ಮುಂಬೈ: ಸಲ್ಮಾನ್ ಆಗಾಗ ಒಂದಲ್ಲ ಒಂದು ಬಾಂಬ್ ಸಿಡಿಸುತ್ತಲೇ ಇರುತ್ತಾರೆ. ಇತ್ತೀಚೆಗಷ್ಟೇ, ಸ್ವಯಂಘೋಷಿತ ನಂಬರ್ ಒನ್ ಚಿತ್ರ ವಿಮರ್ಶಕ ಕಮಾಲ್ ಆರ್ ಖಾನ್ ಅಲಿಯಾಸ್ ಕೆಆರ್ಕೆ ಮೇಲೆ ಮಾನನಷ್ಟ ಮೊಕದ್ದಮೆ ಹಾಕಿದ್ದರು. ಈಗ ಅವರು, ತಮ್ಮ ದೊಡ್ಡತನದಿಂದ ಸ್ಟಾರ್ ನಟರೊಬ್ಬರಿಗೆ ಹಿಟ್ ಸಿಕ್ಕಿದ್ದು ಎಂದು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಬಿಬಿಕೆ 2ನೇ ಇನ್ನಿಂಗ್ಸ್ನಲ್ಲಿ ಈ ಸ್ಪರ್ಧಿಯದ್ದೇ ಹವಾ ಎಂದ ನೆಟ್ಟಿಗರು: ಟ್ರೋಫಿ ಗೆಲುವುದು ಖಚಿತವಂತೆ!
ಅಂದಹಾಗೆ, ಸಲ್ಮಾನ್ ಖಾನ್ ಹೀಗೆ ಹೇಳಿದ್ದು ಬಾಲಿವುಡ್ ನಟ ಜಾನ್ ಅಬ್ರಹಾಂ ಬಗ್ಗೆ. ಜಾನ್ ಅಬ್ರಹಾಂ ವೃತ್ತಿಜೀವನಕ್ಕೆ ದೊಡ್ಡ ಹಿಟ್ ಕೊಟ್ಟ ಚಿತ್ರವೆಂದರೆ ಅದು ‘ನ್ಯೂಯಾರ್ಕ್’. ಆ ಚಿತ್ರ ಸಾಧ್ಯವಾಗುವುದಕ್ಕೆ ಸಲ್ಮಾನ್ ಮತ್ತು ಕತ್ರೀನಾ ಸಹ ಕಾರಣವಂತೆ. ಅದು ಹೇಗೆ ಎಂದು ಅವರೇ ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ‘ಜಾನ್ ಅಬ್ರಹಾಂ ಮತ್ತು ಕತ್ರೀನಾ ಇಬ್ಬರೂ ‘ಸಾಯ’ ಎಂಬ ಚಿತ್ರ ಮಾಡಬೇಕಿತ್ತು. ಆದರೆ, ಆ ಚಿತ್ರದಿಂದ ಕತ್ರೀನಾ ಅವರನ್ನು ಕಿತ್ತುಹಾಕಿಸಿ, ತಾರಾ ಶರ್ಮಗೆ ಜಾನ್ ಅವಕಾಶ ಕೊಡಿಸಿದ್ದರು. ಈ ಬಗ್ಗೆ ಕತ್ರೀನಾ ನನ್ನ ಹತ್ತಿರ ಹೇಳಿಕೊಂಡು, ಬೇಸರ ಮಾಡಿಕೊಂಡಿದ್ದರು. ತಲೆ ಕೆಡಿಸಿಕೊಳ್ಳಬೇಡ, ಮುಂದೊಂದು ದಿನ ಪರಿಸ್ಥಿತಿ ಖಂಡಿತಾ ಎಲ್ಲವೂ ಸರಿ ಹೋಗುತ್ತದೆ ಎಂದು ಆಕೆಗೆ ಧೈರ್ಯ ಹೇಳಿದ್ದೆ’ ಎಂದಿದ್ದಾರೆ ಸಲ್ಮಾನ್.
ಆ ನಂತರ ಕತ್ರೀನಾ ಮತ್ತು ಜಾನ್ ಮತ್ತೊಮ್ಮೆ ಇನ್ನೊಂದು ಚಿತ್ರದಲ್ಲಿ ನಟಿಸುವ ಅವಕಾಶ ಸಿಕ್ಕಿತಂತೆ. ಅದೇ ‘ನ್ಯೂಯಾರ್ಕ್’. ಹಿಂದೊಮ್ಮೆ ತಮ್ಮನ್ನು ಚಿತ್ರದಿಂದ ಗೇಟ್ಪಾಸ್ ಕೊಡಿಸಿದ್ದಕ್ಕೆ ಜಾನ್ ಜತೆಗೆ ನಟಿಸುವುದಕ್ಕೆ ಕತ್ರೀನಾ ಹಿಂದೇಟು ಹಾಕಿದರಂತೆ. ಈ ಸಂದರ್ಭದಲ್ಲಿ ಅವರಿಗೆ ಹಾಗೆ ಮಾಡಬಾರದು ಎಂದು ಹೇಳಿ ಚಿತ್ರದಲ್ಲಿ ನಟಿಸಿವುದಕ್ಕೆ ಮನವೊಲಿಸಿದರಂತೆ ಸಲ್ಮಾನ್.
ಇದನ್ನೂ ಓದಿ: ಡಾ.ರಾಜ್-ಅಂಬರೀಷ್ ಹೆಸರಿದೆ, ವಿಷ್ಣುಅಪ್ಪಾಜಿ ಹೆಸರಿಲ್ಲವೇಕೆ? ಮನದ ನೋವನ್ನು ಬಿಚ್ಚಿಟ್ಟ ಅನಿರುಧ್
‘ಆ ಚಿತ್ರದಲ್ಲಿ ನಟಿಸುವುದಕ್ಕೆ ಕತ್ರೀನಾಗೆ ಆಸಕ್ತಿ ಇರಲಿಲ್ಲ. ಚಿತ್ರದಲ್ಲಿ ಯಾರೇ ಇರಲಿ, ನೀನು ಚಿತ್ರ ಒಪ್ಪಬೇಕಾಗಿರುವುದು ಕಥೆ ಮತ್ತು ನಿರ್ದೇಶಕರಿಗಾಗಿ. ಹಾಗಾಗಿ, ಹೀರೋ ಯಾರೇ ಇರಲಿ, ಚಿತ್ರ ಇಷ್ಟವಾದರೆ ನಿನ್ನ ಪಾಡಿಗೆ ನಟಿಸು ಎಂದು ಹೇಳಿದೆ. ಕೊನೆಗೆ ಕತ್ರೀನಾ ಆ ಚಿತ್ರದಲ್ಲಿ ನಟಿಸುವುದಕ್ಕೆ ಒಪ್ಪಿಕೊಂಡಳು. ಆ ಚಿತ್ರ ದೊಡ್ಡ ಹಿಟ್ ಆಯಿತು. ನನ್ನ ಮತ್ತು ಕತ್ರೀನಾಳ ದೊಡ್ಡತನದಿಂದ ಜಾನ್ ಅಬ್ರಹಾಂಗೆ ದೊಡ್ಡ ಹಿಟ್ ಸಿಕ್ಕಿತು’ ಎಂದು ಸಲ್ಮಾನ್ ಹೇಳಿದ್ದಾರೆ.
ಅರಿಯಾನಾ ಜತೆ ಆರ್ಜಿವಿ ಅಫೇರ್? ಸಂದರ್ಶನದಲ್ಲಿದೆ ವರ್ಮರ ಬೋಲ್ಡ್ ಮಾತುಗಳು