ನವದೆಹಲಿ: ಸಪ್ತಸಾಗರದಾಚೆಗಿನ ಆಸ್ಟ್ರೇಲಿಯಾದಲ್ಲಿ ವ್ಯಕ್ತಿಯೊಬ್ಬ ತನ್ನ ನೆಚ್ಚಿನ ಬಟರ್ ಚಿಕನ್ ತಿನ್ನಲು 32 ಕಿ.ಮೀ. ದೂರ ಹೋಗಿದ್ದಲ್ಲದೆ, 1.23 ಲಕ್ಷ ರೂ. ದಂಡವನ್ನೂ ಪಾವತಿಸಿದ್ದಾನೆ.
ಆಸ್ಟ್ರೇಲಿಯಾದಲ್ಲಿ ಕೋವಿಡ್ ಪಿಡುಗು ಜೋರಾಗಿರುವ ಹಿನ್ನೆಲೆಯಲ್ಲಿ ಲಾಕ್ಡೌನ್ ಜಾರಿಯಲ್ಲಿದೆ. ಈ ಸಂದರ್ಭದಲ್ಲಿ ವಾಹನಗಳಲ್ಲಿ ಸಂಚರಿಸಲು ನಿರ್ಬಂಧಗಳನ್ನು ಜಾರಿಗೊಳಿಸಲಾಗಿದೆ. ಇದರ ಹೊರತಾಗಿಯೂ ಮೆಲ್ಬೋರ್ನ್ನ ನಿವಾಸಿ ತನ್ನ ಮನೆಯಿಂದ 32 ಕಿ.ಮೀ. ದೂರದಲ್ಲಿರುವ ತನ್ನ ಅಚ್ಚುಮೆಚ್ಚಿನ ಹೋಟೆಲ್ನಲ್ಲಿ ಬಟರ್ಚಿಕನ್ ತಿನ್ನಲು ನಿರ್ಧರಿಸಿದ.
ಇದನ್ನೂ ಓದಿ: ಮಳೆಯಿಂದ ನೀರು ತುಂಬಿದ್ದ ಕೆಳಸೇತುವೆಯಲ್ಲಿ ತೇಲಿದ ಶವ
ಅದರಂತೆ ಆತ ತನ್ನ ಕಾರಿನಲ್ಲಿ ಮೆಲ್ಬೋರ್ನ್ನ ವೆರ್ರಿಬೀ ಬಡಾವಣೆಯಿಂದ ಸಿಬಿಡಿಗೆ ತೆರಳಿದ್ದ. ಅಲ್ಲಿ ಬಟರ್ ಚಿನ್ ತಿಂದು ಸಮಾಧಾನವಾದ ಬಳಿಕ ಮನೆಗೆ ಹಿಂದಿರುಗುವಾಗ ಪೊಲಿಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಲಾಕ್ಡೌನ್ ನಿಯಮಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಆತನಿಗೆ 1.23 ಲಕ್ಷ ರೂಪಾಯಿ ದಂಡ ವಿಧಿಸಿದ್ದಾರೆ.
ಈ ವ್ಯಕ್ತಿ ಮಾತ್ರವಲ್ಲ. ಇವರೊಂದಿಗೆ ಇನ್ನೂ 74 ಮಂದಿಗೆ ಲಕ್ಷಾಂತರ ರೂಪಾಯಿ ದುಂಡ ವಿಧಿಸಲಾಗಿದೆ ಎಂದು ಮೆಲ್ಬೋರ್ನ್ ಪೊಲೀಸರು ತಿಳಿಸಿದ್ದಾರೆ. ಜನರು ಲಾಕ್ಡೌನ್ನಿಂದ ಬೇಸರಗೊಂಡಿದ್ದಾರೆ. ಇದರಿಂದ ಪಾರಾಗಲು ತಮ್ಮ ಸ್ನೇಹಿತರ ಮನೆಯಲ್ಲಿ ಸೇರಿಕೊಂಡು ಮದ್ಯಪಾನ ಮಾಡಲು ಮುಂದಾಗುತ್ತಿದ್ದಾರೆ. ಆದರೆ, ಕರೊನಾ ವೈರಾಣು ಸೋಂಕು ಪಸರಣದ ಸರಪಳಿ ತುಂಡರಿಸಲು ಲಾಕ್ಡೌನ್ ನಿಯಮ ಅನುಸರಿಸುವುದು ಮುಖ್ಯವಾದ್ದರಿಂದ, ನಿಯಮ ಉಲ್ಲಂಘಿಸುವವರಿಗೆ ದಂಡ ವಿಧಿಸುತ್ತಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
ಪಿಎಂಸಿ ಬ್ಯಾಂಕ್ ಹಗರಣದ ಆರೋಪಿ ರಾಕೇಶ್ಗೆ ಕೋವಿಡ್ ದೃಢ; ಸಂಬಂಧಿಕರು ಗದ್ದಲ ಸೃಷ್ಟಿಸಿದ್ದೇಕೆ?