ಕ್ರೈಸ್ಟ್ಚರ್ಚ್: ಸರಿಯಾಗಿ ಒಂದು ವರ್ಷದ ಹಿಂದೆ ನಡೆದ ಏಕದಿನ ವಿಶ್ವಕಪ್ ಫೈನಲ್ ಪಂದ್ಯದ ನೆನಪು ಈಗಲೂ ಎಲ್ಲ ಕ್ರಿಕೆಟ್ ಪ್ರೇಮಿಗಳಿಗೆ ರೋಮಾಂಚನ ತರುತ್ತದೆ. ಅಷ್ಟೊಂದು ರೋಚಕ ಪಂದ್ಯವನ್ನು ಕ್ರಿಕೆಟ್ ಇತಿಹಾಸ ಹಿಂದೆಂದೂ ಕಂಡಿರಲಿಲ್ಲ. ಕ್ರಿಕೆಟ್ ಪ್ರೇಮಿಗಳಿಗೇ ಅಷ್ಟೊಂದು ಟೆನ್ಶನ್ ತಂದಿದ್ದ ಪಂದ್ಯ ಇನ್ನು ಆಟಗಾರರಿಗೆ ಎಷ್ಟೊಂದು ಒತ್ತಡ ತಂದಿರಲಿಕ್ಕಿಲ್ಲ. ಅದರಲ್ಲೂ ಪಂದ್ಯದ ಹೀರೋ ಬೆನ್ ಸ್ಟೋಕ್ಸ್ ಅವರು ಅಪಾರ ಟೆನ್ಶನ್ ಎದುರಿಸಿದ್ದರು. ಇದನ್ನು ನಿಭಾಯಿಸಿಕೊಳ್ಳಲು ಅವರು ಪಂದ್ಯದ ಸೂಪರ್ ಓವರ್ಗೆ ಮುನ್ನ ಸಿಗರೇಟು ಸೇದಿ ನಿರಾಳರಾಗಿದ್ದರಂತೆ! ಈ ಬಗ್ಗೆ ಪುಸ್ತಕವೊಂದರಲ್ಲಿ ಈಗ ಬಹಿರಂಗಪಡಿಸಲಾಗಿದೆ.
ಇಂಗ್ಲೆಂಡ್ ತಂಡದ ಏಕದಿನ ವಿಶ್ವಕಪ್ ಗೆಲುವಿನ ಮೊದಲ ವಾಷಿರ್ಕೋತ್ಸವದ ವೇಳೆ ‘ಮಾರ್ಗನ್ಸ್ ಮೆನ್: ದಿ ಇನ್ಸೈಡ್ ಸ್ಟೋರಿ ಆ್ ಇಂಗ್ಲೆಂಡ್ಸ್ ರೈಸ್ ಫ್ರಂ ಕ್ರಿಕೆಟ್ ವರ್ಲ್ಡ್ಕಪ್ ಹುಮಿಲಿಯೇಷನ್ ಟು ಗ್ಲೋರಿ’ ಎಂಬ ಪುಸ್ತಕದಲ್ಲಿ ಆಲ್ರೌಂಡರ್ ಬೆನ್ ಸ್ಟೋಕ್ಸ್ ಲಾರ್ಡ್ಸ್ನಲ್ಲಿ ಆ ದಿನ ಯಾವ ರೀತಿ ಪಂದ್ಯದ ನಿರ್ಣಾಯಕ ಘಟ್ಟದಲ್ಲಿ ಒತ್ತಡವನ್ನು ನಿಭಾಯಿಸಿಕೊಂಡರು ಎಂದು ವಿವರಿಸಲಾಗಿದೆ.
