ಹೈದರಾಬಾದ್: ಟಾಲಿವುಡ್ ಸ್ಟಾರ್ ನಾಗಚೈತನ್ಯ ಜತೆ ಡಿವೋರ್ಸ್ ಪಡೆದಾಗಿನಿಂದ ನಟಿ ಸಮಂತಾ ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾರೆ. ಅವರ ಪ್ರತಿಯೊಂದು ಚಲನಾವಲನಗಳನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದ್ದು, ಸ್ಯಾಮ್ ಏನೇ ಮಾಡಿದರೂ ಸುದ್ದಿಯಾಗುತ್ತಿದೆ. ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಕ್ರಿಟಿಕ್ಸ್ ಚಾಯ್ಸ್ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಸ್ಯಾಮ್ ಭಾಗವಹಿಸಿದ್ದರು. ಈ ವೇಳೆ ಅವರು ಧರಿಸಿದ್ದ ಹಾಟ್ ಡ್ರೆಸ್ ಎಲ್ಲರ ಗಮನ ಸೆಳೆದು, ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಕಾರ್ಯಕ್ರಮದಲ್ಲಿ ಸಮಂತಾ “ಬಿಕಿನಿ ಕಟ್ ಬಾಟಲ್ ಗ್ರೀನ್ ಗೌನ್” ಧರಿಸಿದ್ದರು. ಎದೆ ಸೀಳು ಕಾಣುವಂತಹ ಡ್ರೆಸ್ನಲ್ಲಿ ತುಂಬಾ ಬೋಲ್ಡ್ ಆಗಿ ಸಮಂತಾ ಕಾಣುತ್ತಿದ್ದರು. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಎಲ್ಲಿ ನೋಡಿದರೂ ಸಮಂತಾರ ಹಸಿರುಮಯವಾದ ಹಾಟ್ ಲುಕ್ ಫೋಟೋಗಳೇ ಕಾಣಿಸುತ್ತಿವೆ.
ಸಮಂತಾ ತಮ್ಮ ಇನ್ಸ್ಟಾಗ್ರಾಂ ಪೇಜ್ನಲ್ಲೂ ಸಹ ಇದೇ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದು, 20 ಲಕ್ಷಕ್ಕೂ ಅಧಿಕ ಲೈಕ್ಸ್ಗಳು ಬಂದಿವೆ. ಸಮಂತಾ ಧರಿಸಿದ್ದು, ಬಿಕಿನಿ ಕಟ್ ಹೈ ವೇಸ್ಟ್ ಫಿಟೆಡ್ ಡ್ರೆಸ್. ಈ ಧಿರಿಸು ನೂಡಲ್ ಸ್ಟ್ರಾಪ್ಗಳು, ಸೀಕ್ವಿನ್ಡ್ ಎಂಬ್ರಾಯ್ಡರಿ ಪ್ಯಾಚ್ಗಳು ಸೇರಿದಂತೆ ಅನೇಕ ಫೀಚರ್ಗಳನ್ನು ಸೇರಿಸಿ ವಿನ್ಯಾಸ ಮಾಡಲಾಗಿದೆ. ಈ ಉಡುಗೆಯನ್ನು ಸಮಂತಾರ ಡಿಸೈನರ್ ಪ್ರೀತಂ ಝುಕಲ್ಕರ್ ಸಿದ್ಧಪಡಿಸಿದ್ದಾರೆ.
ತುಂಬಾ ವಿಭಿನ್ನವಾಗಿ ಮತ್ತು ಸಖತ್ ಹಾಟ್ ಆಗಿ ಕಾಣುತ್ತಿದ್ದ ಸಮಂತಾರ ಫೋಟೋ ನೋಡಿ ಈ ಉಡುಗೆಯ ಬೆಲೆ ಎಷ್ಟಿರಬಹುದು ಎಂಬ ಪ್ರಶ್ನೆ ಸಾಮಾಜಿಕ ಜಾಲತಾಣದಲ್ಲಿ ಕೇಳಿಬರುತ್ತಿತ್ತು. ಇದೀಗ ಉತ್ತರ ಸಿಕ್ಕಿದ್ದು, ಡಿಸೈನರ್ಗಳಾದ ಗೌರಿ ಮತ್ತು ನೈನಿಕಾ ಅವರ ಫ್ಯಾಷನ್ ಲೇಬಲ್ನ ಕಪಾಟಿನಿಂದ ಹೊರಬಂದಂತಹ ಈ ಹಾಟ್ ಡ್ರೆಸ್ನ ಬೆಲೆ ತಲೆ ತಿರುಗಿಸುವಂತಿದೆ. ಈ ಬಿಕಿನಿ ಕಟ್ ಬಾಟಲ್ ಗ್ರೀನ್ ಗೌನ್ ಬೆಲೆ ಬರೋಬ್ಬರಿ 1.80 ಲಕ್ಷ ರೂಪಾಯಿ ಆಗಿದ್ದು, ಬೆಲೆ ಕೇಳಿದವರು ಬಾಯಿ ಮೇಲೆ ಬೆರಳಿಡುವಂತಿದೆ.
ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಗುಣಶೇಖರ್ ಚಿತ್ರಕತೆ ಬರೆದು ನಿರ್ದೇಶನ ಮಾಡಿರುವ ಶಾಕುಂತಲಂ ಚಿತ್ರದಲ್ಲಿ ನಟಿಸಿದ್ದು, ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ಇದರೊಂದಿಗೆ ತಮಿಳು ಮತ್ತು ತೆಲುಗು ದ್ವಿಭಾಷಾ ಸಿನಿಮಾ ಯಶೋಧಾದಲ್ಲಿ ನಟಿಸುತ್ತಿದ್ದಾರೆ. ಬಾಲಿವುಡ್ಗೂ ಪದಾರ್ಪಣೆ ಮಾಡಿರುವ ಸಮಂತಾ ಫಿಲಿಪ್ ಜಾನ್ ನಿರ್ದೇಶನದ ಅರೆಂಜ್ಮೆಂಟ್ಸ್ ಆಫ್ ಲವ್ ಚಿತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ. (ಏಜೆನ್ಸೀಸ್)
ಹಾಟ್ ಡ್ರೆಸ್ ನೋಡಿ ತಮ್ಮ ಮೇಲೆ ಮುಗಿಬಿದ್ದ ವಿರೋಧಿಗಳಿಗೆ ಸಮಂತಾ ಕೊಟ್ಟ ಮಾತಿನ ಪಂಚ್ ಹೀಗಿದೆ…
ರಹಸ್ಯವಾಗಿ ಮದ್ವೆಯಾದ ನಯನತಾರಾ-ವಿಘ್ನೇಶ್ ಶಿವನ್: ದೇವಸ್ಥಾನದಲ್ಲೇ ಹೊರಬಿತ್ತು ಮಹತ್ವದ ಸುಳಿವು!
ಅಭಿಮಾನಿಗಳು ಅಪ್ಪಲಿ ಎಂದೇ ಬಿಡುಗಡೆ ಆಗಲಿದೆ ಅಂದು ಅಪ್ಪು ಬೇಡ ಎಂದಿದ್ದ ಹಾಡು!