ಅಲಕ್ಸಾ: ರಸ್ತೆ ಮಧ್ಯೆ, ಅಂಬ್ಯುಲೆನ್ಸ್ನಲ್ಲಿ , ಆಟೋರಿಕ್ಷಾಗಳಲ್ಲಿ ಹೆರಿಗೆ ಆಗುವುದು ಆಗಿಂದಾಗ್ಗೆ ನಡೆದೇ ಇದೆ.
ಆದರೆ ಇಲ್ಲೊಬ್ಬ ಮಹಿಳೆ ಆಕಾಶದಲ್ಲಿ ಮಗುವೊಂದನ್ನು ಹೆತ್ತಿದ್ದಾಳೆ! ಅದ್ಹೇಗೆ ಅಂತೀರಾ? ವಿಮಾನದಲ್ಲಿ ಹೋಗುವಾಗ ಈಕೆಗೆ ಹೆರಿಗೆ ಆಗಿದೆ.
ಆಗಸ್ಟ್ 5ರ ನಸುವಿನ ಒಂದು ಗಂಟೆ ಸುಮಾರಿಗೆ ಈ ಮಗು ಹುಟ್ಟಿದ್ದು, ಅದಕ್ಕೆ ವಿಶೇಷ ರೀತಿಯ ಹೆಸರು ಕೂಡ ಇಡಲಾಗಿದೆ. ಅದೇನೆಂದರೆ ’ಸ್ಕೈ’. ಕನ್ನಡದಲ್ಲಿ ಆಕಾಶ ಹೆಸರು ಮಾಮೂಲು. ಆದರೆ ಸ್ಕೈ ಅಂತ ಇದುವರೆಗೆ ಯಾರೂ ಹೆಸರು ಇಟ್ಟಂತಿಲ್ಲ. ಇದೇ ಮೊದಲಿಗೆ ಆಕಾಶದಲ್ಲಿ ಹುಟ್ಟಿದ ಈ ಮಗುವಿಗೆ ಸ್ಕೈ ಎಂದು ಅಲ್ಲಿಯೇ ನಾಮಕರಣವನ್ನೂ ಮಾಡಲಾಗಿದೆ.
ಅಷ್ಟಕ್ಕೂ ಆಗಿದ್ದೇನೆಂದರೆ, ಕ್ರಿಸ್ಟಲ್ ಹಿಕ್ಸ್ ಎಂಬಾಕೆ ಐದು ತಿಂಗಳ ಗರ್ಭಿಣಿ. ಏಕಾಏಕಿ ಆಕೆಗೆ ಹೊಟ್ಟೆನೋವು ಕಾಣಿಸಿಕೊಂಡಿದೆ. ಹಾಗಾಗಿ ಆಕೆಯನ್ನು ಆಂಕಾರೋಜ್ ಆಸ್ಪತ್ರೆಗೆ ವಿಮಾನದ ಮೂಲಕ ಕರೆದುಕೊಂಡು ಹೋಗಲಾಯಿತು. ಆದರೆ ಹೊಟ್ಟೆನೋವು ತಾಳಲಾರದೆ ಆಕೆ ವಿಮಾನದಲ್ಲಿ ಗಂಡುಮಗುವಿಗೆ ಜನ್ಮ ನೀಡಿದ್ದಾಳೆ. ಅವಧಿಪೂರ್ವ ಮಗು ಹುಟ್ಟಿದೆ.
ಆಕಾಶದಲ್ಲ್ಲಿಹಾರುವ ವೇಳೆ ಹುಟ್ಟಿದ ಕಾರಣದಿಂದ ಕ್ರಿಸ್ಟಲ್ ಹಿಕ್ಸ್ ತನ್ನ ಮಗುವಿಗೆ ಸ್ಕೈ ಏರೋನ್ ಹಿಕ್ಸ್ ಎಂದು ಹೆಸರಿಟ್ಟಿದ್ದಾಳೆ. ಸದ್ಯ ತಾಯಿ ಮಗು ಇಬ್ಬರು ಆಸ್ಪತ್ರೆಯಲ್ಲಿ ಸುರಕ್ಷಿತವಾಗಿದ್ದಾರೆ. ಅವಧಿಪೂರ್ವ ಪ್ರಸವ ಆಗಿರುವ ಹಿನ್ನೆಲೆಯಲ್ಲಿ ಇನ್ಕ್ಯುಬಲೇಟರ್ನಲ್ಲಿ ಮಗುವನ್ನು ಇಡಲಾಗಿದೆ.
