ನವದಹೆಲಿ: ಹೃದಯಾಘಾತ, ಕ್ಯಾನ್ಸರ್ ಮುಂತಾದ ಗಂಭೀರ ರೋಗಗಳಿಗೆ ಸಂಬಂಧಿಸಿದಂತೆ ಮಾತನಾಡುವಾಗ ಧೂಮಪಾನಿಗಳಿಗೆ ಒಂದು ವಿಶೇಷವಾದ ಎಚ್ಚರಿಕೆಯನ್ನೇ ನೀಡಲಾಗುತ್ತದೆ, ನೀವು ಧೂಮಪಾನ ಮಾಡುವವರಾಗಿದ್ದರೆ ಈ ಕಾಯಿಲೆಗೆ ತುತ್ತಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ ಎಂಬ ಕಿವಿಮಾತನ್ನು ವೈದ್ಯರು ಅಂಥವರಿಗೆ ಹೇಳುವುದು ಸಾಮಾನ್ಯ.
ಆದರೆ ಎಲ್ಲ ವಿಷಯ-ಲೆಕ್ಕಾಚಾರಗಳನ್ನು ತಲೆಕೆಳಗೆ ಮಾಡಿದಂತೆ ಕೋವಿಡ್ ಧೂಮಪಾನಿಗಳ ವಿಚಾರಲ್ಲೂ ಉಲ್ಟಾ ಎಂಬಂತಾಗಿದೆ. ಅರ್ಥಾತ್, ಧೂಮಪಾನಿಗಳು ಕೋವಿಡ್ ಸೋಂಕಿಗೆ ಒಳಗಾಗುವ ಸಾಧ್ಯತೆ ಕಡಿಮೆ ಎಂಬುದು ಸಮೀಕ್ಷೆಯೊಂದರಿಂದ ಕಂಡುಬಂದಿದೆ. ಭಾರತ ಸರ್ಕಾರದ ಕೌನ್ಸಿಲ್ ಆಫ್ ಸೈಂಟಿಫಿಕ್ ಇಂಡಸ್ಟ್ರಿಯಲ್ ರಿಸರ್ಚ್ (ಸಿಎಸ್ಐಆರ್) ಈ ಸಮೀಕ್ಷೆಯನ್ನು ನಡೆಸಿದೆ.
ಧೂಮಪಾನಿಗಳಿಗೆ ಕೋವಿಡ್ ಸೋಂಕು ತಗುಲುವುದು ವಿರಳ ಎಂಬುದು ಈ ಸಮೀಕ್ಷೆ ಪ್ರಕಾರ ತಿಳಿದುಬಂದಿದೆ. ಧೂಮಪಾನದಿಂದಾಗಿ ಅಂಥವರಲ್ಲಿ ಲೋಳೆಯ ಪದರ ಉತ್ಪಾದನೆ ಆಗಿರುವುದರಿಂದ ಅದು ರಕ್ಷಣಾತ್ಮಕ ಕವಚವಾಗಿ ವರ್ತಿಸುತ್ತದೆ ಎಂದು ಸಮೀಕ್ಷೆ ಹೇಳಿದೆ. ಅದೇ ರೀತಿ ಸಸ್ಯಾಹಾರಿಗಳಲ್ಲೂ ಕೋವಿಡ್ ಸೋಂಕು ತಗುಲುವಿಕೆ ವಿರಳ ಎಂದೂ ಈ ಸಮೀಕ್ಷೆ ಹೇಳಿದೆ. ಸಸ್ಯಾಹಾರಗಳಲ್ಲಿನ ಅಧಿಕ ನಾರಿನಂಶ ಕೋವಿಡ್ ತಡೆಗೆ ಪೂರಕವಾಗಿ ವರ್ತಿಸುತ್ತದೆ ಎಂದು ಸರ್ವೆಯಲ್ಲಿ ಕಂಡುಬಂದಿದೆ.
ಇದನ್ನೂ ಓದಿ: ಈ ವಾಂತಿಗೂ ಕೋಟ್ಯಂತರ ರೂಪಾಯಿ ಬೆಲೆ!; ಮುರ್ಡೇಶ್ವರದಲ್ಲಿ ಸಿಕ್ಕಿತು ಅಂಬರ್ ಗ್ರೀಸ್
ದೇಶಾದ್ಯಂತ ಈ ಸರ್ವೆ ನಡೆದಿದ್ದು, ಇದರಲ್ಲಿ 140 ವೈದ್ಯರು ಹಾಗೂ ರಿಸರ್ಚ್ ಸೈಂಟಿಸ್ಟ್ಸ್ ಅಧ್ಯಯನ ನಡೆಸಿದ್ದಾರೆ. ನಗರ-ಪಟ್ಟಣ ಪ್ರದೇಶಗಳ 10,472 ಮಂದಿಯನ್ನು 40ಕ್ಕೂ ಅಧಿಕ ಸಿಎಸ್ಐಆರ್ ಪ್ರಯೋಗಾಲಯಗಳಲ್ಲಿ ಈ ಅಧ್ಯಯನಕ್ಕೆ ಒಳಪಡಿಸಲಾಗಿದೆ. ಅಲ್ಲದೆ ಇವರೆಲ್ಲ ಸ್ವಯಂಪ್ರೇರಿತರಾಗಿ ಈ ಅಧ್ಯಯನಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಸಿಎಸ್ಐಆರ್ ತಿಳಿಸಿದೆ.