ಇದನ್ನೂ ಓದಿ: ವೆಸ್ಟ್ ಇಂಡೀಸ್ ಗೆಲುವಿಗೆ ಕ್ರಿಕೆಟ್ ಜಗತ್ತಿನ ಪ್ರಶಂಸೆ
ಲಾರ್ಡ್ಸ್ ಮೈದಾನ 27 ಸಾವಿರ ಬೆಂಬಲಿಗರಿಂದ ತುಂಬಿ ತುಳುಕುತ್ತಿತ್ತು ಮತ್ತು ಟಿವಿ ಕ್ಯಾಮರಾಗಳೆಲ್ಲ ಆಟಗಾರರ ಕಡೆಗೇ ದಿಟ್ಟಿಸಿ ನಿಂತಿದ್ದವು. ಎಲ್ಲರೂ ಆಗ ಭಾರಿ ಒತ್ತಡದಲ್ಲಿದ್ದರು. ಆದರೆ ಬೆನ್ ಸ್ಟೋಕ್ಸ್ ಲಾರ್ಡ್ಸ್ನಲ್ಲಿ ಈ ಹಿಂದೆ ಹಲವು ಬಾರಿ ಆಡಿದ ಅನುಭವ ಹೊಂದಿದ್ದರು. ಅವರು ಮೈದಾನದ ಬಗ್ಗೆ ವಿವರವಾಗಿ ತಿಳಿದಿತ್ತು. ಇಂಗ್ಲೆಂಡ್ ತಂಡದ ಡ್ರೆಸ್ಸಿಂಗ್ ರೂಂನಲ್ಲಿ ನಾಯಕ ಇವೊಯಿನ್ ಮಾರ್ಗನ್ ಎಲ್ಲರ ಟೆನ್ಶನ್ ಮತ್ತು ಒತ್ತಡವನ್ನು ಕಡಿಮೆಗೊಳಿಸಲು ಪ್ರಯತ್ನಿಸುತ್ತಿದ್ದರು. ಜತೆಗೆ ಕಾರ್ಯತಂತ್ರವನ್ನು ಹಣೆಯುತ್ತಿದ್ದರು. ಆಗ ಬೆನ್ ಸ್ಟೋಕ್ಸ್ ಸ್ವಲ್ಪ ಶಾಂತಿಯ ಸಮಯ ಬೇಕಾಗಿತ್ತು. ಅವರ ಮೈಯೆಲ್ಲ ಮಣ್ಣಾಗಿತ್ತು ಮತ್ತು ಬೆವರಿದ್ದರು. ಅವರು 2 ಗಂಟೆ ಮತ್ತು 27 ನಿಮಿಷಗಳ ಕಾಲ ಭಾರಿ ಟೆನ್ಶನ್ನ ನಡುವೆ ಬ್ಯಾಟಿಂಗ್ ಮಾಡಿದ್ದರು. ಹೀಗಾಗಿ ಅವರು ಇಂಗ್ಲೆಂಡ್ ತಂಡದ ಡ್ರೆಸ್ಸಿಂಗ್ ರೂಂನ ಹಿಂಬದಿಗೆ ಒಬ್ಬಂಟಿಯಾಗಿ ತೆರಳಿದರು ಮತ್ತು ಅಲ್ಲಿ ಸಿಗರೇಟ್ ಒಂದನ್ನು ಹಚ್ಚಿಕೊಂಡರು. ಕೆಲ ನಿಮಿಷಗಳ ಕಾಲ ಸಿಗರೇಟು ಸೇದಿ ತಮ್ಮದೇ ಸಮಯವನ್ನು ಕಳೆದು ಟೆನ್ಶನ್ ನಿವಾರಿಸಿಕೊಂಡರು ಎಂದು ಪುಸ್ತಕದಲ್ಲಿ ಲೇಖಕರಾದ ನಿಕ್ ಹೌಲ್ಟ್ ಮತ್ತು ಸ್ಟೀವ್ ಜೇಮ್ಸ್ ಬರೆದಿದ್ದಾರೆ.
29 ವರ್ಷದ ಬೆನ್ ಸ್ಟೋಕ್ಸ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಗೆಲುವಿನ ಹಾದಿಗೆ ಮರಳಿ ಬರುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ನ್ಯೂಜಿಲೆಂಡ್ನ 242 ರನ್ಗಳ ಸವಾಲನ್ನು ಬೆನ್ನಟ್ಟುವ ವೇಳೆ ಇಂಗ್ಲೆಂಡ್ 86 ರನ್ಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದಾಗ ಆಸರೆಯಾಗಿದ್ದರು. ಅಜೇಯ 84 ರನ್ ಬಾರಿಸಿದ್ದ ಸ್ಟೋಕ್ಸ್ ಅಂತಿಮ ಓವರ್ನಲ್ಲಿ ಇಂಗ್ಲೆಂಡ್ ತಂಡ ಟೈ ಸಾಧಿಸಲು ನೆರವಾಗಿದ್ದರು. ಬಳಿಕ ಸೂಪರ್ ಓವರ್ನಲ್ಲೂ ಬ್ಯಾಟಿಂಗ್ಗೆ ಇಳಿದು 3 ಎಸೆತಗಳಲ್ಲಿ ಉಪಯುಕ್ತ 8 ರನ್ ಗಳಿಸಿದ್ದರು. ಅರ್ಹವಾಗಿ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಒಲಿದಿತ್ತು.
ಸೂಪರ್ ಟೈಗೆ ವರ್ಷದ ಹರ್ಷ! ಇಂಗ್ಲೆಂಡ್ಗೆ ಚೊಚ್ಚಲ ವಿಶ್ವಕಪ್, ಸೋತರೂ ಹೃದಯ ಗೆದ್ದ ನ್ಯೂಜಿಲೆಂಡ್