ಲಖನೌ: ಭಾರತದಲ್ಲಿ ಹಿರಿಯರ ಟಿ20 ಲೀಗ್ ನಡೆಯುತ್ತಿದ್ದು, ವಿವಿಧ ದೇಶದ ಮಾಜಿ ಆಟಗಾರರು ಲೀಗ್ನಲ್ಲಿ ಪಾಲ್ಗೊಂಡಿದ್ದಾರೆ. ಆಸ್ಟ್ರೇಲಿಯಾದ ಮಾಜಿ ಬೌಲರ್ ಮಿಚೆಲ್ ಜಾನ್ಸನ್ ಸಹ ಲೀಗ್ನಲ್ಲಿ ಭಾಗವಹಿಸಿದ್ದು, ಸೋಮವಾರ ಉತ್ತರ ಪ್ರದೇಶದ ರಾಜಧಾನಿ ಲಖನೌದ ಹೋಟೆಲ್ ಒಂದರಲ್ಲಿ ಉಳಿದುಕೊಂಡಿದ್ದಾಗ ಅಪರೂಪದ ಅತಿಥಿಯನ್ನು ಭೇಟಿ ಮಾಡಿದ್ದಾಗಿ ಜಾನ್ಸನ್, ಇನ್ಸ್ಟಾಗ್ರಾಂ ಮೂಲಕ ತಿಳಿಸಿದ್ದಾರೆ.
ಹೌದು, ಜಾನ್ಸನ್ ಅವರಿದ್ದ ಹೋಟೆಲ್ಗೆ ಹಾವೊಂದು ಪ್ರವೇಶ ಪಡೆದಿದೆ. ಇದಕ್ಕೆ ಸಂಬಂಧಿಸಿದ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿರುವ ಜಾನ್ಸನ್, ಹಾವು ಯಾವುದೆಂದು ಪತ್ತೆಹಚ್ಚಲು ಸಹಾಯ ಮಾಡುವಂತೆ ಅಭಿಮಾನಿಗಳನ್ನು ಕೋರಿದ್ದಾರೆ.
ಇದು ಯಾವ ಬಗೆಯ ಹಾವು ಎಂದು ಯಾರಿಗಾದರೂ ಗೊತ್ತಿದೆಯೇ? ಈಗಷ್ಟ ತಾನೇ ನನ್ನ ಕೋಣೆಯ ಬಾಗಿಲ ಮೇಲೆ ನೇತಾಡುತ್ತಿತ್ತು ಎಂದು ಇನ್ಸ್ಟಾಗ್ರಾಂ ಪೋಸ್ಟ್ಗೆ ಅಡಿಬರಹ ನೀಡಿದ್ದಾರೆ. ಅಲ್ಲದೆ, ಮತ್ತೊಂದು ಫೋಟೋ ಅಪ್ಲೋಡ್ ಮಾಡಿ, ಹಾವಿನ ತಲೆ ಕಾಣುವ ಉತ್ತಮ ಚಿತ್ರವನ್ನು ಪಡೆದೆ. ಏನಿದು ಎಂದು ಈ ಕ್ಷಣದವರೆಗೂ ಖಚಿತವಾಗಿಲ್ಲ. ಲಖನೌದಲ್ಲಿರುವುದು ಆಸಕ್ತಿದಾಯಕವಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಅಂದಹಾಗೆ ಹಿರಿಯ ಆಟಗಾರರನ್ನು ಒಳಗೊಂಡ ಲೆಜೆಂಡ್ಸ್ ಲೀಗ್ ಕ್ರಿಕೆಟ್ನಲ್ಲಿ ಜಾನ್ಸನ್ ಅವರು ದಕ್ಷಿಣ ಆಫ್ರಿಕಾದ ಮಾಜಿ ಆಟಗಾರ ಜಾಕಸ್ ಕಾಲೀಸ್ ನೇತೃತ್ವದ ಇಂಡಿಯಾ ಕ್ಯಾಪಿಟಲ್ಸ್ ತಂಡವನ್ನು ಪ್ರತಿನಿಧಿಸಿದ್ದಾರೆ.
ಜಾನ್ಸನ್ ಅವರು 2015 ರಲ್ಲಿ ಎಲ್ಲ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದರು. 73 ಟೆಸ್ಟ್ ಪಂದ್ಯಗಲ್ಲಿ 313 ವಿಕೆಟ್ ಮತ್ತು 153 ಏಕದಿನ ಪಂದ್ಯಗಳಲ್ಲಿ 239 ವಿಕೆಟ್ ಪಡೆದಿದ್ದಾರೆ. (ಏಜೆನ್ಸೀಸ್)
ಲಿಫ್ಟ್ ನೀಡಿದ ಬೈಕ್ ಸವಾರನಿಗೆ ಇಂಜೆಕ್ಷನ್ ಚುಚ್ಚಿ ಕೊಲೆ: ಪತ್ನಿಯ ಫೋನ್ಕಾಲ್ನಲ್ಲಿತ್ತು ಭಯಾನಕ ರಹಸ್ಯ…
ನಾಳೆ ಕಾಂಗ್ರೆಸ್ನ ಎಲ್ಲ ಶಾಸಕರು ಸೇರಿ ಸರ್ಕಾರಿ ಕಟ್ಟಡಗಳ ಮೇಲೆ ‘PAYCM’ ಪೋಸ್ಟರ್ ಅಂಟಿಸ್ತೀವಿ: ಡಿಕೆಶಿ
ಅಯ್ಯೋ ಪಾಪ ಅನನ್ಯಾಗೆ ಹೀಗಾಗಬಾರದಿತ್ತು! ಬಾಲಿವುಡ್ ಬ್ಯೂಟಿಯ ಪ್ಲಾನ್ಗಳನ್ನೇ ಬುಡಮೇಲು ಮಾಡಿದ ಲೈಗರ್