ದಿಗ್ಗಜ ಹೂಡಿಕೆದಾರ ಕೇಡಿಯಾ ಬೆಂಬಲಿತ ಷೇರು ಬೆಲೆ ಗಗನಕ್ಕೆ: ಈಗಿನ ತೀವ್ರ ಏರಿಕೆಗೆ ಹೀಗಿವೆ 3 ಕಾರಣಗಳು

ಮುಂಬೈ: ಎಲೆಕಾನ್ ಇಂಜಿನಿಯರಿಂಗ್ ಲಿಮಿಟೆಡ್​ (Elecon Engineering Ltd) ಷೇರಿನ ಬೆಲೆ ಶುಕ್ರವಾರ ಸಾರ್ವಕಾಲಿಕ ಗರಿಷ್ಠ ಮಟ್ಟ ತಲುಪಿದೆ. ಶುಕ್ರವಾರದ ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರು ಬೆಲೆ 12.80 ರಷ್ಟು ಜಿಗಿದು 1,197.55 ರೂ. ತಲುಪಿತು. ಈ ಷೇರುಗಳು ಶುಕ್ರವಾರ ಭಾರೀ ಪ್ರಮಾಣದಲ್ಲಿ ವಹಿವಾಟು ನಡೆಸಿದವು.

ಶುಕ್ರವಾರದ ಈ ಕಂಪನಿಯ ಅಂದಾಜು 2.08 ಲಕ್ಷ ಷೇರುಗಳು ಕೈ ಬದಲಾದ ಕಾರಣ ಸ್ಟಾಕ್ ಭಾರೀ ವಹಿವಾಟು ಪ್ರಮಾಣವನ್ನು ಕಂಡಿತು.

ಮಾರ್ಚ್ 2024 ರ ಹೊತ್ತಿಗೆ, ದಿಗ್ಗಜ ಹೂಡಿಕೆದಾರ ವಿಜಯ್ ಕಿಶನ್‌ಲಾಲ್ ಕೆಡಿಯಾ ಅವರು ಈ ಸ್ಮಾಲ್​-ಕ್ಯಾಪ್ ಕಂಪನಿಯಲ್ಲಿ ಶೇಕಡಾ 1.34 ಪಾಲನ್ನು ಹೊಂದಿದ್ದಾರೆ. BSE ಮತ್ತು NSE ಗಳು ಎಲೆಕಾನ್ ಇಂಜಿನಿಯರಿಂಗ್‌ನ ಭದ್ರತೆಗಳನ್ನು ದೀರ್ಘಾವಧಿಯ ASM (ಹೆಚ್ಚುವರಿ ಕಣ್ಗಾವಲು ಅಳತೆ) ಚೌಕಟ್ಟಿನ ಅಡಿಯಲ್ಲಿ ಇರಿಸಿವೆ. ಷೇರುಗಳ ಬೆಲೆಗಳಲ್ಲಿ ಹೆಚ್ಚಿನ ಚಂಚಲತೆಯ ಬಗ್ಗೆ ಹೂಡಿಕೆದಾರರಿಗೆ ಎಚ್ಚರಿಕೆ ನೀಡಲು ವಿನಿಮಯ ಕೇಂದ್ರಗಳು ಸ್ಟಾಕ್‌ಗಳನ್ನು ಅಲ್ಪಾವಧಿಯ ಅಥವಾ ದೀರ್ಘಾವಧಿಯ ASM ಚೌಕಟ್ಟುಗಳಲ್ಲಿ ಇರಿಸುತ್ತವೆ.

ಇಂದಿನ ಜಿಗಿತದ ಹಿಂದಿನ ಪ್ರಮುಖ ಕಾರಣಗಳು ಹೀಗಿವೆ...

