ವಾಷಿಂಗ್ಟನ್: ಅಫ್ಘಾನಿಸ್ತಾನದಲ್ಲಿ ತಾಲಿಬಾನಿಗಳ ಅಟ್ಟಹಾಸದ ನಡುವೆ ಸಿಲುಕಿರುವ ಎಲ್ಲ ಅಮೆರಿಕನ್ನರು ಮತ್ತು ಯುಎಸ್ ಸೇನೆಗೆ ನೆರವು ನೀಡಿದ ಆಫ್ಘಾನ್ ಸಹಾಯಕರನ್ನು ಸ್ಥಳಾಂತರ ಮಾಡುವುದಾಗಿ ಅಧ್ಯಕ್ಷ ಜೋ ಬೈಡೆನ್ ಅವರು ಶುಕ್ರವಾರ ಪ್ರತಿಜ್ಞೆ ಮಾಡಿದ್ದಾರೆ.
169 ಅಮೆರಿಕನ್ನರನ್ನು ಸ್ಥಳಾಂತರಿಸಲು ಕೋರಿಕೊಂಡು ಯುಎಸ್ ಮಿಲಿಟರಿ ಹೆಲಿಕಾಪ್ಟರ್ಗಳು ಕಾಬೂಲ್ ವಿಮಾನ ನಿಲ್ದಾಣದ ಆಚೆಗೆ ಹಾರಿರುವುದನ್ನು ಅಧಿಕಾರಿಗಳು ಧೃಡೀಕರಿಸಿದ್ದಾರೆ.
ಕಾಬುಲ್ ಏರ್ಪೋರ್ಟ್ನಲ್ಲಿ ಪರಿಸ್ಥಿತಿ ಬಿಗಾಡಿಯಿಸಿದ್ದರೂ ಅಲ್ಲಿನ ಜನರಿಗೆ ಬೈಡೆನ್ ಭರವಸೆ ನೀಡಿದ್ದಾರೆ. ಇನ್ನು ತಾಲಿಬಾನಿ ಉಗ್ರರು ಕಾಬೂಲ್ ಏರ್ಪೋರ್ಟ್ ಮಾರ್ಗದಲ್ಲಿ ಅನೇಕ ಕಡೆ ಚೆಕ್ಪೋಸ್ಟ್ಗಳನ್ನು ನಿರ್ಮಾಣ ಮಾಡಿ, ರಸ್ತೆಗಳನ್ನು ಬ್ಲಾಕ್ ಮಾಡಿದ್ದು, ಜನರು ಏರ್ಪೋರ್ಟ್ಗೆ ಹೋಗುವುದನ್ನು ತಪ್ಪಿಸುವ ಪ್ರಯತ್ನ ಮಾಡುತ್ತಿದ್ದಾರೆ.
ಸಾವಿರಾರು ಜನರನ್ನು ಇನ್ನು ಸ್ಥಳಾಂತರ ಮಾಡಬೇಕಿದೆ. ಈಗಾಗಲೇ 18 ಸಾವಿರ ಜನರನ್ನು ಸ್ಥಳಾಂತರ ಮಾಡಲಾಗಿದ್ದು, ಉಳಿದ ಸ್ಥಳಾಂತರ ಕಾರ್ಯ ನೆರವೇರಲಿದೆ. ಈ ಬಗ್ಗೆ ಮಾತನಾಡಿರುವ ಬೈಡೆನ್, ಕಾಬುಲ್ನಲ್ಲಿ ನಮ್ಮ 6 ಸಾವಿರ ಸೈನಿಕರು ಪ್ರಾಣ ಪಣಕ್ಕಿಟ್ಟು ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಕಾಬುಲ್ ಸ್ಥಳಾಂತರ ಇತಿಹಾಸದಲ್ಲೇ ಅತ್ಯಂತ ಅಪಾಯಕಾರಿ ಸ್ಥಳಾಂತರಗಳಲ್ಲಿ ಒಂದು ಎಂದಿದ್ದಾರೆ.
ಸಾಧ್ಯವಾದಷ್ಟು ಎಲ್ಲರನ್ನೂ ಸ್ಥಳಾಂತರ ಮಾಡುತ್ತೇವೆ ಎಂದಿರುವ ಬೈಡೆನ್, ರಕ್ಷಣಾ ಕಾರ್ಯಾಚರಣೆಯಲ್ಲಿ ಏನಾದರೂ ನಮ್ಮ ಯೋಧರಿಗೆ ತೊಂದರೆ ನೀಡಿದರೆ, ಪರಿಸ್ಥಿತಿ ಬೇರೆಯದ್ದೇ ಆಗಿರುತ್ತದೆ ಎಂದು ತಾಲಿಬಾನಿ ಉಗ್ರರಿಗೆ ಬೈಡೆನ್ ಖಡಕ್ ಎಚ್ಚರಿಕೆಯನ್ನು ನೀಡಿದ್ದಾರೆ. (ಏಜೆನ್ಸೀಸ್)
31ರ ಬಳಿಕ ತಾಲಿಬಾನ್ ಸರ್ಕಾರ: ಅಮೆರಿಕ ಸೇನೆ ಸಂಪೂರ್ಣವಾಗಿ ಅಫ್ಘನ್ ತೊರೆದ ಬಳಿಕ ನಿರ್ಧಾರ
ಮಕ್ಕಳ ಮಾರಾಟ ಅವ್ಯಾಹತ: ನಾಲ್ಕು ವರ್ಷಗಳಲ್ಲಿ 767 ಕೇಸ್, ಬಡ ಪಾಲಕರೇ ಟಾರ್ಗೆಟ್