ಬೆಂಗಳೂರು: ಈ ಹಿಂದೆ IMDBಯ ಜಗತ್ತಿನ ಸಾರ್ವಕಾಲಿಕ ಅತ್ಯುತ್ತಮ ನಿರ್ದೇಶಕರ ಪಟ್ಟಿಯಲ್ಲಿ ಉಪೇಂದ್ರ 17ನೇ ಸ್ಥಾನ ಪಡೆದಿದ್ದು ಎಲ್ಲರಿಗೂ ಗೊತ್ತೇ ಇದೆ. ಈಗ ಅಂಥದ್ದೇ ಇನ್ನೊಂದು ಅಂತಾರಾಷ್ಟ್ರೀಯ ಸಮೀಕ್ಷೆಯೊಂದು ನಡೆಯುತ್ತಿದ್ದು, ಅದರಲ್ಲೂ ಉಪೇಂದ್ರ ಸ್ಥಾನ ಪಡೆದಿದ್ದಾರೆ ಎಂಬುದು ವಿಶೇಷ.
ಇದನ್ನೂ ಓದಿ: ‘ಪ್ರಜೆಯೇ ಪ್ರಭು’ ಎನ್ನುತ್ತಿದ್ದಾರೆ ಪ್ರಿಯಾಂಕಾ ಉಪೇಂದ್ರ …
ಹೌದು, ದಿ ಟಾಪ್ ಟೆನ್ಸ್ ಎಂಬ ವೆಬ್ಸೈಟ್, ಜಗತ್ತಿನ ಎಲ್ಲ ವಿಷಯಗಳ ಕುರಿತು ಸಮೀಕ್ಷೆ ಮಾಡಿ, ಅದರಲ್ಲಿ ಟಾಪ್ ಹತ್ತು ವಿಷಯಗಳನ್ನು ಆಯ್ಕೆ ಮಾಡಿದೆ. 2022ರ ಬೆಸ್ಟ್ 10 ಹಾಡುಗಳು, 2022 ಬೆಸ್ಟ್ ವಿಡಿಯೋ ಗೇಮ್ಗಳು, ಬೆಸ್ಟ್ ಡಿಜಿಟಲ್ ಕ್ಯಾಮೆರಾಗಳು … ಹೀಗೆ ಜನರಿಂದ ಸಮೀಕ್ಷೆ ಮಾಟಿ ಟಾಪ್ 10 ಪಟ್ಟಿಯನ್ನು ಪ್ರಕಟಿಸುತ್ತಾ ಬಂದಿದೆ.
ಈಗ ಅದು ಜಗತ್ತಿನ ಸಾರ್ವಕಾಲಿಕ ಅತ್ಯುತ್ತಮ ನಿರ್ದೇಶಕರ ಸಮೀಕ್ಷೆಯೊಂದನ್ನು ಮಾಡುತ್ತಿದ್ದು, ಯಾರು ಬೇಕಾದರೂ ವೋಟ್ ಮಾಡಬಹುದಾಗಿದೆ. ವಿಶೇಷವೆಂದರೆ, ಅಂತಾರಾಷ್ಟ್ರೀಯ ಖ್ಯಾತಿಯ ನಿರ್ದೇಶಕರಿರುವ ಈ ಪಟ್ಟಿಯಲ್ಲಿ ಉಪೇಂದ್ರ 8ನೇ ಸ್ಥಾನದಲ್ಲಿದ್ದಾರೆ. ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿ ಸ್ಟೀವನ್ ಸ್ಪೀಲ್ಬರ್ಗ್ ಇದ್ದು, ನಂತರದ ಸ್ಥಾನಗಳಲ್ಲಿ ಸ್ಟಾನ್ಲಿ ಕುಬ್ರಿಕ್, ಕ್ವಿಂಟಿನ್ ಟರಾಂಟಿನೋ, ಆಲ್ಫ್ರೆಡ್ ಹಿಚ್ಕಾಕ್, ಕ್ರಿಸ್ಟೋಫರ್ ನೊಲಾನ್, ಮಾರ್ಟಿನ್ ಸ್ಕಾರರ್ಸ್, ಫ್ರಾನ್ಸಿಸ್ ಫೋರ್ಡ್ ಕಪೋಲ, ಉಪೇಂದ್ರ, ಜೇಮ್ಸ್ ಕ್ಯಾಮರಾನ್ ಮತ್ತು ಟಿಮ್ ಬರ್ಟನ್ ಇದ್ದಾರೆ.
