ಬೆಂಗಳೂರು: ಮಹಾಮಾರಿ ಕರೊನಾ ಲಾಕ್ಡೌನ್ನಿಂದ 75 ದಿನಗಳಿಗೆ ಮೊಟಕುಗೊಂಡು ಮತ್ತೆ ಎರಡನೇ ಇನ್ನಿಂಗ್ಸ್ ಆರಂಭಿಸುವ ಮೂಲಕ ರಿಯಾಲಿಟಿ ಶೋ ಇತಿಹಾಸದಲ್ಲೇ ದಾಖಲೆ ಬರೆದ ಬಿಗ್ಬಾಸ್ 8ನೇ ಆವೃತ್ತಿಗೆ ವರ್ಣರಂಜಿತ ತೆರೆಬಿದ್ದಿದ್ದು, ಮಜಾಭಾರತದ ಲ್ಯಾಗ್ ಮಂಜು ಖ್ಯಾತಿಯ ಮಂಜು ಪಾವಗಡ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ಅರವಿಂದ್ ಕೆಪಿ ರನ್ನರ್ ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.
ಬಹುತೇಕರ ಲೆಕ್ಕಾಚಾರದಂತೆಯೇ ಮಂಜು ಪಾವಗಡ 8ನೇ ಸೀಸನ್ ವಿನ್ನರ್ ಆಗಿ ಹೊರಹೊಮ್ಮಿದ್ದು, ಅರವಿಂದ್ ಎರಡನೇ ಸ್ಥಾನ ಪಡೆದುಕೊಂಡಿದ್ದಾರೆ. ದಿವ್ಯಾ ನಿರೀಕ್ಷೆಯಂತೆ ಮೂರನೇ ಸ್ಥಾನದೊಂದಿಗೆ ಕೊನೆಯ ಎಲಿಮಿನೇಷನ್ ಸುತ್ತಿನಲ್ಲಿ ಮನೆಯಿಂದ ಹೊರಬಂದರು.
ಕೊನೆಯಲ್ಲಿ ಉಳಿದಿದ್ದ ಐವರು ಫೈನಲಿಸ್ಟ್ಗಳಲ್ಲಿ ಶನಿವಾರ ಮೊದಲಿಗರಾಗಿ ಪ್ರಶಾಂತ್ ಸಂಬರಗಿ ಮನೆಯಿಂದ ಹೊರಬಂದರು. ಅದರ ಬೆನ್ನಲ್ಲೇ ವೈಷ್ಣವಿ ಗೌಡ ಮನೆಯಿಂದ ಹೊರಬರುವ ಮೂಲಕ ಶನಿವಾರದ ಗ್ರ್ಯಾಂಡ್ ಫಿನಾಲೆ ಮೊದಲನೇ ಎಪಿಸೋಡ್ ಅಂತ್ಯವಾಯಿತು. ಭಾನುವಾರ ನಡೆದ ಎರಡನೇ ಫಿನಾಲೆ ಹಾಗೂ ಅಂತಿಮ ಎಪಿಸೋಡ್ನಲ್ಲಿ ದಿವ್ಯಾ ಉರುಡುಗ ಹೊರಬಿದ್ದರು. ಕೊನೆಯಲ್ಲಿ ಮಂಜು ಮತ್ತು ಅರವಿಂದ್ ಮನೆಯಲ್ಲಿ ಉಳಿದುಕೊಂಡರು.
ಎಂದಿನಂತೆ ಕೊನೆಯಲ್ಲಿ ಬಿಗ್ಬಾಸ್ ಮನೆಯೊಳಗೆ ತೆರಳಿದ ನಟ ಸುದೀಪ್ ಮಂಜು ಮತ್ತು ಅರವಿಂದ್ರನ್ನು ಬಿಗ್ಬಾಸ್ ವೇದಿಕೆ ಮೇಲೆ ಕರೆತಂದರು. ಪ್ರಶಸ್ತಿ ಘೋಷಣೆ ಸುತ್ತಿನಲ್ಲಿ ಮಂಜು ಪಾವಗಡ ಕೈಯನ್ನು ಮೇಲಕ್ಕೆ ಎತ್ತುವ ಮೂಲಕ ವಿಜೇತ ಯಾರೆಂಬುದನ್ನು ನಟ ಸುದೀಪ್ ಅಧಿಕೃತಗೊಳಿಸಿದರು. ಇದರೊಂದಿಗೆ ಬಿಗ್ಬಾಸ್ ಸೀಸನ್ 8ಕ್ಕೆ ವರ್ಣರಂಜಿತ ತೆರೆಬಿದ್ದಿತು.
ಈ ಹಿಂದಿನ ಸೀಸನ್ ವಿನ್ನರ್ಸ್ ಮತ್ತು ರನ್ನರ್ ಅಪ್
ಮೊದಲನೇ ಸೀಸನ್: ವಿಜಯ ರಾಘವೇಂದ್ರ (ವಿನ್ನರ್), ಅರುಣ್ ಸಾಗರ್ (ರನ್ನರ್ ಅಪ್)
ಎರಡನೇ ಸೀಸನ್: ಅಕುಲ್ ಬಾಲಾಜಿ (ವಿನ್ನರ್), ಸೃಜನ್ ಲೋಕೇಶ್ (ರನ್ನರ್ ಅಪ್)
ಮೂರನೇ ಸೀಸನ್: ಶ್ರುತಿ (ವಿನ್ನರ್), ಚಂದನ್ ಕುಮಾರ್ (ರನ್ನರ್ ಅಪ್)
ನಾಲ್ಕನೇ ಸೀಸನ್: ಪ್ರಥಮ್ (ವಿನ್ನರ್), ಕಿರಿಕ್ ಕೀರ್ತಿ (ರನ್ನರ್ ಅಪ್)
ಐದನೇ ಸೀಸನ್: ಚಂದನ್ ಶೆಟ್ಟಿ (ವಿನ್ನರ್), ದಿವಾಕರ್ (ರನ್ನರ್ ಅಪ್)
ಆರನೇ ಸೀಸನ್: ಶಶಿಕುಮಾರ್ (ವಿನ್ನರ್), ನವೀನ್ ಸಜ್ಜು (ರನ್ನರ್ ಅಪ್)
ಏಳನೇ ಸೀಸನ್: ಶೈನ್ ಶೆಟ್ಟಿ (ವಿನ್ನರ್), ಕುರಿ ಪ್ರತಾಪ್ (ರನ್ನರ್ ಅಪ್)
ಅಂತಿಮ ಹಂತಕ್ಕೆ ಬಂದ ಕೂಡಲೇ ಬದಲಾಯ್ತ ನಿಮ್ಮ ವರಸೆ?! ಸುದೀಪ್ ವಿರುದ್ಧ ಅರವಿಯಾ ಅಭಿಮಾನಿಗಳು ಗರಂ
ನಟಿಯ ಇನ್ಸ್ಟಾಗ್ರಾಂ ಪೇಜ್ನಲ್ಲಿ ಬೆತ್ತಲೆ ಫೋಟೋಗಳು! ಕರೆ ಮಾಡಿ ಶಾಕಿಂಗ್ ವಿಚಾರ ಬಿಚ್ಚಿಟ್ಟ ಅನಾಮಿಕ
ಸರಳತೆಯ ಪಾಠ ಕರೊನಾಕ್ಕೆ ಸೀಮಿತವಾಗದಿರಲಿ: ವಿಜಯವಾಣಿ ಸೆಲೆಬ್ರಿಟಿ ಕಾರ್ನರ್ನಲ್ಲಿ ಮೇಘನಾ ಗಾಂವ್ಕರ್