ಫ್ರಾನ್ಸ್, ಇಟಲಿ, ನ್ಯೂಯಾರ್ಕ್ ಹಾಗೂ ಚೀನಾಗಳಲ್ಲಿ ಈಗಾಗಲೇ ನಡೆದಿದ್ದ ಎರಡು ಅಧ್ಯಯನದಲ್ಲೂ ಧೂಮಪಾನಿಗಳಲ್ಲಿ ಕೋವಿಡ್ ಸೋಂಕು ತಗುಲುವುದು ಕಡಿಮೆ ಎಂಬುದು ಕಂಡುಬಂದಿದೆ. ಮತ್ತೊಂದೆಡೆ ಅಮೆರಿಕದ ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಆ್ಯಂಡ್ ಪ್ರಿವೆನ್ಷನ್ (ಸಿಡಿಸಿ) ನಡೆಸಿದ ಅಧ್ಯಯನದಲ್ಲಿ ಕೋವಿಡ್ ಸೋಂಕಿತ 7 ಸಾವಿರಕ್ಕೂ ಅಧಿಕ ಮಂದಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಅದರಲ್ಲಿ ಕೇವಲ ಶೇ. 1.3 ಮಂದಿ ಮಾತ್ರ ಧೂಮಪಾನಿಗಳಿದ್ದರು.
ಇದನ್ನೂ ಓದಿ: ಉಸಿರುಗಟ್ಟಿ ನರಳಾಡಿದ ಕೋವಿಡ್ ಸೋಂಕಿತ; ಮಾಧ್ಯಮದವರಿಗೆ ತಿಳಿಸುತ್ತೇವೆ ಎಂದ ಮೇಲೆ ಆಸ್ಪತ್ರೆಗೆ ದಾಖಲಿಸಿಕೊಂಡ ಸಿಬ್ಬಂದಿ
ಯುನಿವರ್ಸಿಟಿ ಆಫ್ ಕಾಲೇಜ್ ಲಂಡನ್ (ಯುಸಿಎಲ್) ಯುಕೆ, ಚೀನಾ, ಯುಎಸ್, ಫ್ರಾನ್ಸ್ಗಳಲ್ಲಿನ 28 ಅಧ್ಯಯನಗಳನ್ನು ಪರಿಶೀಲಿಸಿದ. ಆಸ್ಪತ್ರೆಗಳಲ್ಲಿ ದಾಖಲಾಗಿರುವ ಸೋಂಕಿತರ ಪೈಕಿ ಧೂಮಪಾನಿಗಳು ನಿರೀಕ್ಷಿಸಿದಕ್ಕಿಂತಲೂ ಕಡಿಮೆ ಇದ್ದರು ಎಂಬುದು ಈ ಪರಿಶೀಲನೆಯಲ್ಲಿ ಕಂಡುಬಂದಿದೆ. ಇನ್ನು ಯುಕೆಯಲ್ಲಿನ ಕೋವಿಡ್ ಸೋಂಕಿತರ ಪೈಕಿ ಧೂಮಪಾನಿಗಳು ಶೇ. 5 ಮಾತ್ರ ಎಂಬುದು ಇನ್ನೊಂದು ಅಧ್ಯಯನದಲ್ಲಿ ತಿಳಿದುಬಂದಿದೆ. ಇದೇ ಪ್ರಮಾಣ ಫ್ರಾನ್ಸ್ನಲ್ಲಿ ಶೇ. 7.1, ಚೀನಾದಲ್ಲಿ ಶೇ. 3.8 ಇದೆ.
ಜಿನ್-ಜಿನ್ ಝಾಂಗ್ ನಡೆಸಿದ ಇನ್ನೊಂದು ಅಧ್ಯಯನದಲ್ಲಿ ಕೋವಿಡ್ ಸೋಂಕಿತರ ಪೈಕಿ ಶೇ. 9 ಮಂದಿ ಧೂಮಪಾನಿಗಳಿದ್ದು, ಅದರಲ್ಲೂ 7 ಮಂದಿ ಧೂಮಪಾನ ತ್ಯಜಿಸಿದವರಾಗಿದ್ದರು. ಹೀಗೆ ಧೂಮಪಾನಿಗಳಲ್ಲಿ ಕೋವಿಡ್ ಸೋಂಕಿನ ಸಾಧ್ಯತೆ ಕಡಿಮೆ ಎಂಬುದು ತಿಳಿದು ಬಂದಿದ್ದು, ಇದನ್ನು ಫ್ರೆಂಚ್ ಪಬ್ಲಿಕ್ ಹೆಲ್ತ್ ಡಾಟಾ ಕೂಡ ದೃಢಪಡಿಸಿದೆ.
ಇದನ್ನೂ ಓದಿ: ಮದುವೆ ದಿನವೇ ದಂಡ ಕಟ್ಟಿದ ವಧು!; ಮಾಸ್ಕ್ ಧರಿಸದ್ದಕ್ಕೆ ಫೈನ್ ಹಾಕಿದ ತಹಸೀಲ್ದಾರ್
ಲಿಂಬೆರಸ, ಕೊಬ್ಬರಿ ಎಣ್ಣೆ, ಸ್ಟೀಮ್, ಬಿಸಿ ನೀರು: ಕರೊನಾಗೆ ಮನೆಮದ್ದು- ಡಾ. ವಿಜಯ ಸಂಕೇಶ್ವರ ಸಲಹೆ
ಉಸಿರಾಟದ ಸಮಸ್ಯೆಯೇ..? ತುರ್ತು ಪರಿಹಾರಕ್ಕೆ ಇಲ್ಲಿದೆ ಸುಲಭದ ಮನೆಮದ್ದು..