ಇದನ್ನೂ ಓದಿ: ಪ್ರಧಾನಿ ಪ್ರಯಾಣಕ್ಕೆ ಏರ್ ಇಂಡಿಯಾ ಒನ್: ಭಾರತಕ್ಕೆ ಶೀಘ್ರ 8500 ಕೋಟಿ ರೂ. ಮೌಲ್ಯದ 2 ವಿಮಾನಗಳು
ಆದರೆ ಇದೀಗ ಮತ್ತೊಂದು ಸಮಸ್ಯೆ ಎದುರಾಗಿದೆ. ಅದೇನೆಂದರೆ ಮಗು ಹುಟ್ಟಿರುವುದು ಸುಮಾರು 18 ಸಾವಿರ (5,500 ಮೀಟರ್) ಎತ್ತರದಲ್ಲಿ. ಅದು ಯಾವ ಪ್ರದೇಶ ಎಂದು ಗೊತ್ತಿಲ್ಲ. ಆದ್ದರಿಂದ ಮಗುವಿನ ಹುಟ್ಟಿದ ಸ್ಥಳ ಯಾವುದು ಎಂದ ನಮೂದು ಮಾಡಬೇಕು ಎನ್ನುವುದೇ ಇದೀಗ ಪ್ರಶ್ನೆಯಾಗಿದೆ.
ಅಂದಹಾಗೆ ಕ್ರಿಸ್ಟಲ್ಗೆ ಈಗಾಗಲೇ 3, 9 ಮತ್ತು 11 ವರ್ಷದ ಮಕ್ಕಳಿದ್ದಾರೆ.
ಸೆಪ್ಟೆಂಬರ್ನಲ್ಲಿ ಶಾಲೆ ಶುರುವಾಗತ್ತಾ? ಸಚಿವ ಸುರೇಶ್ಕುಮಾರ್ ಏನು ಹೇಳಿದ್ದಾರೆ ಕೇಳಿ…
ನಕ್ಸಲ್ ಆಗಲು ಅನುಮತಿ ಕೊಡಿ- ರಾಷ್ಟ್ರಪತಿಗೆ ಯುವಕನ ಪತ್ರ: ಆಂಧ್ರದಲ್ಲಿ ತಲ್ಲಣ!
ಮಚ್ಚು ಹಿಡಿದು ಚಿನ್ನದಂಗಡಿಗೆ ನುಗ್ಗಿದವನ ಚಚ್ಚಿದಳು ಚಿಕ್ಕಮಗಳೂರು ಮಹಿಳೆ!
ಪಾಕ್ಗೆ ಬಿಗ್ ಷಾಕ್: ಸಾಲವೂ ಬಂದ್, ತೈಲವೂ ಬಂದ್ ಎಂದ ಸೌದಿ ಅರೇಬಿಯಾ!
ಫ್ರಿಜ್ ಟ್ರೇ ಬಳಸಿ ಆನ್ಲೈನ್ ಕ್ಲಾಸ್: ಶಿಕ್ಷಕಿಯ ಪ್ಲ್ಯಾನ್ಗೆ ಅಪಾರ ಮೆಚ್ಚುಗೆ
ದಫನ್ ಆಗಿದ್ದವ ರಾತ್ರಿ ಹೆಂಡತಿಗೆ ಪ್ರತ್ಯಕ್ಷನಾಗಿ ನಾನೇ ನಿನ್ನ ಗಂಡ ಎಂದ!