ಚೆನ್ನೈ: ತಮಿಳು ಚಿತ್ರರಂಗವಷ್ಟೇ ಅಲ್ಲ, ಕಮಲ್ ಹಾಸನ್ ಅವರ ಕರಿಯರ್ನಲ್ಲೂ ಸಾರ್ವಕಾಲಿಕ ಬ್ಲಾಕ್ಬಸ್ಟರ್ ಎಂಬ ಹೆಗ್ಗಳಿಕೆಗೆ ಪಾತ್ರವಾದ ಚಿತ್ರವೆಂದರೆ ಅದು ‘ವಿಕ್ರಮ್’. ಈ ಚಿತ್ರದ ಕೊನೆಯಲ್ಲಿ ಕಾಲಿವುಡ್ನ ಸೂರ್ಯ, ರೊಲೆಕ್ಸ್ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಅವರ ಪಾತ್ರ ಹಿಟ್ ಆಗಿದ್ದಷ್ಟೇ ಅಲ್ಲ, ರೊಲೆಕ್ಸ್ ಪಾತ್ರವನ್ನು ಇಟ್ಟುಕೊಂಡೇ ನಿರ್ದೇಶಕ ಲೋಕೇಶ್ ಒಂದು ಸಿನಿಮಾ ನಿರ್ದೇಶಿಸುತ್ತಾರೆ ಎಂಬ ಸುದ್ದಿ ಇತ್ತು. ಆದರೆ, ಲೋಕೇಶ್ ಕನಕರಾಜ್ ಮಾತ್ರ ಈ ಬಗ್ಗೆ ತುಟಿಕ್ ಪಿಟಿಕ್ ಎಂದಿರಲಿಲ್ಲ.
ಇದನ್ನೂ ಓದಿ: ರಂಗಭೂಮಿ, ಸಿನಿಮಾ, ನಟನೆ ಬಗ್ಗೆ ಅದ್ಭುತ ಚರ್ಚೆ … ನವಾಜುದ್ದೀನ್ ಮನೆಯಲ್ಲಿ ರಿಷಭ್
ಈಗ ಅವರು ಮೊದಲ ಬಾರಿಗೆ ಬಾಯಿ ಬಿಟ್ಟಿದ್ದಾರೆ. ಎಲ್ಲ ಅಂದುಕೊಂಡಂತೆ ಆದರೆ, ಮೂರು ಚಿತ್ರಗಳನ್ನು ಮುಗಿಸಿ, ಆ ನಂತರ ‘ರೊಲೆಕ್ಸ್’ ಚಿತ್ರವನ್ನು ಕೈಗೆತ್ತಿಕೊಳ್ಳುವ ಸಾಧ್ಯತೆ ಎಂದು ಹೇಳಿದ್ದಾರೆ. ಇದಕ್ಕೆಲ್ಲ ಮೂರು ವರ್ಷಗಳಾದರೂ ಬೇಕು.
ಈ ಕುರಿತು ಮಾತನಾಡಿರುವ ಲೋಕೇಶ್, ‘ಸದ್ಯ ವಿಜಯ್ ಅಭಿನಯದ ಚಿತ್ರ ನಿರ್ದೇಶಿಸುತ್ತಿದ್ದೇನೆ. ಆ ನಂತರ ಕಮಲ್ ಹಾಸನ್ ಅವರ ಡೇಟ್ಸ್ ಸಿಕ್ಕರೆ ‘ವಿಕ್ರಮ್ 2’ ಮಾಡುತ್ತೇನೆ. ‘ಕೈದಿ 2’ ಮಾಡುವ ಯೋಚನೆಯೂ ಇದೆ. ಇದೆಲ್ಲದರ ನಂತರ ‘ರೊಲೆಕ್ಸ್ ಮಾಡಬಹುದು. ಇದೊಂದು ಯೂನಿವರ್ಸ್ ಇದ್ದಂತೆ. ಯಾರ ಜತೆಗೆ ಬೇಕಾದರೂ ಚಿತ್ರ ಮಾಡಬಹುದು. ಮುಂದುವರೆದ ಭಾಗವೋ, ಹಿಂದಿನ ಭಾಗವೋ ಮಾಡಬಹುದು. ಅದರಲ್ಲಿ ಯಾವುದೇ ಸಮಸ್ಯೆ ಇಲ್ಲ. ಒಟ್ಟಿನಲ್ಲಿ ಮುಂದಿನ 10 ವರ್ಷ ನಾನು ಬ್ಯುಸಿ’ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ‘ಪ್ರಜೆಯೇ ಪ್ರಭು’ ಎನ್ನುತ್ತಿದ್ದಾರೆ ಪ್ರಿಯಾಂಕಾ ಉಪೇಂದ್ರ …
ಇನ್ನು, ಕಮಲ್ ಹಾಸನ್ ಸಹ ‘ರೊಲೆಕ್ಸ್’ ಆಗುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ. ‘ಆ ಬಗ್ಗೆ ಜನರಿಗೆ ಪ್ರಾಮಿಸ್ ಮಾಡಿದ್ದೇವೆ. ಅದನ್ನು ಉಳಿಸಿಕೊಳ್ಳುವ ಕರ್ತವ್ಯ ನಮ್ಮದು’ ಎಂದು ಹೇಳುವ ಮೂಲಕ ಮುಂದೊಂದು ದಿನ ಚಿತ್ರ ಆಗಲಿದೆ ಎಂದು ಹೇಳಿದ್ದಾರೆ.
ದಿ ಟಾಪ್ ಟೆನ್ಸ್ ಜಗತ್ತಿನ ಸಾರ್ವಕಾಲಿಕ ಅತ್ಯುತ್ತಮ ನಿರ್ದೇಶಕರ ಪಟ್ಟಿಯಲ್ಲಿ ಉಪೇಂದ್ರ … ಎಷ್ಟನೇ ಸ್ಥಾನ ಗೊತ್ತಾ?