ಈ ಪಟ್ಟಿಯಲ್ಲಿ ಭಾರತದಿಂದ ಉಪೇಂದ್ರ ಬಿಟ್ಟರೆ ಇನ್ನೊಬ್ಬ ನಿರ್ದೇಶಕ ಇಲ್ಲ ಎನ್ನುವುದರ ಜತೆಗೆ ಹಿಚ್ಕಾಕ್, ಟರಾಂಟಿನೋ, ಸ್ಪೀಲ್ಬರ್ಗ್, ನೊಲಾನ್, ಕಪೋಲ ಮುಂತಾದವರ ಜತೆಗೆ ಉಪೇಂದ್ರ ಅವರ ಹೆಸರು ಸಹ ದಾಖಲಾಗಿದೆ ಎನ್ನುವುದು ವಿಶೇಷ. ಅಷ್ಟೇ ಅಲ್ಲ, ಈ ಪಟ್ಟಿಯಲ್ಲಿ ಉಪೇಂದ್ರ ಅವರು ‘ಅವತಾರ್’, ‘ಟೈಟಾನಿಕ್’, ‘ಟ್ರೂ ಲೈಸ್’ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿರುವ ಜೇಮ್ಸ್ ಕ್ಯಾಮರಾನ್ ಅವರನ್ನು ಸಹ ಹಿಂದಿಕ್ಕಿದ್ದಾರೆ.
ಉಪೇಂದ್ರ ಅವರು ಈ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿರಬಹುದು. ಆದರೆ, ಅತೀ ಹೆಚ್ಚು ಕಮೆಂಟ್ಗಳನ್ನು ಪಡೆದ ಏಕೈಕ ನಿರ್ದೇಶಕರಾಗಿದ್ದಾರೆ. ಸ್ಪೀಲ್ಬರ್ಗ್, ನೋಲಾನ್ರಂತಹ ನಿರ್ದೇಶಕರಿಗೆ ಇನ್ನೂರು, ಮುನ್ನೂರು ಕಮೆಂಟ್ಗಳಿದ್ದರೆ, ಉಪೇಂದ್ರ ಅವರಿಗೆ 4700ಕ್ಕೂ ಹೆಚ್ಚ ಕಮೆಂಟ್ಗಳಿದ್ದು, ಅವರು ಅದೆಷ್ಟು ಜನಪ್ರಿಯ ಎಂಬುದನ್ನು ಸೂಚಿಸುತ್ತದೆ.
ಇದನ್ನೂ ಓದಿ: ಜಪಾನ್ನಲ್ಲಿ ರಜನಿಕಾಂತ್ ಚಿತ್ರವನ್ನು ಹಿಂದಿಕ್ಕಿ ಹೊಸ ದಾಖಲೆ ಬರೆದ ‘RRR’
ಈ ಸಮೀಕ್ಷೆಯಲ್ಲಿ ಯಾರು ಬೇಕಾದರೂ ಭಾಗವಹಿಸಿ ವೋಟ್ ಮಾಡಬಹುದಾಗಿದೆ. ಸುಮ್ಮನೆ ದಿ ಟಾಪ್ ಟೆನ್ಸ್ನ ಈ ಲಿಂಕ್ ಕ್ಲಿಕ್ ಮಾಡಿ ತಮ್ಮ ವೋಟ್ಗಳನ್ನು ಹಾಕಬಹುದು.
India's very own pride Actor, Director, Producer, Screenwriter Indian Real Star @nimmaupendra Ranked has one of the World's Top Directors By IMDb & TOPTEN.
Get ready for The Next Sure-Shot Blockbuster from him #UITheMovie@laharifilm @laharimusic @kp_sreekanth @SillyMonksNT pic.twitter.com/BuinT380ga
— Silly Monks Network (@SillyMonksNT) December 12, 2022
‘ಕಾಂತಾರ 2’ ಚಿತ್ರದ ಬಿಡುಗಡೆ ಯಾವಾಗ? ರಿಷಭ್ ಶೆಟ್ಟಿ ಹೇಳ್ತಾರೆ ಕೇಳಿ …