ಬೆಂಗಳೂರು: ನಟ ಯಶ್ ಅಭಿನಯದ ಹಾಗೂ ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಚಾಪ್ಟರ್-2 ಸಿನಿಮಾ ಹಲವು ದಾಖಲೆಗಳನ್ನು ತನ್ನ ಹೆಸರಿಗೆ ಬರೆದುಕೊಂಡಿದ್ದು, ಬಾಕ್ಸ್ ಆಫೀಸ್ನಲ್ಲಿ ಆರ್ಭಟ ಮುಂದುವರಿಸಿದೆ. ಕೆಜಿಎಫ್ 1 ಮತ್ತು 2 ಎರಡು ಚಾಪ್ಟರ್ಗಳು ಯಶಸ್ಸು ಕಂಡಿದ್ದು, ಚಿತ್ರತಂಡ ಇದರ ಖುಷಿಯಲ್ಲಿರುವಾಗಲೇ ಹೊಸ ತಲೆನೋವೊಂದು ಎದುರಾಗಿದೆ.
ರಾಕಿಭಾಯ್ ಪಾತ್ರವನ್ನು ನಿಜ ಜೀವನದ ಪಾತ್ರವೊಂದರಿಂದ ಪ್ರಭಾವಿತರಾಗಿ ತೆಗೆದುಕೊಂಡಿದ್ದು ಎಂದು ಈ ಹಿಂದೆ ಪ್ರಶಾಂತ್ ನೀಲ್ ಹೇಳಿದ್ದರು. ಇದೀಗ ರಿಯಲ್ ಜೀವನದ ಅದೇ ರಾಕಿಭಾಯ್ನಿಂದಲೇ ಚಿತ್ರಕ್ಕೆ ತಲೆನೋವೊಂದು ಎದುರಾಗಿದೆ. ಕೆಜಿಎಫ್ ಚಿತ್ರ ತಂಗಂ ಹೆಸರಿನ ರೌಡಿಯನ್ನು ಆಧರಿಸಿದ ಕತೆ ಎಂಬ ಮಾಹಿತಿ ಇದೆ. ತಂಗಂ ಕೋಲಾರ ಚಿನ್ನದ ಗಣಿಯಲ್ಲಿ ಕೆಲಸ ಮಾಡುವಾಗ ಅಲ್ಲಿ ಗ್ಯಾಂಗ್ ಒಂದನ್ನು ಕಟ್ಟಿಕೊಂಡು ಗ್ಯಾಂಗ್ ಸಹಾಯದಿಂದ ಕೆಜಿಎಫ್ನಲ್ಲಿ ಸಾಕಷ್ಟು ಚಿನ್ನವನ್ನೇ ಎಗರಿಸಿದ್ದ. ಇದರಿಂದಾಗ ಆತಿ ಜೂನಿಯರ್ ವೀರಪ್ಪನ್ ಎಂಬ ಹೆಸರನ್ನು ಪಡೆದುಕೊಂಡಿದ್ದಾನೆ. ಅಲ್ಲದೆ, ತಾನು ಲೂಟಿ ಮಾಡಿದ ಚಿನ್ನವನ್ನು ಆತ ಜನರಿಗೂ ಹಂಚುತ್ತಿದ್ದ ಎಂದು ಹೇಳಲಾಗಿದೆ.
1997ರಲ್ಲಿ ನಡೆದ ಪೊಲೀಸ್ ಎನ್ಕೌಂಟರ್ನಲ್ಲಿ ತಂಗಂ ಮೃತಪಟ್ಟಿದ್ದಾನೆ. ಇದೀಗ ಅವರ ತಾಯಿ ಕೆಜಿಎಫ್ ಚಿತ್ರತಂಡದ ವಿರುದ್ಧ ಗಂಭೀರ ಆರೋಪವನ್ನು ಮಾಡಿದ್ದಾರೆ. ಕೆಜಿಎಫ್ನಲ್ಲಿ ನನ್ನ ಮಗನ ಕತೆಯನ್ನು ತೋರಿಸಲಾಗಿದೆ. ನಮಗೆ ಒಂದು ಮಾತು ಹೇಳದೆ ಕೆಜಿಎಫ್ ಚಿತ್ರವನ್ನು ಬರೆಯಲಾಗಿದೆ. ಇದರ ವಿರುದ್ಧ ಕಾನೂನು ಮೊರೆ ಹೋಗುತ್ತೇವೆ ಎಂದು ಹೇಳಿದ್ದಾರೆ.
ಇದೇ ವಿಚಾರ ಇದೀಗ ಕೆಜಿಎಫ್ ಚಿತ್ರತಂಡಕ್ಕೆ ಹೊಸ ತಲೆನೋವಾಗಿ ಪರಿಣಮಿಸಿದೆ. ಇನ್ನೊಂದೆಡೆ ಕೆಜಿಎಫ್ 2 ಚಿತ್ರ ಎಲ್ಲೆಡೆ ಮೆಚ್ಚುಗೆ ವ್ಯಕ್ತವಾಗುತ್ತದೆ. ಅಲ್ಲದೆ, ಚಿತ್ರದಲ್ಲಿ ಕ್ರೌರ್ಯವನ್ನು ತೋರಿಸಲಾಗಿದೆ. ಯಾವುದೇ ಸಾಮಾಜಿಕ ಸಂದೇಶವಿಲ್ಲ. ಯುವಕರನ್ನು ತಪ್ಪು ದಾರಿಗೆ ಎಳೆಯುತ್ತಿರುವ ಚಿತ್ರ ಎಂಬ ಟೀಕೆಗಳು ಕೇಳಿಬರುತ್ತಿವೆ. (ಏಜೆನ್ಸೀಸ್)
ಬಗೆದಷ್ಟು ಹೊರ ಬರ್ತಿದೆ PSI ಪರೀಕ್ಷಾ ಅಕ್ರಮ: ಮುನ್ನಾಭಾಯಿ MBBS ಸ್ಟೈಲ್ನಲ್ಲಿ ಪರೀಕ್ಷೆ ಬರೆದಿರುವ ಅಭ್ಯರ್ಥಿಗಳು
ಲವರ್ ಜತೆ ತಂಗಿ ಬೈಕ್ನಲ್ಲಿ ಹೋಗುವುದನ್ನು ನೋಡಿದ ಅಣ್ಣ: ಮುಂದಾಗಿದ್ದೇನು? ಇಲ್ಲಿದೆ ಭಯಾನಕ ದೃಶ್ಯ
ಕಾಡುತ್ತಿದೆ ಕಲ್ಲಿದ್ದಲು ಕೊರತೆ, ವಿದ್ಯುತ್ ಅಭಾವ ಭೀತಿ; 81 ಸ್ಥಾವರಗಳಲ್ಲಿ ನಿಶ್ಚಿತ ದಾಸ್ತಾನಿಲ್ಲ