1) ತ್ರೈಮಾಸಿಕ ಗಳಿಕೆಗಳು:

ನಾಲ್ಕನೇ ತ್ರೈಮಾಸಿಕದಲ್ಲಿ (Q4 FY24) ಎಲೆಕಾನ್‌ನ ಏಕೀಕೃತ ನಿವ್ವಳ ಲಾಭವು ರೂ 103.65 ಕೋಟಿಗೆ ಏರಿದೆ, ಕಳೆದ ವರ್ಷದ ಇದೇ ಅವಧಿಯಲ್ಲಿ ರೂ 67.94 ಕೋಟಿ ಲಾಭ ಬಂದಿತ್ತು. ಇದಕ್ಕೆ ಹೋಲಿಸಿದರೆ ಈಗ ಶೇ. 52.56 ರಷ್ಟು ಹೆಚ್ಚಾಗಿದೆ. ಕಾರ್ಯಾಚರಣೆಯಿಂದ ಕಂಪನಿಯ ಆದಾಯವು Q4 FY23 ರಲ್ಲಿ 424.54 ಕೋಟಿಗಳಿಂದ Q4 FY24 ರಲ್ಲಿ 564.62 ಕೋಟಿ ತಲುಪಿ, ಶೇಕಡಾ 33ರಷ್ಟು ಏರಿಕೆಯಾಗಿದೆ.

ಎಲೆಕಾನ್‌ನ ಚೇರ್ಮನ್ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್ ಪ್ರಯಸ್ವಿನ್ ಬಿ ಪಟೇಲ್, "ಎಲೆಕಾನ್ ತನ್ನ ಅತ್ಯಧಿಕ ಆದಾಯದ ರೂ 1,937 ಕೋಟಿಗಳನ್ನು ತಲುಪಿದೆ ಎಂದು ಹೇಳಲು ನಾವು ಸಂತೋಷಪಡುತ್ತೇವೆ, ಇದು ವರ್ಷಕ್ಕೆ 27 ಪ್ರತಿಶತ ಮತ್ತು ಗರಿಷ್ಠ ಪಿಎಟಿ (ತೆರಿಗೆ ನಂತರದ ಲಾಭ) 356 ಕೋಟಿ ರೂ. ಆಗಿದೆ. FY24 ಗಾಗಿ 50 ಪ್ರತಿಶತ ವಾರ್ಷಿಕ ಬೆಳವಣಿಗೆಯನ್ನು ಸೂಚಿಸುತ್ತದಎ, ಇದು ನಾವೀನ್ಯತೆ ಮತ್ತು ಗ್ರಾಹಕರ ಅಗತ್ಯಗಳಿಗೆ ನಮ್ಮ ಬದ್ಧತೆಗೆ ಸಾಕ್ಷಿಯಾಗಿದೆ" ಎಂದು ಹೇಳಿದ್ದಾರೆ.

2) ಲಾಭಾಂಶ:

ಕಂಪನಿಯು ಷೇರುದಾರರ ಅನುಮೋದನೆಗೆ ಒಳಪಟ್ಟು ಪ್ರತಿ ಈಕ್ವಿಟಿ ಷೇರಿಗೆ 2 ರೂಪಾಯಿಗಳ ಅಂತಿಮ ಲಾಭಾಂಶವನ್ನು ಪ್ರಸ್ತಾಪಿಸಿದೆ.

3) ಸ್ಟಾಕ್ ವಿಭಜನೆ:

ಎಲೆಕಾನ್ 2 ರೂಪಾಯಿಯ ಮುಖಬೆಲೆಯ ಷೇರನ್ನು 1 ರೂಪಾಯಿಯ ಮುಖಬೆಲೆಗೆ ವಿಭಜಿಸಲು ಪ್ರಸ್ತಾಪಿಸಿದೆ.

https://www.vijayavani.net/share-price-rises-from-rs-182-to-rs-2386-in-one-year-solar-stock-hits-record-high

https://www.vijayavani.net/wind-turbine-generator-leases-re-owned-investors-end-up-buying-pawan-shakti-company-shares

https://www.vijayavani.net/after-4-days-of-bearish-trance-bulls-snarl-sensex-rise-599-points-3