ಇಂಡಿಯನ್ ಆಯಿಲ್ ಕಾರ್ಪೆರೇಷನ್ ಲಿಮಿಟೆಡ್ (ಐಒಸಿಎಲ್) ದೇಶದ ಅತಿದೊಡ್ಡ ವಾಣಿಜ್ಯ ಉದ್ಯಮವಾಗಿದ್ದು, ರಾಷ್ಟ್ರಕ್ಕಾಗಿ ಯುವಕರಲ್ಲಿ ಕೌಶಲ ನಿರ್ಮಾಣ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತದೆ. ಈ ಹಿನ್ನೆಲೆಯಲ್ಲಿ ದಕ್ಷಿಣ ಭಾರತ ವಲಯಗಳಿಗೆ ಅಪ್ರೆಂಟೀಸ್ಗಳನ್ನು ನೇಮಕ ಮಾಡಿಕೊಳ್ಳುತ್ತಿದ್ದು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಿದೆ. ಅಪ್ರೆಂಟೀಸ್ ಆಕ್ಟ್ 1961ರ ಪ್ರಕಾರ ಈ ನೇಮಕಾತಿ ನಡೆಯಲಿದೆ. ಟೆಕ್ನಿಕಲ್ ಹಾಗೂ ನಾನ್ ಟೆಕ್ನಿಕಲ್ ಟ್ರೇಡ್ ಅಪ್ರೆಂಟೀಸ್ ತರಬೇತಿಯು 12 ತಿಂಗಳಿಂದ 15 ತಿಂಗಳು ಇರಲಿದೆ ಎಂದು ತಿಳಿಸಲಾಗಿದೆ.
ಒಟ್ಟು ಹುದ್ದೆಗಳು: 300
ಎಲ್ಲೆಲ್ಲಿ ನೇಮಕಾತಿ?: ಕರ್ನಾಟಕ-52, ತಮಿಳುನಾಡು ಮತ್ತು ಪುದುಚೇರಿ – 84, ಕೇರಳ-49, ಆಂಧ್ರಪ್ರದೇಶ-55, ತೆಲಂಗಾಣ- 60 ಸ್ಥಾನಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ.
ಕರ್ನಾಟಕದ ವಿವರ – ಒಟ್ಟು – 52
– ಟ್ರೇಡ್ ಅಪ್ರೆಂಟೀಸ್ – 10
* ಫಿಟ್ಟರ್ * ಎಲೆಕ್ಟ್ರಿಷಿಯನ್ * ಎಲೆಕ್ಟ್ರಾನಿಕ್ಸ್ ಮೆಕಾನಿಕ್ * ಇನ್ಸ್ಟ್ರುಮೆಂಟ್ ಮೆಕಾನಿಕ್ * ಮಷಿನಿಸ್ಟ್
– ಟೆಕ್ನಿಕಲ್ ಅಪ್ರೆಂಟೀಸ್ – 10
* ಮೆಕಾನಿಕಲ್ * ಎಲೆಕ್ಟ್ರಿಕಲ್ * ಇನ್ಸ್ಟ್ರುಮೆಂಟೇಷನ್ * ಸಿವಿಲ್ * ಎಲೆಕ್ಟ್ರಿಕಲ್ ಆಂಡ್ ಎಲೆಕ್ಟ್ರಾನಿಕ್ಸ್ * ಎಲೆಕ್ಟ್ರಾನಿಕ್ಸ್
– ಟ್ರೇಡ್ ಅಪ್ರೆಂಟೀಸ್ ಅಕೌಂಟ್ – 28
– ಡಾಟಾ ಎಂಟ್ರಿ ಆಪರೇಟರ್ (ಫ್ರೆಷರ್, ಕೌಶಲ ಪ್ರಮಾಣಪತ್ರ ಹೊಂದಿದವರು) – 2
– ರೀಟೇಲ್ ಸೇಲ್ಸ್ ಅಸೋಸಿಯೇಟ್ (ಫ್ರೆಷರ್, ಕೌಶಲ ಪ್ರಮಾಣಪತ್ರ ಹೊಂದಿದವರು) – 2
ಮೀಸಲಾತಿ: ಸಾಮಾನ್ಯವರ್ಗದ ಅಭ್ಯರ್ಥಿಗಳಿಗೆ 168 ಸ್ಥಾನ, ಎಸ್ಸಿಗೆ 36, ಎಸ್ಟಿಗೆ 6, ಇತರ ಹಿಂದುಳಿದ ವರ್ಗಕ್ಕೆ 67, ಆರ್ಥಿಕವಾಗಿ ದುರ್ಬಲವಾಗಿರುವ ಅಭ್ಯರ್ಥಿಗೆ 23 ಸ್ಥಾನ ಮೀಸಲಿರಿಸಿದ್ದು, ಅಂಗವಿಕಲರಿಗೆ 12 ಸ್ಥಾನ ಕಾಯ್ದಿರಿಸಲಾಗಿದೆ.
