊಬ್ಬರು ನನ್ನನ್ನು ಟಾಪ್ 3 ನಟಿಯರಲ್ಲಿ ಗುರುತಿಸೋದೇ ಇಲ್ಲ, ಹೀಗೆ ಏಕೆ ಎಂದು ನಾನೇ ಹಲವು ಬಾರಿ ಪ್ರಶ್ನಿಸಿಕೊಂಡಿದ್ದೇನೆ ಎಂದಿರುವ ತಾಪ್ಸಿ, ನಾನೂ ಕೂಡ ಹಲವು ಹಿಟ್ ಸಿನಿಮಾಗಳನ್ನು ನೀಡಿದ್ದೇನೆ. ಸಾಕಷ್ಟು ಉತ್ತಮ ಪಾತ್ರಗಳನ್ನೂ ನಿರ್ವಹಿಸಿದ್ದೇನೆ. ಆದರೂ ನಾನು ಜನರ ಮನಸ್ಸಿನಿಂದ ದೂರವಿರಬಹುದು ಎಂದು ನನಗೆ ಅನ್ನಿಸಿದೆ ಎಂದಿದ್ದಾರೆ.
ಉದ್ಯಮದಲ್ಲಿ ಟಾಪ್ 3 ನಾಯಕಿಯರು ಯಾರು ಎಂದು ನೀವು ಸಾಮಾನ್ಯರನ್ನು ಕೇಳಿದರೆ ನಾನು ಆ ಪಟ್ಟಿಯಲ್ಲಿ ಇರುವುದಿಲ್ಲ. ಅದರೆ ನಂಬರ್ ಗೇಮ್ ತಿಳಿದಿರುವವರು ನಿರ್ಧಿಷ್ಟ ನಟನ ಮೇಲೆ ಹೂಡಿಕೆ ಮಾಡಿದ ಹಣದ ಮೊತ್ತ ಮತ್ತು ಅದರ ಆದಾಯವನ್ನು ತಿಳಿದಿರುವವರು ನನ್ನ ಹೆಸರನ್ನು ತೆಗೆದುಕೊಳ್ಳುತ್ತಾರೆ ಹೊರತು ಜನರು ಮಾತ್ರ ಟಾಪ್ ನಟಿ ಎಂದು ಹೇಳುವುದೇ ಇಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)
ಮುಖ್ಯಮಂತ್ರಿಗೆ ಕಳಪೆ ಟೀ ಕೊಟ್ಟು ಸಂಕಷ್ಟಕ್ಕೆ ಸಿಲುಕಿದ ಅಧಿಕಾರಿ!