ಬೆಂಗಳೂರು: ಇಂಜಿನಿಯರಿಂಗ್ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು ಇನ್ನು ಮುಂದೆ ತಾಂತ್ರಿಕ ಕೋರ್ಸ್‌ಗಳ ಜತೆಗೆ ‘ಜೀವಶಾಸ’ ವನ್ನು ಒಂದು ವಿಷಯವಾಗಿ ಅಭ್ಯಾಸ ನಡೆಸಬೇಕಿದೆ.
ಹೌದು. ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ(ವಿಟಿಯು) ಈ ಶೈಕ್ಷಣಿಕ ವರ್ಷದಿಂದಲೇ ವಿದ್ಯಾರ್ಥಿಗಳಿಗೆ ಜೀವಶಾಸವನ್ನು ಬೋಧನೆ ಕಡ್ಡಾಯ ಮಾಡಿದೆ. ಜೀವಶಾಸ್ತ್ರದ ಜ್ಞಾನವನ್ನು ವಿದ್ಯಾರ್ಥಿಗಳಿಗೆ ನೀಡುವ ಉದ್ದೇಶದಿಂದ ‘ಬಯೋಲಜಿ ಆಫ್ ಇಂಜಿನಿಯರ್ಸ್‌’ ಎಂಬ ವಿಷಯವನ್ನು 4ನೇ ಸೆಮಿಸ್ಟರ್‌ಗೆ ಸೇರ್ಪಡೆ ಮಾಡುತ್ತಿದೆ.
ಕರೊನಾದಂತಹ ವೇಳೆಯಲ್ಲಿ ಎಷ್ಟು ವೈದ್ಯರು ಮತ್ತು ಇಂಜಿನಿಯರ್‌ಗಳು ಯಾವ ರೀತಿಯಲ್ಲಿ ಕೆಲಸ ಮಾಡಿದ್ದರೆ ಎಂಬುದು ತಿಳಿದು ಬಂದಿದೆ. ಈ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳಿಗೆ ವೈದ್ಯಕೀಯ ಜ್ಞಾನ ಕೂಡ ಮುಖ್ಯ ಎಂಬುದನ್ನು ಅರಿತು ನಾವು ಕೋರ್ಸ್ ಆರಂಭಿಸಿದ್ದೇವೆ ಎಂದು ವಿವಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಉದ್ಯೋವಕಾಶ: ವೈದ್ಯಕೀಯ ಉತ್ಪನ್ನಗಳ ಉತ್ಪಾದನೆಯಲ್ಲಿ ಇಂಜಿನಿಯರಿಂಗ್ ವಿದ್ಯಾರ್ಥಿಗಳ ಪಾತ್ರ ಅತ್ಯವಶ್ಯಕವಾಗಿದೆ. ಈ ಕ್ಷೇತ್ರದಲ್ಲಿ ಉದ್ಯೋಗವಕಾಶಗಳು ಸಹ ಹೆಚ್ಚಿವೆ. ಇಂದು ಕೃತಕ ಬುದ್ಧಿ ಮತ್ತೆ ತಂತ್ರಜ್ಞಾನವನ್ನು ಸಾಕಷ್ಟು ವೈದ್ಯಕೀಯ ಶಸ ಚಿಕಿತ್ಸೆಯಲ್ಲಿ ಬಳಕೆ ಮಾಡಲಾಗುತ್ತಿದೆ. ವಿದ್ಯಾರ್ಥಿಗಳಿಗೆ ವೈದ್ಯಕೀಯ ಜ್ಞಾನ ಸಿಕ್ಕಾಗ ಮತ್ತಷ್ಟು ಉತ್ತಮವಾದ ಉತ್ಪನ್ನಗಳನ್ನು ರೂಪಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಬಹುದಾಗಿದೆ. ಈ ಹಿನ್ನೆಲೆಯಲ್ಲಿ ಕೋರ್ಸ್ ಪರಿಚಯಿಸುತ್ತಿದೆ ಎಂದು ವಿವಿ ವಿಷಯ ತಜ್ಞರು ತಿಳಿಸಿದ್ದಾರೆ.
ಕೈಗಾರಿಕೋದ್ಯಮಿಗಳಿಂದಲೇ ಪಠ್ಯಕ್ರಮವನ್ನು ವಿವಿ ಸಿದ್ಧಪಡಿಸಿದೆ. ಈ ಉದ್ಯಮಿಗಳೇ ವಿದ್ಯಾರ್ಥಿಗಳಿಗೆ ತರಗತಿಯನ್ನು ತೆಗೆದುಕೊಳ್ಳಲಿದ್ದಾರೆ. ಅಲ್ಲದೆ, ಹೊರಗಡೆಯಿಂದಲೂ ವಿಷಯ ತಜ್ಞರನ್ನು ಕರೆಯಿಸಿ ಬೋಧನೆ ಮಾಡಿಸಲಿದೆ.
ವಿದ್ಯಾರ್ಥಿಗಳಿಗೆ ವಿಜ್ಞಾನದ ಅರಿವು ಇರಬೇಕು. ತಂತ್ರಜ್ಞಾನದ ಜತೆಗೆ ವಿಜ್ಞಾನ ಸಮೀಕರಿಸಿದಾಗ ಉತ್ತಮ ಉತ್ಪನ್ನಗಳನ್ನು ರೂಪಿಸಲು ಸಾಧ್ಯವಾಗಲಿದೆ. ಈ ಹಿನ್ನೆಲೆಯಲ್ಲಿ ಜೀವಶಾಸವನ್ನು ಪರಿಚಯಿಸಲಾಗುತ್ತಿದೆ.
| ಕರಿಸಿದ್ದಪ್ಪ, ಕುಲಪತಿ, ವಿಟಿಯು
ಇರಲಾರದೇ ಇರುವೆ ಬಿಟ್ಟುಕೊಳ್ಳೋದು ಅಂದ್ರೆ ಇದೇ! ಆರ್ಯನ್ ಖಾನ್ ಜತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡವನಿಗೆ ಶಾಕ್