ಮೀರತ್ : ‘ಶೂಟರ್ ದಾದಿ’ ಎಂದೇ ಪ್ರಖ್ಯಾತರಾಗಿದ್ದ ಹಿರಿಯ ಶೂಟಿಂಗ್ ಕ್ರೀಡಾಪಟು ಚಂದ್ರೋ ತೋಮರ್ ಅವರು ಕರೊನಾದಿಂದಾಗಿ ಇಂದು ಸಾವಪ್ಪಿದ್ದಾರೆ. 89 ವರ್ಷ ವಯಸ್ಸಿನ ತೋಮರ್ ಅವರಿಗೆ ಉಸಿರಾಟದಲ್ಲಿ ತೊಂದರೆ ಕಾಣಿಸಿಕೊಂಡ ನಂತರ ಮೀರತ್ನ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
ಉತ್ತರ ಪ್ರದೇಶದ ಬಘ್ಪತ್ ಗ್ರಾಮದ ನಿವಾಸಿಯಾಗಿದ್ದ ತೋಮರ್ ಅವರು, ಮೊದಲ ಬಾರಿ ಬಂದೂಕು ಹಿಡಿದಾಗ 60 ರ ಹರೆಯ ದಾಟಿತ್ತು. ಆದರೆ ಹಿರಿಯರಿಗೆ ನಡೆಯುವ ಹಲವಾರು ರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಅವರು ಚಾಂಪಿಯನ್ ಆಗಿ ಹೊರಹೊಮ್ಮಿದ್ದರು. ಅವರ ಸಾಧನೆಗಳು ಜನರನ್ನು ಬಹಳವಾಗಿ ಪ್ರಭಾವಿತಗೊಳಿಸಿದ್ದು, ಅವರ ಮೇಲೆ ‘ಸಾಂಡ್ ಕಿ ಆಂಖ್’ ಎಂಬ ಪ್ರೇರಣಾದಾಯಕ ಬಾಲಿವುಡ್ ಚಿತ್ರ ತೆಗೆಯಲಾಗಿದೆ.
ಇದನ್ನೂ ಓದಿ: ನಾಳೆ ಲಸಿಕಾ ಕೇಂದ್ರಗಳ ಮುಂದೆ ಸಾಲುಗಟ್ಟಿ ನಿಲ್ಲಬೇಡಿ : ಸಿಎಂ
“ಚಂದ್ರೋ ನನ್ನನ್ನು ಬಿಟ್ಟು ಎಲ್ಲಿಗೆ ಹೊರಟುಹೋದೆ ?” ಎಂದು ಅತ್ಯಂತ ಹಿರಿಯ ಮಹಿಳಾ ಶಾರ್ಪ್ ಶೂಟರ್ಗಳಲ್ಲಿ ಒಬ್ಬರಾದ ಅವರ ಸೋದರಿ ಪ್ರಕಾಶಿ ತೋಮರ್ ತಮ್ಮ ಟ್ವಿಟರ್ ಪೇಜ್ನಲ್ಲಿ ಬರೆದಿದ್ದಾರೆ. ರಾಜಕೀಯ, ಕ್ರೀಡೆ ಮತ್ತು ಸಿನಿಮಾ ಕ್ಷೇತ್ರಗಳ ಹಲವಾರು ಗಣ್ಯರು ಸಂತಾಪ ಸೂಚಿಸಿದ್ದಾರೆ.
“ಲೈಂಗಿಕ ಸಮಾನತೆಯ ಪ್ರತೀಕ ಮತ್ತು ಮಹಿಳಾ ಹಕ್ಕುಗಳ ಚಾಂಪಿಯನ್ ಆಗಿದ್ದ ಚಂದ್ರೋ ತೋಮರ್ ಅವರು ಇನ್ನಿಲ್ಲ. ಪುರುಷ ಪ್ರಧಾನ ವ್ಯವಸ್ಥೆಗೆ ಸವಾಲೊಡ್ಡಿ ಶೂಟಿಂಗ್ಅನ್ನು ಕ್ರೀಡೆಯಾಗಿ ಆಯ್ಕೆ ಮಾಡಿದ್ದ ಅವರ ಸಾಹಸವು ಬರುವ ಎಷ್ಟೋ ಪೀಳಿಗೆಗಳಿಗೆ ಪ್ರೇರಣೆಯಾಗಿದೆ” ಎಂದು ಕೇಂದ್ರ ಸಚಿವ ಹರ್ದೀಪ್ ಸಿಂಗ್ ಪುರಿ ಟ್ವೀಟ್ ಮಾಡಿದ್ದಾರೆ. (ಏಜೆನ್ಸೀಸ್)
“ದೆಹಲಿಯಲ್ಲಿ ರಾಷ್ಟ್ರಪತಿ ಆಡಳಿತ ಜಾರಿಗೊಳಿಸಿ, ಇಲ್ಲದಿದ್ದರೆ ರಸ್ತೆಯಲ್ಲಿ ಹೆಣಗಳು ಬೀಳುತ್ತವೆ”
ಜಿಲ್ಲಾಸ್ಪತ್ರೆಯಲ್ಲಿ ರೋಗಿ ಕುಳಿತುಕೊಳ್ಳಲೂ ಅವಕಾಶವಿಲ್ಲ ! ಫುಟ್ಪಾತ್ ಮೇಲೆ ಮಲಗಿದ ಮಹಿಳೆ !