ನವದೆಹಲಿ: ಬಾಲಿವುಡ್ ತುಂಬಾ ಸೈಫ್ ಅಲಿ ಖಾನ್ ಅವರದ್ದೇ ಮಾತು. ಅದಕ್ಕೆ ಕಾರಣ ಸೈಫ್, ದೆಹಲಿಯಲ್ಲಿರುವ ತಮ್ಮ ಅರಮನೆಯನ್ನು ತಮ್ಮ ಸುಪರ್ದಿಗೆ ಪಡೆದಿದ್ದಾರೆ. ಅದಕ್ಕೆ ಅವರು ಖರ್ಚು ಮಾಡಿರುವ ವೆಚ್ಚ 800 ಕೋಟಿ ರೂಗಳು ಎಂದು ಹೇಳಲಾಗುತ್ತಿದೆ.
ಅರಮನೆಯನ್ನು ವಾಪಸ್ಸು ಪಡೆದಿಕೊಂಡಿದ್ದನ್ನು ಸೈಫ್ ಸಹ ಒಪ್ಪಿಕೊಂಡಿದ್ದಾರೆ. ಆದರೆ, ಅಷ್ಟೊಂದು 800 ಕೋಟಿ ಎನ್ನುವುದು ಉತ್ಪ್ರೇಕೆಯ ಮೊತ್ತ ಎಂಬುದು ಅವರ ಅಭಿಪ್ರಾಯ. ಹಾಗಾದರೆ, ಆ ಅರಮನೆಯನ್ನು ಅವರು ಎಷ್ಟಕ್ಕೆ ಕೊಟ್ಟು ವಾಪಸ್ಸು ಪಡೆದರು ಎಂಬ ಮಾಹಿತಿಯನ್ನು ಅವರು ಹೇಳುವುದಿಲ್ಲ. ದುಡ್ಡು ಎನ್ನುವುದಕ್ಕಿಂತ, ಅದಕ್ಕೆ ಬೆಲೆ ಕಟ್ಟಲಾಗುವುದಿಲ್ಲ ಎಂದು ಹೇಳುತ್ತಾರೆ.
ಇದನ್ನೂ ಓದಿ: ಪ್ರೇಮ್ ಜನ್ಮದಿನಕ್ಕೆ ಘೋಷಣೆಯಾದ ಸಿನಿಮಾಗಳ ಪಟ್ಟಿ ಇಲ್ಲಿದೆ..
ಹಾಗೆ ನೋಡಿದರೆ, ಸೈಫ್ ಆ ಅರಮನೆಯನ್ನು ಖರೀದಿಸಿಲ್ಲ. ಅದು ಪಟೌಡಿ ಫ್ಯಾಮಿಲಿಗೆ ಸೇರಿದ ಅರಮನೆಯೇ. ಆದರೆ, ಕೆಲವು ವರ್ಷಗಳ ಹಿಂದೆ ಸೈಫ್ ಅಲಿ ಖಾನ್ ಅವರ ತಂದೆ ಮನ್ಸೂರ್ ಅಲಿ ಖಾನ್ ಅವರು ಅದನ್ನು ಲೀಸ್ಗೆ ಕೊಟ್ಟಿದ್ದರಂತೆ. ಈಗ ಆ ಲೀಸ್ ಹಣವನ್ನು ಮರಳಿಸಿರುವ ಸೈಫ್, ಅದನ್ನು ತಮ್ಮ ಸುಪರ್ದಿ ಪಡೆದುಕೊಂಡಿದ್ದಾರೆ.
ಆ ಅರಮನೆ ಏನಿಲ್ಲವೆಂದರೂ 100 ವರ್ಷಗಳಷ್ಟು ಹಳೆಯದು ಎಂಬುದು ಸೈಫ್ ಅಭಿಪ್ರಾಯ. ಅವರ ತಾತ ಇಫ್ತಿಕಾರ್ ಅಲಿ ಖಾನ್ ಪಟೌಡಿ ಅವರು, ತಮ್ಮ ಪತ್ನಿ ಸಾಜಿದಾ ಸುಲ್ತಾನ್ ಅವರಿಗಾಗಿ ಕಟ್ಟಿಸಿದ ಅರಮನೆಯಂತೆ ಅದು. ಆ ನಂತರ ಮನ್ಸೂರ್ ಅಲಿ ಖಾನ್, ಸೈಫ್ ಅಲಿ ಖಾನ್ ಎಲ್ಲರೂ ಅಲ್ಲೇ ಹುಟ್ಟಿ ಬೆಳೆದಿದ್ದಾರೆ.
ಇದನ್ನೂ ಓದಿ: ಜ್ಯೂ ಎನ್ಟಿಆರ್ ಪರಿಚಯಿಸುವ ಟೀಸರ್ಗೆ ರಾಮ್ಚರಣ್ ಧ್ವನಿ
ಎಲ್ಲಾ ಸರಿ, ಅಷ್ಟು ದೊಡ್ಡ ಅರಮನೆಯನ್ನಿಟ್ಟುಕೊಂಡು ಸೈಫ್ ಏನು ಮಾಡಬಹುದು ಎಂಬ ಪ್ರಶ್ನೆ ಬರಬಹುದು. ಏನಿಲ್ಲ, ಬಿಡುವಿದ್ದಾಗೆಲ್ಲಾ ಅಲ್ಲಿಗೆ ಬಂದು ಕಾಲ ಕಳೆಯುವುದು ಅವರ ಐಡಿಯಾ. ಕಳೆದ ಒಂದು ತಿಂಗಳಿನಿಂದ ಸೈಫ್, ತಮ್ಮ ಪತ್ನಿ ಕರೀನಾ ಮತ್ತು ಮಗ ತೈಮುರ್ ಜತೆಗೆ ಅದೇ ಮನೆಯಲ್ಲಿ ಕಾಲ ಕಳೆದರು. ಜತೆಗೆ ಕರೀನಾ ಅಭಿನಯದ ‘ಲಾಲ್ ಸಿಂಗ್ ಚಡ್ಢಾ’ ಚಿತ್ರದ ಚಿತ್ರೀಕರಣವೂ ದೆಹಲಿಯಲ್ಲೇ ನಡೆಯುತ್ತಿತ್ತು.
ಈಗ ಅದು ಮುಗಿದಿರುವುದರಿಂದ, ಸೈಫ್ ತಮ್ಮ ಹೆಂಡತಿ ಮತ್ತು ಮಗನ ಜತೆಗೆ ಮುಂಬೈಗೆ ವಾಪಸ್ಸಾಗಿದ್ದಾರೆ.
ನನ್ನ ತುಂಬಾ ಮಿಸ್ ಮಾಡಿಕೊಳ್ತಿದ್ದೀರಾ ಅನಿಸುತ್ತೆ … ಕಂಗನಾ ಹೀಗೆ ಹೇಳಿದ್ದು ಯಾರಿಗೆ?