ಚೆನ್ನೈ: ಟೀಮ್ ಇಂಡಿಯಾದ ಆಟಗಾರ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಸ್ಟಾರ್ ಆಟಗಾರ ದೀಪಕ್ ಚಹರ್ ತನ್ನ ಪ್ರೇಮ ನಿವೇದನೆಯಿಂದಲೇ ಐಪಿಎಲ್ನಲ್ಲಿ ಭಾರೀ ಸುದ್ದಿಯಾಗಿದ್ದಾರೆ. ಐಪಿಎಲ್ ಪಂದ್ಯದ ವೇಳೆ ಚಹರ್ ಅವರು ತಮ್ಮ ಗೆಳತಿ ಜಯಾ ಭಾರದ್ವಜ್ ಅವರಿಗೆ ಲವ್ ಪ್ರಪೋಸ್ ಮಾಡುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದರು. ಅಭಿಮಾನಿಗಳು ಕೂಡ ಚಹರ್ ಪ್ರೀತಿಯನ್ನು ಸಂಭ್ರಮಿಸಿದ್ದರು.
ಜಯಾ ಅವರು ವಿಐಪಿ ಸ್ಟ್ಯಾಂಡ್ನಲ್ಲಿ ನಿಂತು ಪಂದ್ಯ ವೀಕ್ಷಣೆ ಮಾಡುವಾಗ ಸರ್ಪ್ರೈಸ್ ಆಗಿ ಭೇಟಿ ನೀಡಿದ್ದ ಚಹರ್ ರಿಂಗ್ ಕೊಟ್ಟು ಪ್ರೇಮ ನಿವೇದನೆ ಮಾಡಿಕೊಂಡಿದ್ದರು. ಜಯಾ ಕೂಡ ತುಂಬಾ ಖುಷಿಪಟ್ಟಿದ್ದರು. ಈ ಭಾವನಾತ್ಮಕ ಸನ್ನಿವೇಶಕ್ಕೆ ಕ್ರಿಕೆಟ್ ಬಳಗವೂ ಕೂಡ ಫಿದಾ ಆಗಿ, ಚಹರ್ ಮತ್ತು ಜಯಾಗೆ ಅಭಿನಂದೆನಗಳನ್ನು ಸಲ್ಲಿಸಿದ್ದರು.
ಅಂದಹಾಗೆ ಚಹರ್ ಮತ್ತು ಜಯಾ ಇದೇ ಜೂನ್ 1ರಂದು ಸಪ್ತಪದಿ ತುಳಿದಿದ್ದು, ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇದೀಗ ಚಹರ್ ಅವರು ಹನಿಮೂನ್ಗೆ ತೆರಳಿದ್ದು, ಈ ಬಗ್ಗೆ ಚಹರ್ ಅವರನ್ನು ಸ್ವತಃ ಅವರ ಸಹೋದರಿ ಹಾಗೂ ರೂಪದರ್ಶಿಯಾಗಿರುವ ಮಾಲತಿ ಚಹರ್ ಟ್ರೋಲ್ ಮಾಡಿದ್ದಾರೆ. ಚಹರ್ ಹನಿಮೂನ್ ಕುರಿತು ಮಾಲತಿ ಮಾಡಿರುವ ಕಾಮೆಂಟ್ ಎಲ್ಲರ ಹುಬ್ಬೇರಿಸಿದೆ.
ಅಭಿನಂದನೆ ಸಲ್ಲಿಸುವ ಪೋಸ್ಟ್ ಮೂಲಕ ಮಾಲತಿ ಅವರು ಚಹರ್ ಕಾಲೆಳೆದಿದ್ದಾರೆ. ತುಂಬಾ ಸಂತೋಷದ ವೈವಾಹಿಕ ಜೀವನ ನಿಮ್ಮದಾಗಿರಲಿ ಸಹೋದರ. ಹನಿಮೂನ್ ವೇಳೆ ನಿನ್ನ ಬೆನ್ನು ಹುಷಾರು. ಏಕೆಂದರೆ ಮುಂದೆ ವಿಶ್ವಕಪ್ ಪಂದ್ಯವಿದೆ ಎಂದು ಬರೆಯುವ ಮೂಲಕ ಮಾಲತಿ ಸಹೋದರನ ಕಾಲೆಳೆದಿದ್ದಾರೆ.
ಗಾಯದ ಕಾರಣ ಚಹರ್ ಕಳೆದ ಋತುವಿನ ಐಪಿಎಲ್‌ನಿಂದ ಹೊರಗುಳಿದಿದ್ದರು. ಬೆನ್ನುನೋವಿನ ಕಾರಣ ಚಹರ್ ಚೆನ್ನೈ ಪರ ಫೀಲ್ಡಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಈ ವರ್ಷ ಟ್ವೆಂಟಿ-20 ವಿಶ್ವಕಪ್ ಆಸ್ಟ್ರೇಲಿಯಾದಲ್ಲಿ ನಡೆಯಲಿದ್ದು, ಅದಕ್ಕೆ ಚಹರ್ ತರಬೇತಿ ನಡೆಸಬೇಕಿದೆ. (ಏಜೆನ್ಸೀಸ್)
ನಾವೆಲ್ಲರೂ ಒಂದೇ ಚಿತ್ರರಂಗದವರು; ದಕ್ಷಿಣ-ಉತ್ತರ ಅಂತೇನೂ ಇಲ್ಲ ಎಂದ ಖಿಲಾಡಿ..
ಮೂರು ವಾರ ನಿರ್ಣಾಯಕ: ರಾಜ್ಯದಲ್ಲಿ ಕೋವಿಡ್ ನಾಲ್ಕನೇ ಅಲೆ ಸಂಭಾವ್ಯತೆ..