ಲಖನೌ: ಕರೊನಾ ಪ್ರಕರಣಗಳ ಏರಿಕೆಯಿಂದ ದೇಶದಲ್ಲಿ ಆಮ್ಲಜನಕ ಕೊರತೆ ಉಂಟಾಗಿದೆ. ಈ ಮಧ್ಯೆ ಉತ್ತರ ಪ್ರದೇಶದ ಆಗ್ರಾದಲ್ಲಿರುವ ಖಾಸಗಿ ಆಸ್ಪತ್ರೆಯಿಂದ ಆಕ್ಸಿಜನ್ ಸಿಲಿಂಡರ್ ತೆಗೆದುಕೊಂಡು ಹೋಗದಂತೆ ವ್ಯಕ್ತಿಯೊಬ್ಬ ಪೊಲೀಸರ ಕಾಲಿಗೆ ಬಿದ್ದು ಬೇಡಿಕೊಳ್ಳುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ನನ್ನ ತಾಯಿ ಸತ್ತು ಹೋಗುತ್ತಾಳೆ. ದಯವಿಟ್ಟು ಆಕ್ಸಿಜನ್ ಸಿಲಿಂಡರ್ ತೆಗೆದುಕೊಂಡು ಹೋಗಬೇಡಿ. ನಿಮ್ಮ ಕೈಮುಗಿದು ಕೇಳಿಕೊಳ್ಳುತ್ತೇನೆಂದು ಪಿಪಿಇ ಕಿಟ್ ಧರಿಸಿದ ವ್ಯಕ್ತಿ ಆಗ್ರಾ ಆಸ್ಪತ್ರೆಯ ಮುಂದೆ ಪೊಲೀಸರ ಕಾಲಿಗೆ ಬಿದ್ದು ಪರಿಪರಿಯಾಗಿ ಬೇಡಿಕೊಂಡಿರುವ ದೃಶ್ಯವನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.
ನನ್ ತಾಯಿ ಸತ್ತೋಗ್ತಾಳೆ ಆಕ್ಸಿಜನ್ ಸಿಲಿಂಡರ್ ಕೊಂಡೊಯ್ಯಬೇಡಿ ಸರ್! ಕಾಲಿಗೆ ಬಿದ್ರೂ ಕರಗಲಿಲ್ಲ ಪೊಲೀಸರ ಮನಸ್ಸು#Mother #Death #Agra #UPPolice #Oxygencylinder #Coronavirus pic.twitter.com/nuWtZrVhbg
— Vijayavani (@VVani4U) April 29, 2021
ಈ ವಿಡಿಯೋವನ್ನು ಸೋಮವಾರ ಸಂಜೆ ಆಗ್ರಾ ಆಸ್ಪತ್ರೆ ಮುಂದೆ ಚಿತ್ರೀಕರಿಸಲಾಗಿದೆ ಎಂದು ಹೇಳಲಾಗಿದೆ. ವಿಡಿಯೋದಲ್ಲಿರುವ ವ್ಯಕ್ತಿಯ ತಾಯಿ ಕೋವಿಡ್ನಿಂದಾಗಿ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಅಲ್ಲಿಗೆ ಬಂದ ಪೊಲೀಸರು ಸಿಲಿಂಡರ್ ತೆಗೆದುಕೊಂಡು ಆಂಬ್ಯುಲೆನ್ಸ್ಗೆ ತುಂಬಿಕೊಂಡು ಹೋಗಿದ್ದಾರೆನ್ನಲಾಗಿದೆ.
ನನ್ನ ತಾಯಿಯನ್ನು ಮರಳಿ ಕರೆತರುತ್ತೇನೆಂದು ನನ್ನ ಕುಟುಂಬಕ್ಕೆ ಭರವಸೆ ನೀಡಿ ನಾನು ಈ ಆಸ್ಪತ್ರಗೆ ಬಂದಿದ್ದೇನೆ. ಈಗ ನೀವು ಸಿಲಿಂಡರ್ ತೆಗೆದುಕೊಂಡು ಹೋದರೆ ನಾನು ಎಲ್ಲಿಂದ ಸಿಲಿಂಡರ್ ವ್ಯವಸ್ಥೆ ಮಾಡಲಿ? ಪ್ಲೀಸ್ ಸರ್ ತೆಗೆದುಕೊಂಡು ಹೋಗಬೇಡಿ ಎಂದು ಕಣ್ಣೀರಿಡುತ್ತಾ ಪೊಲೀಸರ ಕಾಲಿಗೆ ಬಿದ್ದ ವ್ಯಕ್ತಿ ಕೇಳಿಕೊಂಡಿದ್ದಾನೆ,
ಎಷ್ಟೇ ಬೇಡಿಕೊಂಡರು ಪೊಲೀಸರ ಮನಸ್ಸು ಮಾತ್ರ ಕರಗಲೇ ಇಲ್ಲ. ಸಿಲಿಂಡರ್ ತುಂಬಿಕೊಂಡು ಹೊರಟೇ ಹೋದರು. ಇನ್ನು ತಮ್ಮ ಮೇಲಿನ ಆಪಾದನೆಯನ್ನು ಆಗ್ರಾ ಪೊಲೀಸರು ತಳ್ಳಿಹಾಕಿದ್ದಾರೆ. ಆಸ್ಪತ್ರೆಯಿಂದ ತೆಗೆದುಕೊಂಡು ಹೋಗಿದ್ದ ಖಾಲಿ ಸಿಲಿಂಡರ್ ಎಂದು ಆಗ್ರಾ ಎಸ್ಪಿ ಸ್ಪಷ್ಟನೆ ನೀಡಿದ್ದಾರೆ. ಆದರೂ, ಜಾಲತಾಣದಲ್ಲಿ ಪೊಲೀಸರ ವರ್ತನೆ ಬಗ್ಗೆ ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ. (ಏಜೆನ್ಸೀಸ್)
ಭಾರತದಲ್ಲಿರುವ ಅಮೆರಿಕನ್ನರಿಗೆ ‘ಈಗಲೇ ವಾಪಸ್ ಬನ್ನಿ’ ಎಂದ ಅಮೆರಿಕ ಸರ್ಕಾರ
4000 ಮಹಿಳೆಯರ ಜತೆ ಸೆಕ್ಸ್, 77ನೇ ವಯಸ್ಸಲ್ಲಿ ಮರು ಮದ್ವೆ: ಸುಂದರಿಯಿಂದಲೇ ಆಗರ್ಭ ಶ್ರೀಮಂತನ ದುರಂತ ಅಂತ್ಯ!
ಧೈರ್ಯಂ ಸರ್ವತ್ರ ಸಾಧನಂ… ಕರೊನಾದ ಸಾವಿನ ಬಾಯಿಗೆ ಹೋಗಿ ಜಯಿಸಿ ಬಂದ ಶತಾಯುಷಿ ದಂಪತಿ!