ಸಾಗರ: ಸಲೂನ್ ಶಾಪ್ನಲ್ಲಿ ಪಿಪಿಇ ಕಿಟ್ ಧರಿಸಿಕೊಂಡು ಹೇರ್ ಕಟ್ ಮಾಡಲಾಗುತ್ತಿದೆ!
ನಗರದ ನೆಹರುನಗರ ಉಪ್ಪಾರಕೇರಿಯ ‘ಫೇಸ್ಲುಕ್ ಸಲೂನ್ ಶಾಪ್’ ಪ್ರವೇಶ ಮಾಡುತ್ತಿದ್ದಂತೆ ಪಿಪಿಇ ಕಿಟ್ ಧರಿಸಿದ ವ್ಯಕ್ತಿಯೊಬ್ಬರು ಕಾಣಿಸುತ್ತಾರೆ. ಅವರನ್ನು ನೋಡಿದ ಕೂಡಲೇ ಕಟಿಂಗ್ ಸಲೂನ್ ಬದಲಿಗೆ ಆಸ್ಪತ್ರೆಗೆ ಬಂದಿದ್ದೇವಾ? ಎಂದು ಅರೆಕ್ಷಣ ಶಾಕ್ ಆಗೋದು ಗ್ಯಾರಂಟಿ. ಹೌದು, ಕರೊನಾ ಸೋಂಕು ಹರಡುವಿಕೆ ನಿಯಂತ್ರಣಕ್ಕೆ ಸಲೂನ್ ಶಾಪ್ ಮಾಲೀಕ ಕೈಗೊಂಡಿರುವ ಮುನ್ನೆಚ್ಚರಿಕೆ ಕ್ರಮ ಇದು.
ಇದನ್ನೂ ಓದಿರಿ ಕರೊನಾ ಸೋಂಕಿಗೆ ಆಯುರ್ವೇದ ಔಷಧ ಪಡೆದ ಸಿ.ಟಿ.ರವಿ ಗುಣಮುಖ
‘ಫೇಸ್ಲುಕ್ ಸಲೂನ್ ಶಾಪ್’ ಮಾಲೀಕ ಪ್ರಶಾಂತ್ ಕೆಳದಿ ಪಿಪಿಇ ಕಿಟ್ ಹಾಕಿಕೊಂಡೇ ಗ್ರಾಹಕರ ಕೇಶ ವಿನ್ಯಾಸ ಮಾಡುತ್ತಿದ್ದಾರೆ. ಕಟಿಂಗ್ ಮಾಡಿಸಲು ಬರುವ ಗ್ರಾಹಕರಿಗೆ ಥರ್ಮಲ್ ಸ್ಕ್ರೀನಿಂಗ್ ಮಾಡಿ ಜ್ವರ ಇಲ್ಲ ಎಂಬುದನ್ನು ಖಚಿತ ಪಡಿಸಿಕೊಂಡ ಬಳಿಕವೇ ಅಂಗಡಿ ಒಳಗೆ ಬರಮಾಡಿಕೊಳ್ಳುತ್ತಾರೆ. ಗ್ರಾಹಕರ ಕೈಗೂ ಸ್ಯಾನಿಟೈಸರ್ ಹಾಕಿ ನಂತರ ಕೇಶ ವಿನ್ಯಾಸ ಕೆಲಸ ಆರಂಭಿಸುತ್ತಾರೆ. ಸ್ವಚ್ಛತೆ, ಶುಭ್ರತೆ ಜತೆಯಲ್ಲಿ ಪ್ರತಿಯೊಬ್ಬರ ಕಟಿಂಗ್ಗೂ ಒಂದೊಂದು ನ್ಯಾಪ್ಕಿನ್ ಬಳಸುತ್ತಿದ್ದಾರೆ.
ಇಡೀ ಜಗತ್ತನೇ ತಲ್ಲಣಗೊಳಿಸಿರುವ ಕರೊನಾ ಸೋಂಕು, ಸಲೂನ್ ಉದ್ಯಮದ ಮೇಲೂ ದುಷ್ಪರಿಣಾಮ ಬೀರಿದೆ. ಲಾಕ್ಡೌನ್ ವೇಳೆ ಸಂಪೂರ್ಣ ಬಂದ್ ಆಗಿದ್ದ ಸಲೂನ್ಗಳೀಗ ಕಾರ್ಯ ನಿರ್ವಹಿಸುತ್ತಿವೆಯಾದರೂ ಗ್ರಾಹಕರ ಸಂಖ್ಯೆ ಕ್ಷೀಣಿಸಿದೆ. ಇತ್ತ ಸೋಂಕಿನ ಭೀತಿ ನಡುವೆಯೂ ಹೊಟ್ಟೆಪಾಡಿಗಾಗಿ ಸಲೂನ್ ಅಂಗಡಿಯವರು ಬಾಗಿಲು ತೆರೆದಿದ್ದಾರೆ. ಈ ನಡುವೆ ಪ್ರಶಾಂತ್ ಕೆಳದಿ ಅವರ ಕಾಳಜಿ ಇತರರಿಗೂ ಮಾದರಿ.
ತೋಟದ ಮನೆಯಲ್ಲಿ ಸೆಕ್ಸ್ ಮಾಡುತ್ತಿರುವಾಗಲೇ ಮಹಿಳೆ ಮತ್ತು ಯುವಕನನ್ನು ಬರ್ಬರವಾಗಿ ಕೊಚ್ಚಿ ಹಾಕಿದ ಅಜ್ಜ-ಮೊಮ್ಮಗ!