ಬೆಂಗಳೂರು: ಇನ್‌ಫೋಸಿಸ್ ಫೌಂಡೇಷನ್ ಮುಖ್ಯಸ್ಥೆ ಸುಧಾ ಮೂರ್ತಿ ಹಾಗೂ ಅವರ ತಾಯಿ ತಮ್ಮ ಮನೆಯ ನಾಯಿ ‘ಗೋಪಿ’ಯ ಹುಟ್ಟುಹಬ್ಬವನ್ನು ಆಚರಿಸಿದ ವಿಡಿಯೋ ಇದೀಗ ವೈರಲ್ ಆಗಿದೆ.
ಕೈಯಲ್ಲಿ ಆರತಿ ಹಿಡಿದು ಬೆಳಗುತ್ತ, ‘ಆರತಿ ಬೆಳಗಿರೆ ಪಾರ್ವತಿಗೆ’ ಎಂದು ಹಾಡಿದ ತಮ್ಮ ತಾಯಿಗೆ ಸುಧಾ ಮೂರ್ತಿ ಅವರು ‘ಅದು ಪಾರ್ವತಿ ಅಲ್ಲ, ಗೋಪಿ..’ ಎನ್ನುತ್ತಾರೆ. ‘ಗೋಪಣ್ಣ, ಹ್ಯಾಪಿ ಬರ್ತ್‌ಡೇ’ ಎಂದು ಹಾರೈಸುತ್ತಾರೆ. ಅದರ ಹಣೆಗೆ ಕುಂಕುಮ ಹಚ್ಚುತ್ತಾರೆ. ‘ಅಂದವಂತನಾಗು, ಚಂದವಂತನಾಗು, ಆನೆಯ ಮೇಲೆ ಇರುವ ಅರಸ ನೀನಾಗು…’ ಎಂದು ಹಾಡಿನಲ್ಲೇ ಹಾರೈಸುತ್ತಾರೆ.
ಇದನ್ನೂ ಓದಿ: ಜೀವಾವಧಿ ಶಿಕ್ಷೆಗೊಳಗಾಗಿದ್ದವ ನ್ಯಾಯಾಲಯಕ್ಕೆ ಹಾಜರುಪಡಿಸುವಾಗ ಪರಾರಿ; 3 ವರ್ಷಗಳ ಕಾಲ ಸಿಗದೇ ಇರಲು ಹೀಗೆ ಮಾಡಿದ್ದ…
ಆ ನಾಯಿ ಸ್ಥಳದಿಂದ ಕದಲತೊಡಗಿದಾಗ, ಅಲ್ಲೇ ಇದ್ದವರೊಬ್ಬರು, ‘ಗೋಪಿ, ನಿಲ್ಲಿ, ನಿಲ್ಲಿ’ ಎಂದು ಹೇಳುತ್ತಾರೆ. ನಾಯಿ ಇದಕ್ಕೆಲ್ಲ ಸ್ಪಂದಿಸುತ್ತದೆ. ಆಗ ‘ಹಾಂ, ಖುಷ್ ಹೋಗಯಾ’ ಎನ್ನುತ್ತಾರೆ ಸುಧಾ ಮೂರ್ತಿ. ಅದಲ್ಲದೆ ಮೈದಡವಿ ಮುದ್ದಿಸುತ್ತಾರೆ. ‘ಶುಭಾಶಯ… ಶುಭಾಶಯ.. ಜನುಮದಿನದ ಶುಭಾಶಯ..’ ಎಂದೂ ಹಾಡುತ್ತಾರೆ. ನಂತರ ಅದಕ್ಕೆ ಬಿಸ್ಕಿಟ್, ರೊಟ್ಟಿ ತಿನ್ನಿಸುತ್ತಾರೆ. ಇದೀಗ ಈ ವಿಡಿಯೋ ವೈರಲ್ ಆಗಿದೆ.
ಆರತಿ ಬೆಳಗಿ ತಮ್ಮ ಮನೆ ನಾಯಿಯ ಬರ್ತ್‌ಡೇ ಆಚರಿಸಿದ ಸುಧಾ ಮೂರ್ತಿ; ವಿಡಿಯೋ ವೈರಲ್..
— Vijayavani (@VVani4U) December 4, 2021
ವಿವರಗಳಿಗೆ https://t.co/YaFZZbZDD9 ನೋಡಿ…#InfosysFoundation #SudhaMurthy #DogBirthday pic.twitter.com/cysh7CvoC7
ಬೆಂಗಳೂರಿನಲ್ಲಿ ನಡೆದ ಅಂತಾರಾಷ್ಟ್ರೀಯ ವೈದ್ಯರ ಸಮ್ಮೇಳನದಲ್ಲೇ ಹರಡಿತು ಒಮಿಕ್ರಾನ್!: ಎಲ್ಲವೂ ಗುಟ್ಟುಗುಟ್ಟು.. ಮಾಡಲಾಯಿತೇ ನಿರ್ಲಕ್ಷ್ಯ?