ಬಾಲಿವುಡ್ನ ಪ್ಲೇಬಾಯ್ ಎಂದು ಹೆಸರಾದವರು ನಟ ರಣಬೀರ್ ಕಪೂರ್. ಕಳೆದ ಹಲವು ವರ್ಷಗಳಿಂದ ಹಲವು ದೀಪಿಕಾ ಪಡುಕೋಣೆ, ಕತ್ರೀನಾ ಕೈಫ್ ಸೇರಿದಂತೆ ರಣಬೀರ್ ಹಲವರ ಜತೆಗೆ ಅಫೇರ್ ನಡೆಸಿದ್ದಾರೆ.
ಇದನ್ನೂ ಓದಿ: PHOTOS: ಶುಭಾ ಪೂಂಜ ಪ್ರಾಣಿ ಪ್ರೀತಿ ಹೇಗಿದೆ ನೋಡಿ…
ಇತ್ತೀಚಿನ ದಿನಗಳಲ್ಲಿ ಆಲಿಯಾ ಭಟ್ ಜತೆಗೆ ಅವರು ಬಹಳ ಹತ್ತಿರವಾಗಿದ್ದು, ಸದ್ಯದಲ್ಲೇ ಅವರಿಬ್ಬರು ಮದುವೆಯಾಗುತ್ತಾರೆ ಎಂಬ ಸುದ್ದಿ ಇದೆ. ಲಾಕ್ಡೌನ್ ಸಂದರ್ಭದಲ್ಲಿ ಅವರಿಬ್ಬರೂ ಒಂದೇ ಫ್ಲಾಟ್ನಲ್ಲಿ ವಾಸಿಸುತ್ತಿದ್ದು, ಇತ್ತೀಚೆಗೆ ಆಲಿಯಾಳನ್ನು ಮದುವೆಯಾಗುತ್ತಿರುವುದಾಗಿ ಆಕೆಯ ತಂದೆ ಮಹೇಶ್ ಭಟ್ಗೆ ವಿಚಾರ ತಿಳಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.
ಹೀಗಿರುವಾಗಲೇ, ಇನ್ನೊಬ್ಬ ಹುಡುಗಿಯ ಜತೆಗೆ ರಣಬೀರ್ ರೊಮ್ಯಾಂಟಿಕ್ ಮೂಡ್ನಲ್ಲಿರುವ ಹಲವು ಚಿತ್ರಗಳು ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಸುದ್ದಿ ಮಾಡುತ್ತಿವೆ. ಇಷ್ಟಕ್ಕೂ ರಣಬೀರ್ ಜತೆಗೆ ಇರುವ ಹುಡುಗಿ ಯಾರು, ಹೊಸ ಹುಡುಗಿ ಬಂದಿದ್ದರಿಂದ ಆಲಿಯಾಗೆ ರಣಬೀರ್ ಗುಡಬೈ ಹೇಳುತ್ತಾರಾ ಎಂಬಂತಹ ಹಲವು ಪ್ರಶ್ನೆಗಳು ಇದೀಗ ಬಾಲಿವುಡ್ ಮಂದಿಯನ್ನು ಕಾಡುತ್ತಿವೆ.
ಇದನ್ನೂ ಓದಿ: ರಾಮ್ಚರಣ್ ಚಿತ್ರಕ್ಕೆ ಪವನ್ ಕಲ್ಯಾಣ್ ಬಂಡವಾಳ
ಆದರೆ, ಹಾಗೇನೂ ಇಲ್ಲ. ರಣಬೀರ್ ಇತ್ತೀಚೆಗೆ ಮ್ಯಾಕ್ರೋಮ್ಯಾನ್ನ ಒಳಉಡುಪುಗಳ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದು, ಆ ಸಂದಭರ್ದಲ್ಲಿ ಸೆಟ್ನಲ್ಲಿ ತೆಗೆದ ಚಿತ್ರಗಳಿವು ಎಂದು ಹೇಳಲಾಗುತ್ತಿದೆ. ಈ ಜಾಹೀರಾತಿನಲ್ಲಿ ಅವರು ಮಾಡಲ್ ಒಬ್ಬರ ಜತೆಗೆ ಬಹಳ ಇಂಟಿಮೇಟ್ ಆಗಿ ಕಾಣಿಸಿಕೊಂಡಿದ್ದು, ರಣಬೀರ್ ಅಭಿನಯಿಸಿರುವ ಜಾಹೀರಾತುಗಳಲ್ಲೇ ಇದು ಅತ್ಯಂತ ಬೋಲ್ಡ್ ಆದ ಜಾಹೀರಾತು ಎಂದು ಹೇಳಲಾಗುತ್ತಿದೆ.
ಲಾಕ್ಡೌನ್ಗೂ ಮುನ್ನ ರಣಬೀರ್, ‘ಬ್ರಹ್ಮಾಸ್ತ್ರ’ ಎಂಬ ಚಿತ್ರದಲ್ಲಿ ನಟಿಸುತ್ತಿದ್ದು, ಸದ್ಯಕ್ಕೆ ಅದು ನಿಂತಿದೆ. ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕ ನಂತರ, ಆ ಚಿತ್ರವನ್ನು ಮುಂದುವರೆಸಲಾಗುತ್ತಿದೆ. ಈ ಮಧ್ಯೆ ಇನ್ನೊಂದಿಷ್ಟು ಕಥೆಗಳನ್ನು ಕೇಳಿರುವ ರಣಬೀರ್, ಸದ್ಯದಲ್ಲೇ ಆ ಕುರಿತು ಅಧಿಕೃತ ಪ್ರಕಟಣೆ ನೀಡಲಿದ್ದಾರಂತೆ.