ಕ್ಯಾಲಿಫೋರ್ನಿಯಾ: ನೀವು ಈ ಮೇಲಿನ ಚಿತ್ರದಲ್ಲಿ ಕಾಣುತ್ತಿರುವುದು ಮದುವೆಯ ಫೋಟೋ. ಮದುಮಗಳು ಕಿಟಕಿಯ ಮೇಲೆ ಕುಳಿತಿದ್ದರೆ, ಕೆಳಗಡೆ ಮದುಮಗನಿದ್ದಾನೆ. ಅಲ್ಲಿಂದಲೇ ಇಬ್ಬರೂ ಮದುವೆಯಾಗಿದ್ದಾರೆ. ಇಬ್ಬರಿಗೂ ಖುಷಿಯೋ ಖುಷಿ. ಈ ಮದುವೆ ಮುಂದೂಡಬೇಕು ಎಂಬ ಮಾತು ಕೇಳುತ್ತಿದ್ದರಿಂದ ಈ ರೀತಿ ಡಿಫರೆಂಟ್ ಆಗಿ ಮದುವೆಯಾಗಿದೆ ಈ ಜೋಡಿ.
ಅಷ್ಟಕ್ಕೂ ಏಕಪ್ಪಾ ಇಂಥದ್ದೊಂದು ಮದುವೆ ಎಂದರೆ ಅದಕ್ಕೆ ಕಾರಣ ಕರೊನಾ! ಹಾಗೆಂದು ಕರೊನಾ ನಿಯಮ ಪಾಲನೆ ಮಾಡಬೇಕು ಎಂದು ಈ ಜೋಡಿ ಸಾಮಾಜಿಕ ಅಂತರ ಕಾಪಾಡಿಕೊಳ್ಳಲಿಲ್ಲ. ಇದಕ್ಕೆ ಕಾರಣ ವಧುವಿಗೆ ಕರೊನಾ ಪಾಸಿಟಿವ್ ಬಂದದ್ದು!
ಕರೊನಾ ಹಿನ್ನೆಲೆಯಲ್ಲಿ ಯಾವ್ಯಾವುದೋ ರೀತಿಯಲ್ಲಿ ಮದುವೆಗಳಾಗಿವೆ. ವಿಡಿಯೋ ಕಾನ್ಫರೆನ್ಸ್ನಲ್ಲಿಯೇ ಮದುವೆಯಾದದ್ದೇ ಹೆಚ್ಚು. ಮಗುಮಗಳು ಒಂದು ಕಡೆ, ಮದುಮಗ ಇನ್ನೊಂದು ಕಡೆ ಹೀಗೆಯೂ ಎಷ್ಟೋ ಮದುವೆ, ನಿಶ್ಚಿತಾರ್ಥಗಳು ನಡೆದಿವೆ.
ಆದರೆ ಮದುಮಕ್ಕಳು ಹತ್ತಿರವಿದ್ದೂ ದೂರ ದೂರ ನಿಂತು ಮದುವೆಯಾಗಿರುವುದು ಇದರ ವಿಶೇಷತೆ. ಅಂದಹಾಗೆ ಕ್ಯಾಲಿಫೋರ್ನಿಯಾದ ಈ ಜೋಡಿ ಹೆಸರು ಪೆಟ್ರಿಕ್ ಡೆಲ್ಗಾಡೋ ಮತ್ತು ಲಾರೆನ್ ಜಿಮೆನೇಜ್. ಲಾರೆನ್ಗೆ ಮದುವೆಗೆ ಮೂರು ದಿನ ಇರುವಾಗ ಕರೊನಾ ಸೋಂಕು ದೃಢಪಟ್ಟಿತ್ತು.
ಆಗ ಮದುವೆ ಮುಂದೂಡುವ ಮಾತುಕತೆ ನಡೆದವು. ಆದರೆ ಈ ಜೋಡಿ ಮಾತ್ರ ಮದುವೆ ಮುಂದೂಡುವ ಪ್ರಶ್ನೆಯೇ ಇಲ್ಲ ಎಂದು ಈ ಪ್ಲ್ಯಾನ್ ಮಾಡಿದೆ. ಈ ರೀತಿಯಾಗಿ ದೂರ ದೂರ ಇದ್ದು ಮದುವೆಯಾಗಿದ್ದು, ಈ ಫೋಟೋ ಭಾರಿ ವೈರಲ್ ಆಗಿದೆ. ವಧು ಕ್ವಾರಂಟೈನ್‌ನಲ್ಲಿ ಇದ್ದಾಗಲೇ ಈ ವಿವಾಹ ನಡೆದಿದೆ.
ತಮ್ಮಿಬ್ಬರ ಈ ವಿವಾಹ ಬಂಧವನ್ನು ಶಾಶ್ವತವಾಗಿಡುವ ಮತ್ತು ಪರಸ್ಪರ ಜತೆಯಾಗಿರುವ ಸಂಕೇತವಾಗಿ ಇವರಿಬ್ಬರು ಒಂದು ದೊಡ್ಡ ಹಗ್ಗವನ್ನು ಹಿಡಿದುಕೊಂಡಿದ್ದರು. ಹೀಗೆ ಸುರಕ್ಷಿತ ಅಂತರ ಕಾಯ್ದುಕೊಂಡೇ ಈ ವಿವಾಹ ನಡೆದಿತ್ತು. ವೃತ್ತಿಪರ ಛಾಯಾಗ್ರಾಹಕ ಜೆಸ್ಸಿಕಾ ಜಾಕ್ಸನ್ ಈ ಜೋಡಿಯ ಫೋಟೋ ಅನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಇದು ಅನೇಕ ಮಂದಿಯ ಮನಸ್ಸನ್ನು ಗೆದ್ದಿದೆ.
ಬೆತ್ತಲೆಯಾಗಿ ಲಂಡನ್ ಸುತ್ತಿದ ಸುಂದರಿ- ಇದರ ಕಾರಣ ಕೇಳಿ ಭೇಷ್ ಎಂದ ನೆಟ್ಟಿಗರು!
ಹೈದರಾಬಾದ್ ಪಾಲಿಕೆ ರಿಸಲ್ಟ್: ಮಾಜಿ ಮೇಯರ್ಗೆ ವಿಜಯದ ಮಾಲೆ- ಬಿಜೆಪಿಗೆ ಮುನ್ನಡೆ