ವಿದ್ಯಾರ್ಹತೆ: ಫಿಟ್ಟರ್, ಎಲೆಕ್ಟ್ರಿಷಿಯನ್, ಎಲೆಕ್ಟ್ರಾನಿಕ್ ಮೆಕಾನಿಕ್, ಇನ್ಸ್ಟ್ರುಮೆಂಟ್ ಮೆಕಾನಿಕ್, ಮಷಿನಿಸ್ಟ್ನಲ್ಲಿ ಐಟಿಐ ಕೋರ್ಸ್, ಮೆಕಾನಿಕಲ್, ಎಲೆಕ್ಟ್ರಿಕಲ್, ಇನ್ಸ್ಟ್ರುಮೆಂಟೇಷನ್, ಸಿವಿಲ್, ಎಲೆಕ್ಟ್ರಿಕಲ್ ಆಂಡ್ ಎಲೆಕ್ಟ್ರಾನಿಕ್ಸ್ ಇಂಜಿನಿಯರಿಂಗ್ನಲ್ಲಿ 3 ವರ್ಷದ ಡಿಪ್ಲೊಮಾ, ದ್ವಿತೀಯ ಪಿಯುಸಿ, ಯಾವುದೇ ಪದವಿ ಪಡೆದಿರಬೇಕು. ಎಸ್ಸಿ, ಎಸ್ಟಿ, ಅಂಗವಿಕಲ ಅಭ್ಯರ್ಥಿಗಳು ಶೇ. 45 ಅಂಕ, ಇತರ ಅಭ್ಯರ್ಥಿಗಳು ಶೇ. 50 ಅಂಕ ಪಡೆದಿರಬೇಕು.
ವಯೋಮಿತಿ: 30.11.2021ಕ್ಕೆ ಅನ್ವಯವಾಗುವಂತೆ ಕನಿಷ್ಠ 18 ವರ್ಷ, ಗರಿಷ್ಠ 24 ವರ್ಷ ವಯೋಮಿತಿ ನಿಗದಿಪಡಿಸಿದ್ದು, ಮೀಸಲಾತಿ ಅಭ್ಯರ್ಥಿಗಳಿಗೆ ವಯೋಸಡಿಲಿಕೆ ಇದೆ.
ಆಯ್ಕೆ ಪ್ರಕ್ರಿಯೆ: ಜನರಲ್ ಆಪ್ಟಿಟ್ಯೂಡ್ ಆಂಡ್ ರೀಸನಿಂಗ್, ಸಾಮಾನ್ಯ ಇಂಗ್ಲಿಷ್, ನ್ಯೂಮರಿಕಲ್ ಆಪ್ಟಿಟ್ಯೂಡ್ ಮತ್ತು ಸಾಮಾನ್ಯ ಜ್ಞಾನದ ಕುರಿತು 100 ಅಂಕಗಳ ಬಹುಆಯ್ಕೆ ಮಾದರಿಯ ಪ್ರಶ್ನೆಗಳ ಲಿಖಿತ ಪರೀಕ್ಷೆ ನಡೆಸಿ ಇದರಲ್ಲಿ ಆಯ್ಕೆಯಾದವರನ್ನು ಅಂತಿಮ ಆಯ್ಕೆ ಪ್ರಕ್ರಿಯೆಗೆ ಆಹ್ವಾನಿಸಲಾಗುವುದು. ಹಿಂದಿ ಮತ್ತು ಇಂಗ್ಲಿಷ್ನಲ್ಲಿ ಪ್ರಶ್ನೆಪತ್ರಿಕೆ ಇರಲಿದೆ.
2022ರ ಜನವರಿ 9ರಂದು ಬೆಂಗಳೂರು, ಚೆನ್ನೈ, ಕೊಚ್ಚಿ, ವಿಜಯವಾಡ, ಹೈದರಾಬಾದ್ನಲ್ಲಿ ನಡೆಸಲಾಗುವುದು. ಪ್ರವೇಶಪತ್ರದಲ್ಲಿ ಸಂಪೂರ್ಣ ಮಾಹಿತಿ ಹಾಗೂ ಪರೀಕ್ಷಾ ಕೇಂದ್ರದ ಮಾಹಿತಿ ನೀಡಲಾಗುವುದು.
ಅರ್ಜಿ ಸಲ್ಲಿಸಲು ಕೊನೇ ದಿನ: 27.12.2021
ಅಧಿಸೂಚನೆಗೆ: https://bit.ly/3EXKqNP
ಮಾಹಿತಿಗೆ: http://iocl.com
ಕೇಂದ್ರೀಯ ವಿವಿಯಲ್ಲಿದೆ 71 ಬೋಧಕ ಹುದ್ದೆಗಳು: 1.45 ಲಕ್ಷ ರೂ.ವರೆಗೆ ಸಂಬಳ, ಕೆಲವೇ ದಿನ ಬಾಕಿ…